PTL Lyrics

PRAISE THE LORD LYRICS

Daily Reading Bible

✅ Shared successfully

Acehnese Holy Bible Wordproject Bible

Zabur 86

17 verses

¹Doá Nabi Daud. ulôn, sabab ulôn gasien dan leumoh.

²Jaga kheueh udeb lôn, sabab Droeneueh neugaséh ulôn, neupeuseulamat kheueh hamba Droeneueh nyang peucaya ubak Droeneueh.

³Droeneueh kheueh Allah lôn, neugaséh kheueh ulôn, ya TUHAN, sabab siuroe seupôt ulôn meudoá bak Droeneueh.

⁴TUHAN, neupeumangat kheueh até hamba Droeneueh nyoe, sabab ubak Droeneueh kheueh ulôn sintong asoe até lôn.

⁵Droeneueh jroh, ya TUHAN, dan galak neupeu amphon ureuëng nyang lakée amphon ubak Droeneueh, ureuëng nyang meudesya ubak Droeneueh teutab neugaséh ngon neusayang deungon gaséh nyang meulimpah.

⁶Deungoe kheueh doá ulôn, ya TUHAN, deungoe kheueh meulakée lôn nyang ulôn lakée tulông.

⁷Bak watée ulôn meukarat teutab lôn meudoá ubak Droeneueh, sabab Droeneueh neujaweueb ulôn.

⁸Ya TUHAN, hana TUHAN nyang laén nyang sa deungon Droeneueh, hana nyang hase jipeubuet lagée Droeneueh peubuet.

⁹Banmandum bansa nyang Droeneueh peujeuet teuma teuka, ya TUHAN, keu jiseumah Droeneueh dan jipujoe keuagongan Droeneueh.

¹⁰Sabab Droeneueh peukasa dan neupeubuet buet-buet nyang ajaéb, teuma Droeneueh kheueh Allah.

¹¹Peurunoe kheueh keuheundak Droeneueh ubak ulôn, ya TUHAN, mangat jeuet ulôn seutôt deungon seutia; neupeujeuet kheueh ulôn keu ureuëng taqwa deungon sipeunoh até.

¹²Ulôn meusyukoe ubak Droeneueh deungon seupeunoh até, ya TUHAN, Allah ulôn; ulôn keuneuk pujoe keubeusaran Droeneueh sampoe siumu masa.

¹³Sabab Droeneueh teutab neugaséh ubak ulôn deungon geunaséh nyang raya; Droeneueh ka neupeulheueh nyawöng ulôn nibak maté.

¹⁴Ya Allah, ureuëng sombong jibeudôh jijak prang ulôn, saboh kawan ureuëng keujam keuneuk peumaté ulôn; awaknyan hana jipakoe keu Droeneueh.

¹⁵Teuma Droeneueh, ya TUHAN, Allah nyang peungaséh dan peunyayang, saba, peunoh geunaséh dan seutia.

¹⁶Neungieng kheueh dan neugaséh kheueh ulôn, neupeuteuga kheueh dan peuseulamat kheueh ulôn, sabab lagée ma ulôn, ulôn meubakti ubak Droeneueh.

¹⁷Neubri kheueh ubak ulôn tanda jroh Droeneueh, ya TUHAN, mangat ureuëng nyang banci keu ulôn neupeumalée, meunyoe awaknyan ngieng Droeneueh neutulông dan neuhibô ulôn.

← Previous All Books Next →

Zabur 86 — Acehnese Holy Bible Wordproject Bible | Holy Bible | PTL Lyrics