PTL Lyrics

PRAISE THE LORD LYRICS

Loading Bible Translation

First-time download in progress. This may take a few seconds…

Daily Reading Bible

✅ Shared successfully

←Bible|||

Acehnese Holy Bible Wordproject Bible

Teubileueng 26

60 verses

¹Óh ka lheueh beuncana nyan seuleusoe, TUHAN geupeugah ubak Nabi Musa dan Eleazar aneuëk Imeum Harun,

²"Gata harôh tapeuna seunsus keu banmandum umat Israel meunurot keuluwarga jihnyan maséng-maséng. Banmandum ureuëng agam nyang meu umu dua ploh thon u ateueh nyang ka mampu jeuet keu tantra, ureuëng nyan harôh teucetet."

³Nabi Musa dan Eleazar laju geupeubuet peue nyang ka geupeurintah nyan. Awaknyan laju geuhôi banmandum ureuëng agam nyang meu umu dua ploh thon u ateueh dan geupeusapat laju awaknyan di ateueh darat Moab, nibak siblaih Krueng Yordan, toe ngon banda Yerikho. Nyoe kheueh ureuëng-ureuëng Israel nyang jiteubiet nibak nanggroe Meusé:

⁵Nibak sukée Ruben, aneuëk tuha Nabi Yakub: kawöm Henokh, Palu,

⁶Hezron dan Karmi.

⁷Ureuëng agam dalam kawöm nyan na jeumeulah jih 43.730 droe.

⁸Aneuëk Palu na kheueh Eliab,

⁹dan aneuëk-aneuëk Eliab na kheueh Nemuel, Datan dan Abiram. Datan dan Abiram nyan ka jipiléh lé umat, teuma awaknyan jipeusaho droe deungon murit-murit Korah keu jilawan Nabi Musa dan Nabi Harun dan lom jilawan TUHAN.

¹⁰Laju bumoe pi beukah bubena awaknyan meunan cit deungon Korah habéh banmandum jiuét lé bumoe sampoe maté bak watée apui jitot sampoe binasa 250 droe ureuëng agam. Hainyan jeuet keu peuingat keu bansa Israel.

¹¹Teuma aneuëk-aneuëk Korah hana rhoh teupoh maté.

¹²Nibak sukée Simeon: kawöm Nemuel, Yamin, dan Yakhin,

¹³Zerah dan Saul.

¹⁴Ureuëng agam lam kawöm nyan na jeumeulah jih 22.200 droe.

¹⁵Nibak sukée Gad: Kawöm Zefon, Hagi, Syuni,

¹⁶Ozni, Eri,

¹⁷Arod dan Areli.

¹⁸Ureuëng agam lam kawöm-kawöm nyan na jeumeulah jih 40.500 droe.

¹⁹Nibak sukée Yehuda: Kawöm Syela, Peres, Zerah, Hezron dan Hamul. Dua droe aneuëk Yehuda, na kheueh Er dan Onan, ka meuninggai donya di tanoh Kanaan.

²²Ureuëng agam dalam kawöm nyan na jeumeulah jih 76.500 droe.

²³Nibak sukée Isakhar: Kawöm Tola, Pua,

²⁴Yasub dan Simron.

²⁵Ureuëng agam lam kawöm nyan na jeumeulah jih 64.300 droe.

²⁶Nibak sukée Zebulon: Kawöm Sered, Elon dan Yahleel.

²⁷Ureuëng agam lam kawöm nyan na jeumeulah jih 60.500.

²⁸Nibak keuturonan Nabi Yusuf, nyang na jimeu aneuëk dua droe aneuëk agam: sukée Manasye dan sukée Efraim.

²⁹Nibak sukée Manasye: Makhir, aneuëk Manasye na kheueh bapak Gilead; dan kawöm-kawöm nyang seulanjut jihnyoe na kheueh nibak kawöm Gilead:

³⁰Kawöm Lezer, Helek,

³¹Asriel, Sekhem,

³²Semidan dan Hefer.

³³Zelafehad aneuëk Hefer hana jimeu aneuëk nyang agam, teuma aneuëk-aneuëk inong. Nan-nan awaknyan na kheueh Mahla, Noa, Hogla, Milka dan Tirza.

³⁴Ureuëng agam lam kawöm nyan na jeumeulah jih 52.700 droe.

³⁵Nibak sukée Efraim: Kawöm Sutelah, Bekher, dan Tahan.

³⁶Kawöm Eran na kheueh keuturonan Sutelah.

³⁷Ureuëng agam lam kawöm nyan na jeumeulah jih 32.500 droe. Nyan kheueh kawöm-kawöm keuturonan Nabi Yusuf.

³⁸Nibak sukée Benyamin: Kawöm Bela, Asybel, Ahiram,

³⁹Sefufam dan Hufam.

⁴⁰Kawöm Ared dan Naaman na kheueh keuturonan Bela.

⁴¹Ureuëng agam lam kawöm-kawöm nyan na jeumeulah jih 45.600 droe.

⁴²Nibak sukée Dan: Kawöm Suham.

⁴³Ureuëng agam lam kawöm nyan na jeumeulah jih 64.400 droe.

⁴⁴Nibak sukée Asyer: Kawöm Yimna, Yiswi dan Beria.

⁴⁵Kawöm Heber dan Malkiel na kheueh keuturonan Beria.

⁴⁶Asyer na jimeu aneuëk sidroe aneuëk inong nyang meunan Serah.

⁴⁷Ureuëng agam lam kawöm-kawöm nyan na jeumeulah jih 53.400 droe.

⁴⁸Nibak sukée Naftali: Kawöm Yahzeel, Guni,

⁴⁹Yezer dan Syilem.

⁵⁰Ureuëng agam lam kawöm nyan na jeumeulah jih 45.400 droe.

⁵¹Banmandum ureuëng agam Israel na jeumeulah 601.730 droe.

⁵²TUHAN geupeugah ubak Nabi Musa,

⁵³"Tabagi kheueh tanoh-tanoh nyan keu sukée-sukée bansa Israel meunurot rayeuk jih maséng-maséng sukée.

⁵⁴Gata peubuet kheueh nyan deungon cara teutiek undi. Ubak sukée nyang rayeuk harôh neubri jeumba nyang rayeuk, dan meunan cit keu sukée nyang ubit gatabri teuma jeumba nyang ubit teuma."

⁵⁷Sukée Lewi na kheueh nibak kawöm-kawöm Gerson, Kehat dan Merari.

⁵⁸Lam keuturonan awaknyan jitamong cit keunan kawöm Libni, Hebron, Mahli, Musi dan Korah. Kehat na kheueh bapak si Amram.

⁵⁹Amram jimeukawen deungon Yokhebed, aneuëk Lewi. Yokhebed nyan lahé di nanggroe Meusé. Amram dan Yokhebed nyan na teuma jimeu aneuëk dua droe aneuëk agam: Nabi Harun dan Nabi Musa, meunan cit teuma sidroe aneuëk inong nyang nan jih Miryam.

⁶⁰Nabi Harun na teuma geumeu aneuëk peuet droe aneuëk agam: Nadab, Abihu, Eleazar dan Itamar.

⁶¹Nadab dan Abihu maté bak watée awaknyan jipeuseumah apui nyang hana geu galak lé Po teu Allah.

⁶²Ureuëng agam nibak sukée Lewi nyan nyang meu umu sibuleuen u ateueh na jeumeulah jih 23.000 droe. Awaknyan teudafeutar aséng hana meusajan nibak syedara-syedara saboh bansa jihnyan, sabab awaknyan hana meuteumé tanoh pusaka di Israel.

⁶³Nyan kheueh dafeutar nyang geupeubuet lé Nabi Musa dan Imeum Eleazar keuhai kawöm-kawöm Israel bak watée awaknyan teupeuna seunsus di darat Moab di siblah Krueng Yordan to ngon kota Yerikho.

⁶⁴Nibak ureuëng-ureuëng nyang yoh watée ilée ka geudafeutar lé Nabi Musa ngon Nabi Harun dipadang pasi Sinai, hana meusidroe pi nibak awaknyan nyang mantong udeb.

⁶⁵Hainyan ka geupeugah lé TUHAN bahwa awaknyan banmandum maté di padang pasi. Dan keubit awaknyan banmandum maté, teukeucuali Kaleb aneuëk Yefuna dan Yosua aneuëk Nun.

← Previous All Books Next →