Zabur 114

¹Bak watée bansa Israel jiteubiet lam nanggroe Meusé, watée keuturonan Nabi Yakub geutinggai nanggroe aséng,

²TUHAN geupeujeuet Yehuda teumpat suci Gobnyan, Israel geupeujeuet keuteumpat wilayah keukuasaan Gobnyan.

³Laôt Geulagah ban jikalon Gobnyan laju jiplueng, Krueng Yordan jipiôh ji ile.

⁴Gunong-gunong meulumpat lagée kaméng, dan bukét-bukét jigrob-grob lagée aneuëk bubiri.

⁵Pakon hai laôt, sampoe gata plueng, dan pakon teuma Krueng Yordan jipiôh ji ile?

⁶Peue sabab jih gata lumpat-lumpat hai gunong-gunong, dan gata grob-grob hai bukét-bukét?

⁷Hai bumoe, beuyo kheueh gata dikeue TUHAN, dikeue Allah Nabi Yakub,

⁸nyang ubah batée kareueng jeuet keu kulam ié, dan gunong batée jeuet keu mata ié.