Amsal 9

18 verses

¹Hikeumat ka teupeudong rumoh, dan teupeudong ban tujoh boh taméh jih.

²Gobnyan ka geusie beulatang peulara keu khanuri, geu ulah ié anggô dan jiseudia hidangan.

³Peulayan-peulayan nyang inong jiyuejak mangat tamawök-mawök nibak teumpat nyang manyang di banda,

⁴"Soe-soe ureuëng nyang hana peungalaman, cuba jak keunoe!" Keu ureuëng nyang hana meuakai budoe, hikeumat jipeugah,

⁵"Jak keunoe tamakheun peunajoh ulôn dan ié anggô nyang ka ulôn useuha.

⁶Tinggai laju nyang bangai, mangat gata udeb bahgia. Ta seutôt kheueh jalan ureuëng áreh."

⁷Meunyoe ureuëng nyang hana jitem teupeurunoe tatunyok laju salah jih, gobnyan teuma geupeukém gata. Meunyoe ureuëng jeuhet gata beungéh, jihnyan jiteunak gata.

⁸Bék gata rapa ureuëng nyang hana jitem teupeurunoe, jihnyan jibanci keu gata. Teuma meunyoe ureuëng bijaksana gata tunyok buet jih nyang salah, ureuëng nyan teuma jihareuga gata.

⁹Meunyoe ureuëng bijaksana gata jok naseuhat, ureuëng nyan jeuet keu ureuëng nyang leubeh bijaksana. Dan meunyoe ureuëng nyang taát ubak Allah gata peurunoe, iéleumé peungeutahuan ureuëng nyan teuma meutamah.

¹⁰Mangat jeuet keu ureuëng bijaksana, nyang phon-phon that ureuëng nyan harôh na rasa horeumat dan teumakot ubak TUHAN. Meunyoe gata taturi Nyang Mahasuci, gata teuma meuteumé peungeurtian.

¹¹Hikeumat teubri keu gata umu nyang panyang.

¹²Meunyoe hikeumat kana nibak gata, gata keudroe nyang meu untông. Teuma meunyoe hikeumat gata tulak, gata keudroe teuma nyang rugoe.

¹³Ureuëng bangai na kheueh lagée inong teuga that meurapa nyang hana peungalaman dan hana jiteupeue malée.

¹⁴Teumpat jih na kheueh di babah pintoe rumoh jih atawa dibabah pintoe geureubang banda.

¹⁵Nibak teumpat nyan laju jitawök ubak ureuëng-ureuëng nyang na liwat. Ureuëng nyang jujoe até jibujuk teuma,

¹⁶"Jak keunoe tapiôh, hai gata banmandum nyang gohlom na peungalaman!" Dan keu ureuëng nyang meuakai budho gobnyan jipeugah,

¹⁷"Jai that nyang teucua rasa jih maméh that, dan makheun sira teumusöm-musöm leubeh mangat lom."

¹⁸Awaknyan nyang jeuet keu eumpeun jihnyan hana jiteupeue bahwa ureuëng nyang saweue jihnyan ka meuteumé ajaijih diteumpat nyan; dan awak nyang ka jitamong u dalam rumoh jihnyan, jinoenyoe kana didalam donya ureuëng maté. Indonesia

← Previous All Books Next →