Zakharia 12

12 verses

¹Nyoe kheueh peusan TUHAN keuhai Israel. TUHAN nyang leueng langét, nyang cebta bumoe dan nyang bri udeb keu manusia, feureuman TUHAN,

²"Ulôn Lôn peujeuet Yerusalem lagée piala nyang meuasoe ié anggô; nanggroe-nanggroe teutangga jihnyan teuma jijeb ié anggô nyan dan laju mumang meuhapit-hapit lagée ureuëng mabök. Dan meunyoe Yerusalem jikeupông, banda-banda di nanggroe Yehuda nyang na mantong tinggai, nyan pih jikeupông.

³Teuma meunyoe uroe nyan ka teuka, Ulôn Lôn peujeuet Yerusalem lagée batée nyang geuhon; bansa toh mantong nyang jicuba-cuba jibeuôt batée nyan meuteumé bala. Bandum bansa di ateueh donya meusaho jijak prang Yerusalem.

⁴Bak uroe nyan bandum guda Lôn peujeuet bingong dan ureuëng-ureuëng nyang giduek ateueh guda nyan Ulôn peupungoe, peunduduek Yehuda Lôn kawai, teuma bandum guda musoh Ulôn peubuta.

⁵Laju lé keuluwarga-keuluwarga Yehuda jimariet lam até, 'TUHAN Nyang Mahakuasa kheueh nyang bri teunaga keu umat Gobnyan nyang tinggai di Yerusalem.'

⁶Bak uroe nyan bubena keuluwarga Yehuda Lôn peujeuet lagée apui lam sinamon kayée atawa suwa nyang hu dimiyueb beurekah-beurekah gandom; awaknyan jipeubinasa bansa-bansa nyang na bansikeulileng jih. Teuma peunduduek Yerusalem teutab tinggai didalam banda deungon aman.

⁷Ulôn, TUHAN, nyang phon-phon that Lôn peumeunang keu sipa-i Yehuda, mangat keuhoreumatan nyang jiteurimong lé keuturonan Nabi Daud dan peunduduek Yerusalem hana leubeh nibak keuhoreumatan nyang jiteurimong lé peunduduek Yehuda nyang laén.

⁸Bak uroe nyan Ulôn Lôn lindong peunduduek Yerusalem; dan nyang paleng leumoh pih lamkawan awaknyan teuga lagée Nabi Daud. Awaknyan jibina lé keuturonan Nabi Daud lagée lé malaikat Lôn, dan lagée lé Ulôn keudroe.

⁹Bak uroe nyan Ulôn Lôn peubinasa tieb-tieb bansa nyang jicuba-cuba jijak prang Yerusalem.

¹⁰Óh lheueh nyan keuturonan Nabi Daud dan peunduduek Yerusalem Ulôn jok até nyang harok ubak jipeubuet gaséh sayang dan galak jimeudoá. Awaknyan jipandang jihnyan nyang ka jitôb dan jipeumo ba-e lagée ureuëng peuba-e aneuëk tunggai jih nyang ka maté. Awaknyan jimeuratok meuweueh-weueh, lagée ureuëng nyang ka gadôh aneuëk tuha.

¹¹Bak uroenyan na meuratok nyang paleng hebat di Yerusalem, lagée jipeuratok Hadad-Rimon di Pantôn Megido.

¹²Dan tieb-tieb keuluwarga nyang na di nanggroe nyan jipeuratok maséng-maséng keudroe; keuluwarga keuturonan Nabi Daud, keuluwarga keuturonan Natan, keuluwarga keuturonan Lewi, keuluwarga keuturonan Simei, dan bandum keuluwarga nyang laén. Tieb-tieb keuluwarga jimo ba-e droe jih keudroe, di ureuëng-ureuëng agam nibak tieb keuluwarga jimeuratok teuaséng nibak ureuëng inong."

← Previous All Books Next →

Loading Bible Translation

First-time download in progress. This may take a few seconds…

←Bible|||

Acehnese Holy Bible Wordproject Bible