Seulaweut Agong 7

13 verses

¹O aneuëk dara nyang anggon, maméh lumpah na gaki gata watée neujak deungon seulobnyan. Likok pha gata lagée saboh piasan, meuneuget sidroe seuniman.

²Pusar gata lagée cawan nyang bulat nyang hantom na kureueng meubacutpih anggô meujampu. Pruet gata lagée aneuk gandom nyang meutamon, jikeulileng lé bungöng-bungöng bakong.

³Boh mom gata lagée dua boh aneuëk rusa, rusa nyang meukeumbeu dua.

⁴Takue gata lagée meunara gadeng. Mata gata lagée kulam-kulam nyang na di Hesybon, tô nibak babah pintoe geureubang Batrabim. Boh idong gata lagée meunara di Gunong Libanon, nyang meuhadab ubak banda Damsyik.

⁵Ulée gata lagée bukét Karmel; ôk gata nyang teukeupang dua lagée leumbayong, cukob teupeusona sampoe ubak sidroe raja.

⁶Sunggoh gagah jeulita, gata, nyang teucinta lamkawan nyang jiharök.

⁷Tuboh gata anggon lagée bak keuruma, boh mom gata na kheueh gugusan nibak bohjihnyan.

⁸Meuhéut that ulôn keuneuk éuk nibak kayée keurumanyan, dan laju meuteumé dumna boh-boh jih. Kira jih boh mom gata lagée gugusan boh anggô, nafáh gata mangat lagée bhée boh apel,

⁹babah gata maméh lagée maméh ié anggô! Inong Bah kheueh anggô nyan ji ile ubak geunaséh lôn, deungon hana putôh-putôh jih; dan teupeubeudôh cinta asmara, meunan nibak ureuëng-ureuëng nyang teungoh éh.

¹⁰Ulôn milék geunaséh ulôn, gobnyan meuharab ulôn.

¹¹Jak geutanyoe tajak u padang, hai geunaséh lôn, dan ta meudöm diladang di teungoh-teungoh bak bungöng gaca.

¹²Jak geutanyoe ban beungoh tajak u lampôh, dan ta kalon peu kheueh bak anggô ka meupucôk, dan bungöng jih ka keumang; peu kheueh bak geulima ka meubungöng. Disinan teuma lôn bri cinta ulôn ubak droeneueh.

¹³Bak arak mangat bhée lagée bhée jih, nibak binéh pintoe geutanyoe na meubagoe boh nyang leuzat-leuzat, nyang ka treb teupot dan nyang barô; atranyan banmandum ulôn keubah keu gata, geunaséh ulôn.

← Previous All Books Next →

Loading Bible Translation

First-time download in progress. This may take a few seconds…

←Bible|||

Acehnese Holy Bible Wordproject Bible