Zabur 3

¹Ya TUHAN, keubit that le musoh ulôn,

²lumpah that le nyang prang ulôn!

³Le that ureuëng nyang peugah bahwa Allah hana geutem tulông ulôn.

⁴Teuma Droeneueh, ya TUHAN, na kheueh peurisai nyang lindong ulôn. Droeneueh bri keu lôn meunang, dan Droeneueh peurayeuk até ulôn.

⁵Ulôn meulakée ubak TUHAN; nibak bukét Gobnyan nyang suci Gobnyan geujaweueb ulôn.

⁶Ulôn teu-éh dan teungéut deungon teuntram, dan lôn beudôh lom, sabab TUHAN geutumpang ulôn.

⁷Ulôn hana teumakot ubak meuribée droe lawan nyang jikeupong ulôn nibak meubagoe jurusan.

⁸Neupeuseulamat kheueh ulôn, ya TUHAN Allah ulôn, neuhuköm kheueh dan neupeulapée kheueh banmandum lawan ulôn.

⁹Nibak Droeneueh teuka sinulông, ya TUHAN, neutem kheueh bri beureukat u ateueh umat Droeneueh.