PTL Lyrics

PRAISE THE LORD LYRICS

Loading Bible Translation

First-time download in progress. This may take a few seconds…

Daily Reading Bible

✅ Shared successfully

←Bible|||

Acehnese Holy Bible Wordproject Bible

Peumo Ba-E 3

63 verses

¹Ulôn kheueh ureuëng nyang ka lôn rasa udeb seungsara, sabab teuginton ngon beungéh Po teu Allah.

²Maken jiôh ulôn teuhila u dalam seupôt nyang hana deuh sapeue.

³Ulôn geupoh meuleuböb-leuböb hana geupiôh, hana rasa gaséh bansipanyang uroe.

⁴Gobnyan geupeujeuet tuboh lôn ka habéh luka luhok-luhok, dan tuleueng-tuleueng ulôn ka habéh patah.

⁵Gobnyan geupeupeunoh ulôn deungon duka dan deurita.

⁶Ulôn geupaksa tinggai dalam seupôt lagée ureuëng nyang maté bak jamén ilée.

⁷Deungon beuleunggu nyang kong laju geu ikat ulôn, sampoe ka hana le rot lôn teubiet.

⁸Laju ulôn kliek lôn lakée tulông, teuma Po teu Allah hán geutem deungoe.

⁹Gobnyan laju geulinteueng rot ulôn jak deungon beuton-beuton batée.

¹⁰Lagée cagée meuluem Gobnyan geupreh lôn, lagée singa Gobnyan geulinteueng ulôn.

¹¹Geutiyeub ulôn sampoe meusimpang bak binéh jalan, laju ulôn geuteugöm ngon geupriek-priek geutinggai sinan.

¹²Lom geureuntang busur Gobnyan, dan geupeujeuet ulôn teumpat timbak aneuk panah Gobnyan.

¹³Aneuk panah Gobnyan ka beusöt nibak tuboh lôn sampoe trok teutôb nibak jantong lôn.

¹⁴Si uroe seupôt ulôn jipeukém lé bandum ureuëng, dan geupeujeuet keubahan gob pansi haba.

¹⁵Teuma nyang phet nyang geubri keu ulôn keu peunajoh dan nyang ulôn jieb.

¹⁶Muka ulôn geupreu-preu ubak tanoh, dan gigo ulôn geu antôk ubak batée sampoe patah.

¹⁷Ka treb that hántom lôn rasa udeb seujahteura; katuwoe ulôn pakriban udeb bahgia.

¹⁸Nibak ulôn ka hana le meusyeuhu, Gadôh kheueh harapan ulôn ubak TUHAN.

¹⁹Ulôn pike keuhai meurawöh dan keuhai nyang malang lagée lôn jieb ié tuba nyang lumpah that phet.

²⁰Hana putôh-putôh hai nyan ulôn pike, sampoe baten ulôn ka teuteugon hana meuguna.

²¹Bahpi meunan harapan ulôn jibeudôh lom, watée lôn ingat hai nyoe:

²²Geunaséh TUHAN keukai abadi, rakhmat Gobnyan hántom na habéh,

²³sabe barô tieb-tieb beungoh keubit that TUHAN seutia lagoena!

²⁴TUHAN na kheueh hareuta ulôn hana nyang laén. Sabab nyan kheueh, ulôn meuharab ubak Gobnyan.

²⁵TUHAN gét that keu ureuëng nyang meuharab ubak Gobnyan, dan ubak ureuëng nyang mita Gobnyan.

²⁶Lé sababnyan, bah kheueh tanyoe preh deungon teunang sampoe TUHAN trok geujak bri peutulôngan;

²⁷bah kheueh tanyoe meurunoe jeuet keutabah bak watée geutanyoe mantong muda.

²⁸Watée TUHAN geubri peundeuritaan, bah kheueh geutanyoe taduek keudroe deungon seungab.

²⁹Bah kheueh geutanyoe ta peumiyueb droe dan meunyeurah, sabab mungken harapan mantong na.

³⁰Bahpi jitampa dan jirapa, bah kheueh banmandum nyan tanyoe teurimong.

³¹Sabab, TUHAN hana geutulak geutanyoe siumu masa.

³²Óh ka lheueh Gobnyan geubri peundeuritaan, nibak gobnyan pih na gaséh sayang, sabab Gobnyan teutab geugaséh keu geutanyoe deungon geunaséh nyang hana bataih.

³³Gobnyan hana deungon rila até geupeubiyeu geutanyoe meudeurita dan seudeh.

³⁴Meunyoe jiwa geutanyoe teuteugon didalam glab,

³⁵Meunyoe geutanyoe gadôh hak nyang geubri lé TUHAN,

³⁶sabab keuadelan geuputa balék, pasti kheueh TUHAN geuteupeue dan geupeurati.

³⁷Meunyoe TUHAN hana geugalak keu sapeue-sapeue, pasti manusia hana hase jipeugét sapeue keu nyan.

³⁸Gét dan brok teutab jipeujak na kheueh ateueh peurintah TUHAN.

³⁹Pakon manusia harôh apoh apah meunyoe jihnyan teuhuköm sabab desya-desya jih keudroe?

⁴⁰Bah kheueh geutanyoe tatilek udeb geutanyoe, dan tawoe bak TUHAN Allah di dalam syeuruga. Jak kheueh geutanyoe ta peuhah até dan meudoá,

⁴²"Kamoe meudesya dan beurontak ubak Droeneueh, ya TUHAN, dan Droeneueh hán neubri keuamphonan.

⁴³Kamoe Droeneueh peulet Droeneueh poh maté, gaséh sayang ka teusöm lam beungéh Droeneueh.

⁴⁴Meureuka Droeneueh lagée awan nyang teubai that sampoe hana hase jilhob lé doá-doá kamoe.

⁴⁵Kamoe ka neupeujeuet lagée brôh nyang hana meuguna nibak mata bansigom donya.

⁴⁶Kamoe jihina lé bandum musoh dan jipeukém-peukém kamoe;

⁴⁷Kamoe ka keunong lé keuceulakaan dan keuhancoran, dan udeb lam bahya dan teumakot nyang hán teukira.

⁴⁸Ié mata lôn ji ile lagée ié krueng sabab bansa ulôn ka habéh hanco.

⁴⁹Ulôn teuma lôn mo hana piôh-piôh,

⁵⁰sampoe Droeneueh, ya TUHAN di syeuruga, neungieng kamoe.

⁵¹Até ulôn ka jeuet keuseudeh kamoe ngieng naséb ureuëng inong di banda kamoe.

⁵²Lagée cicém, ulôn jitiyeub lé musoh nyang hana keudaléeh neubanci ulôn.

⁵³U dalam mon nyang tô kreng, awaknyan jitiek ulôn udeb-udeb laju jiseubée ulôn ngon aneuk batée.

⁵⁴Ié ji-ék sampoe trok bak ulée lôn, dan ulôn pike, -- 'Habéh kheueh riwayat lôn!'

⁵⁵Ya TUHAN, ulôn meulakée ubak Droeneueh, nibak tuwie mon nyang lhok nyan.

⁵⁶Ulôn meuharab nyang that-that bék kheueh neusumpai geulinyueng Droeneueh keu nyang ulôn lakée mangat Droeneueh neutulông ulôn. Dan doá ulôn Droeneueh deungoe, dan Droeneueh teuka neujak peutoe; Droeneueh neupeugah, 'Bék yo.'

⁵⁸Droeneueh teuka neupeujuang peukara ulôn, ya TUHAN, nyawöng ulôn ka Droeneueh peuseulamat.

⁵⁹Droeneueh neungieng buet nyang jeuhet nyang jipeubuet ateueh ulôn, reuncana jeuhet musoh nyang banci ulôn. Sabab nyan, ya TUHAN, neubila kheueh peukara ulôn.

⁶¹Droeneueh, TUHAN, neudeungoe ulôn jihina; Droeneueh neuteupeue bandum reuncana awaknyan.

⁶²Awaknyan jipeubiyeu ulôn siuroe seupôt. keu jipeuceulaka ulôn, awaknyan jipeugét reuncana nyang kutoe.

⁶³Phon beungoh trok án malam, ulôn jipeujeuet keubarang nyang jipeukém.

⁶⁴Huköm kheueh awaknyan, nyang sisuai deungon buet jih, ya TUHAN.

⁶⁵Kutok kheueh awaknyan, dan neupeubiyeu kheueh awaknyan tinggai dalam keuadaan putôh asa.

⁶⁶Peulét kheueh dan peubinasa kheueh awaknyan banmandum sampoe awaknyan teusampôh habéh lam donya."

← Previous All Books Next →