3 Yahya 1

13 verses

¹Syedara Gayus nyang ulôn gaséh! Ulôn peumimpén jeumaáh nyang biet-biet lôn gaséh gata,

²meudoá kheueh mangat Gata na lam keuadaan seuhat sabe dan banmandum gét-gét ngon gata, saban lagée jiwa gata gét-gét mantong. 3 Ulôn mangat até watée na padub droe syedara tanyoe nyang Kristen teuka dan jipeugah bak ulôn padub na seutia jih Gata ubak Po teu Allah nyang beutôi, sabab keubiet that udeb Gata sabe meunurot ajaran Allah.

⁴Hana nyang hase jipeujeuet ulôn biet-biet geumbira, watée lôn deungoe aneuëk-aneuëk ulôn udeb meunurot ajaran Allah.

⁵Syedara lôn! Gata meunan seutia nibak buet nyang Gata peubuet keu syedara-syedara tanyoe seusabe ureuëng Kristen; meunan cit keu ureuëng Kristen nyang gohlom Gata turi pih, Gata layani.

⁶Awaknyan ka jipeugah ubak jeumaáh bak teumpat kamoe keuhai geunaséh gata. Tulông kheueh awaknyan mangat hase jipeujak meuneujak awaknyan dan ngon na lagée nyan biet galak that até Allah,

⁷sabab nibak meuneujak teupeutimang Almaseh, awaknyan hana jiteurimong bantuan peue mantong nibak ureuëng-ureuëng nyang hana jituri Allah.

⁸Sabab nyan, geutanyoe ureuëng-ureuëng Kristen gét that tatulong syedara-syedara tanyoe nyang Kristen nyang lagée nyan bagoe, mangat tanyoe hase taseutôt lam useuha awaknyan keujijak peusampoe ajaran nyang beutôi nibak Allah.

⁹Ulôn ka lôn tuléh surat nyang paneuk ubak jeumaáh, teuma lé Diotrefes nyang keuneuk jeuet keupeumimpén lam jeumaáh, hana jitem seutôt ulôn.

¹⁰Teuma watée ulôn teuka, lôn reuloh banmandum peue-peue mantong nyang ka jipeubuet nyan, na kheueh keuhai-hai nyang jeuhet dan haba sulet nyang jipeugah keuhai kamoe! Teuma banmandum nyan gohlom seb keu jihnyan. Bak watée rakan-rakan nyang ureuëng Kristen nyan teuka, jihnyan hana jitem teurimong awaknyan. Dan jitam soe-soe mantong ureuëng nyang jikeuneuk teurimong awaknyan, dan jihnyan laju jiyue teubiet bandum awaknyan nibak jeumaáh!

¹¹Syedara lôn nyang teucinta, bék kheueh gata cuntoh peue nyang brok. Dan cuntoh kheueh peue nyang gét. Ureuëng nyang peubuet nyang gét na kheueh milék Allah. Dan ureuëng nyang peubuet jeuhet gohlom jituri Allah.

¹²Banmandum ureuëng jipujoe Demetrius. Dan Po teu Allah keudroe jipujoe geuh nyan. Meunan cit kamoe pih meupujo jihnyan, dan Gata tateupeue bahwa peue nyang kamoe peusampoe nyoe jeuet teupeucaya.

¹³Jai that-that nyang peureulée ulôn peugah bak gata, teuma ulôn rasa leubeh gét bék meulalu surat.

¹⁴Ulôn meuharab hana treb lé hase meurumpok ngon gata, dan tanyoe teuma tameutoe langsong. 15 Seumoga Tuhan geubri beureukat ateueh Syedara. Rakan-rakan gata nibak teumpat lôn nyoe jikirém saleuem keu gata. Dan peutrok kheueh saleuem ulôn ubak mandum syedara tanyoe sidroe-droe.

← Previous All Books Next →