Psalms 54

¹Toe die Sifiete gekom en aan Saul gesê het: Het Dawid hom nie by ons weggesteek nie? (54:3) o God, verlos my deur u Naam, en doen aan my reg deur u mag!

²(54:4) o God, hoor my gebed, luister na die woorde van my mond!

³(54:5) Want vreemdes staan teen my op, en tiranne soek my lewe; hulle stel God nie voor hul oë nie. Sela.

⁴(54:6) Kyk, God is my helper. Dit is die Here wat my siel ondersteun.

⁵(54:7) Hy sal my vyande die kwaad vergelde. Vernietig hulle in u trou!

⁶(54:8) Vrywillig wil ek aan U offer; ek wil u Naam, o HERE, loof, want dié is goed;

⁷(54:9) want dié het my uit alle benoudheid gered, en my oog het met welgevalle op my vyande neergesien.