PTL Lyrics

PRAISE THE LORD LYRICS

Daily Reading Bible

✅ Shared successfully

Acehnese Holy Bible Wordproject Bible

Ayub 3

25 verses

¹Óh lheueh nyan Nabi Ayub geupeuphon peugah haba dan geukutok uroe gobnyan lahé, kheun gobnyan,

²"Ya Allah, kutôk kheueh uroe ulôn lahé, dan malam yoh phon ulôn geukandong lé ma!

⁴Ya Allah, peujeuet kheueh uroe nyan seupôt; sampôh kheueh nibak ingatan Droeneueh sampoe leunyab; bék kheueh Droeneueh peubiyeu teuma cahya meuble-ble nyang peupeungéh jihnyan.

⁵Peujeuet kheueh uroe nyan itam ngon seupôt glab; seupôt glab, sapu suram; neutôb kheueh ngon awan dan mega, peupayông kheueh nibak cahya surya.

⁶Bah kheueh malam nyan teupeugadôh nibak itongan thon dan buleuen; bék le ji-ingat, meunan cit bék teubileueng.

⁷Bah kheueh malam nyan peunoh lé seupôt hana geumbira, dan hana teuma meusra.

⁸Hei gata dukun-dukun dan nyang keundali Lewiatan, peurhot kheueh uroe nyan deungon sumpah dan kutôk;

⁹bék sampoe bintang keujora meuble-ble cahya, bék peubiyeu cahya beungoh jiteubiet teuma! Bah kheueh malam nyan sia-sia mantong teupreh teuka jih uroe dan harapan nyang barô.

¹⁰Teukutôk kheueh malam ceulaka watée ulôn geupeulahé lé ma, dan geupeubiyeu teutanggong seungsara.

¹¹Pakon ulôn hana maté lam pruet ma, atawa nyawöng lôn teusuet watée ulôn lahé?

¹²Pakon ulôn geuwa lé ma dan geupangkée teuma, dan geupeumom nibak boh dada geuh?

¹³Meunyoe watée nyan ulôn kuwoe ubak Po, teuma ulôn éh dan meureuhat deungon teunang,

¹⁴lagée raja-raja dan nyang mat kuasa yoh watée ilée, nyang peudong lom meuligoe bak jamén purba.

¹⁵Ulôn teu éh lagée aneuëk raja, nyang pasoe rumoh gobnyan deungon pirak keuncana.

¹⁶Pakon ulôn hana lahé tanna le nyawöng mangat teu éh ulôn meusineunya dan teulena?

¹⁷Disideh, lam kubu, ureuëng jeuhet hana jipeubuet jeuhet dan buruh nyang ka habéh teunaga hase jipeulheueh hék jih.

¹⁸Meunan cit tawanan meurasa puih, beubaih nibak jidhot-dhot lé tukang jaga.

¹⁹Disideh mandum ureuëng saban: nyang meusyeuhu dan nyang hana meugah. Bubena namiet meurdehka teuma óh dudoe.

²⁰Pakon manusia geupeubiyeu hana putôh-putôh udeb seungsara? Pakon trang geubri ubak nyang seudeh?

²¹Awaknyan leubeh galak kubu nibak hareuta, teupreh-preh mawöt, teuma teutab hana teuka.

²²Keubahgiaan barô hase teurasa watée awaknyan ka maté dan teupeukubu.

²³Watée ukeue awaknyan geupeukeuleubông lé Po teu Allah, awaknyan geukeupông lé gobnyan rot meubagoe arah.

²⁴Gantoe jih pajoh, teuma ulôn apoh apah, hana piôh-piôh ulôn apoh apah.

²⁵Banmandum nyang ulôn gundah rhot ateueh lôn, banmandum nyang ulôn takot, jiheuntam ulôn.

²⁶Nibak ulôn hana nyang teuntram, ulôn meudeurita hana keuneulheueh."

← Previous All Books Next →

Ayub 3 — Acehnese Holy Bible Wordproject Bible | Holy Bible | PTL Lyrics