Imeum-Imeum 17

14 verses

¹TUHAN meufeureuman ubak Nabi Musa mangat geujak jok peuratoran-peuratoran nyoe ubak Nabi Harun, aneuëk-aneuëk gobnyan dan banmandum bansa Israel.

³Meunyoe sidroe ureuëng Israel jipeuseumah leumô, bubiri atawa kaméng keu TUHAN, beulatang nyan harôh jisie nibak babah pintoe Khimah TUHAN. Meunyoe atranyan jisie bak teumpat nyang laén, jihnyan ka ji iengkeue ubak huköm sabab jipeurô darah. Jihnyan hana teu anggab sibagoe anggota umat Po teu Allah.

⁵Peurintah nyan meukeusut jih mangat bansa Israel jiba ubak Khimah TUHAN banmandum beulatang keureubeuen nyang lazem jih awaknyan sie di ladang-ladang. Awaknyan wajéb jiba keureubeuen nyan ubak imeum dikeue babah pintoe Khimah TUHAN dan jisie atranyan nibak teumpat nyan sibagoe keureubeuen peudamé.

⁶Imeum harôh geureutek darah nyan ubak sagoe-sagoe miseubah dikeue babah pintoe Khimah TUHAN laju geutot gapah mangat jeuet bée jih nyang mangat nyan lumpah that galak até TUHAN.

⁷Bansa Israel harôh teutab seutia ubak TUHAN dan sagai-sagai hana jeuet jisie beulatang nibak blang-blang sibagoe keureubeuen ubak jén-jén jeuhet. Peuratoran nyan harôh jitaát keu siumu masa.

⁸Meunyoe sidroe ureuëng Israel atawa sidroe ureuëng aséng nyang na tinggai teutab lamkawan bansa Israel jipeuseumah keureubeuen nyang teutot atawa keureubeuen laén

⁹ubak TUHAN, ureuëng nyan harôh jipeuseumah dikeue babah pintoe Khimah TUHAN. Meunyoe jihnyan jipeuseumah atranyan bak teumpat laén, ureuëng nyan hana jeuet teu anggab anggota umat Po teu Allah.

¹⁰Meunyoe sidroe-droe ureuëng Israel atawa ureuëng aséng nyang na tinggai teutab lamkawan bansa Israel jipajoh darah, teuma ureuëng nyan geuhuköm lé TUHAN dan hana geu anggab anggota umat Gobnyan.

¹¹Nyawöng tieb-tieb makhluk na lam darah nyan. Sabab nyan TUHAN geupeurintah mangat bandum darah jireutek ateueh miseubah mangat desya-desya umat geusampôh bubena. Darah na kheueh nyawöng, teusampôh desya.

¹²Nyan kheueh sabab jih ureuëng Israel atawa ureuëng aséng nyang na tinggai teutab di lamkawan awaknyan teutam bék jipajoh darah.

¹³Meunyoe na sidroe-droe ureuëng Israel atawa ureuëng aséng nyang na tinggai di lamkawan bansa Israel jidrob cicém atawa beulatang laén nyang hana hareuem, jihnyan harôh jipeuteubiet darah beulatang nyan dan laju jiseubée ngon tanoh.

¹⁴Nyawöng tieb-tieb makhluk na lam darah nyan, sababnyan TUHAN geutam bansa Israel jipajoh darah. Soe mantong ureuëng nyang jipeubuet buet nyang teutam nyan ureuëng nyan hana le teu anggab anggota umat Po teu Allah.

¹⁵Soe mantong ureuëng Israel atawa ureuëng aséng nyang pajoh sie beulatang nyang ka maté keudroe atawa maté sabab jiteugöm lé beulatang juwah, harôh jijak rhah peukayan jih óh lheueh nyan jimanoe dan jipréh sampoe án mata uroe jilob, barô kheueh ureuëng nyan teupeugah ka gleh.

¹⁶Meunyoe jihnyan hana jipeubuet lagée nyan, jihnyan harôh jitanggong akibat jih.

← Previous All Books Next →

Loading Bible Translation

First-time download in progress. This may take a few seconds…

←Bible|||

Acehnese Holy Bible Wordproject Bible