Psalms 129

¹Alreeds te veel het hulle my as vyand behandel van my jeug af—laat Israel dit sê—

²alreeds te veel het hulle my as vyand behandel van my jeug af; tog het hulle my nie oorwin nie.

³Ploeërs het op my rug geploeg; hulle het hul vore lank getrek.

⁴Die HERE is regverdig: Hy het die toue van die goddelose afgekap.

⁵Laat hulle beskaamd staan en agteruitwyk, almal wat Sion haat.

⁶Laat hulle word soos gras op die dakke wat verdor voordat ‘n mens dit uittrek,

⁷waarmee die maaier sy hand en die gerwebinder sy arm nie vul nie.

⁸Sodat die wat verbygaan, nie sê nie: Die seën van die HERE oor julle! Ons seën julle in die Naam van die HERE.