PTL Lyrics

PRAISE THE LORD LYRICS

Daily Reading Bible

✅ Shared successfully

Acehnese Holy Bible Wordproject Bible

Zabur 118

29 verses

¹Meusyukoe kheueh ubak TUHAN sabab Gobnyan jroh, Geunaséh Gobnyan keukai dan abadi.

²Bah kheueh ureuëng Israel jipeugah, "Geunaséh Gobnyan keukai abadi."

³Bah kheueh di teungku-teungku imeum geupeugah, "Geunaséh Gobnyan keukai abadi."

⁴Bah kheueh banmandum ureuëng nyang taqwa geupeugah, "Geunaséh Gobnyan keukai abadi."

⁵Dalam keuadaan meukarat ulôn meulakée ubak TUHAN; laju Gobnyan geujaweueb dan geubalaih ulôn.

⁶Ulôn hana yo sabab TUHAN na meusajan ngon ulôn, manusia hana meudaya dikeue ulôn.

⁷TUHAN na meusajan ulôn keu geutulông lôn, ulôn ku ngieng musoh ulôn nyang geupeutaloe.

⁸Leubeh gét meulindong ubak TUHAN, nibak teupeu bangga keu manusia.

⁹Leubeh gét meulindong nibak TUHAN, nibak meuharab ubak bansawan.

¹⁰Jai that musoh di keulileng ulôn; deungon kuasa TUHAN, awaknyan habéh mandum ulôn peutaloe.

¹¹Awaknyan jikeupong ulôn rot jeueb-jeueb peunjuru; deungon kuasa TUHAN, awaknyan habéh ulôn peutaloe.

¹²Lagée unou awaknyan jiparan sikeulileng ulôn; deungon kuasa TUHAN, awaknyan habéh ulôn peutaloe. Lam sikleb siklab awaknyan habéh teupeulon lagée apui hu nyang teungoh teutot tamah meuduro.

¹³Ulôn jiseurang luwa biasa dan sampoe rab reubah, teuma TUHAN na nyang tulông ulôn.

¹⁴TUHAN na kheueh teunaga ulôn dan pujaan ulôn, Gobnyan ka geupeuseulamat ulôn.

¹⁵Deungoe kheueh surak keumeunangan di teungoh khimah-khimah umat Gobnyan, "TUHAN ka geupeubuet buet nyang peukasa!

¹⁶Kuasa TUHAN geupeumeunang geutanyoe! TUHAN geupeubuet buet nyang peukasa."

¹⁷Ulôn hana maté, teuma ulôn teutab udeb, keu lôn jak peusampoe karya TUHAN.

¹⁸TUHAN ka geuseksa ulôn deungon brat dan kreueh, teuma Gobnyan hana geuseurah ulôn ubak mawöt.

¹⁹Buka kheueh ulôn nyoe babah pintoe geureubang Baét TUHAN, jeuet hase lôn tamong dan lôn peugah syukoe ubak Gobnyan.

²⁰Nyoe kheueh babah pintoe geureubang TUHAN, teuma ureuëng jujoe nyang jeuet jak rot nyan.

²¹Ulôn kupujoe Droeneueh, sabab Droeneueh neukabui doá ulôn; Droeneueh ka neubri keu ulôn keumeunangan.

²²Batée nyang jitiek lé utoh-utoh bangunan, batée nyan ka jeuet keu batée peunjuru.

²³Nyan kheueh buet TUHAN, keubit kagom luwa biasa nibak geutanyoe.

²⁴Nyoe kheueh uroe nyang geupeuteuntée lé TUHAN; jak geutanyoe ta peuraya deungon geumbira.

²⁵Kamoe lakée, ya TUHAN, peuseulamat kheueh kamoe, ya TUHAN, neubri kheueh keu kamoe keumeunangan!

²⁶Teubeureukati kheueh gobnyan nyang teuka ateueh nan TUHAN, kamoe bri beureukat gata di Baét TUHAN.

²⁷TUHAN na kheueh Allah, Gobnyan peumurah até keu geutanyoe. Maju kheueh meurarak deungon ranteueng nibak jaroe, dan keulileng kheueh nibak miseubah TUHAN.

²⁸Droeneueh Allah ulôn, ulôn meusyukoe ubak Droeneueh, Allah ulôn, ulôn keubit that kagom ubak Droeneueh.

²⁹Meusyukoe kheueh ubak TUHAN sabab Gobnyan gét, geunaséh Gobnyan keukai dan abadi.

← Previous All Books Next →

Zabur 118 — Acehnese Holy Bible Wordproject Bible | Holy Bible | PTL Lyrics