Psalms 12

¹Red, o Here, want daar is geen vrome meer nie; want die getroues het verdwyn onder die mensekinders.

²(12:3) Hulle praat leuens, die een met die ander; met vleiende lippe spreek hulle dubbelhartig.

³(12:4) Mag die HERE al die vleiende lippe uitroei, die tong wat grootpraat,

⁴(12:5) hulle wat sê: Met ons tong is ons sterk; ons lippe is met ons! Wie is heer oor ons?

⁵(12:6) Oor die verdrukking van die ellendiges, oor die gesug van die behoeftiges sal Ek nou opstaan, sê die HERE; Ek sal hom in veiligheid stel wat daarna smag.

⁶(12:7) Die woorde van die HERE is rein woorde, silwer wat gelouter is in ‘n smeltkroes in die aarde, gesuiwer sewe maal.

⁷(12:8) U, o HERE, sal hulle bewaar; U sal ons bewaar van hierdie geslag vir ewig.

⁸(12:9) Die goddelose draf rond as laagheid die oorhand kry by die mensekinders.