[13] 1 Veigauna 2

¹Sai ira oqo na luve i Isireli tagane, o Ruveni, Simione, Livai, Juta, Isakari, Sevuloni,

²Tani, Joseva, Penijamini, Navitalai, Kata kei Aseri.

³O iratou na luve i Juta tagane o Eri, Onani, kei Sela. O iratou oqo ka vakasucuma vua o koya na yalewa ka luve i Sua na kai Kenani. O Eri, na ulumatua i Juta, sa caka ca e na mata ni Kalou; Sa mani vakamatei koya na Kalou.

⁴Ia o Tema, na vugona, sa vakasucumi rau o Veresi kei Sira kivua. Na luve i Juta tagane taucoko e lima.

⁵Oi rau na luve i Veresi tagane o Esironi kei Emuli.

⁶O iratou na luve i Sira tagane o Simiri, Ecani, Emani, Kalikoli, kei Tara ” e lewe lima taucoko.

⁷Na luve i Karimi tagane o Ekari, o koya sa dau-vakavuca e Isireli, o koya sa caka cala e na ka vakatabui.

⁸Na luve i Ecani tagane o Asaraia.

⁹O iratou talega na luve i Esironi tagane o Jeramieli, Rami, kei kelubai.

¹⁰Sa tamai Amenatave o Rami, ia o Amenatave na tamai Nasoni, na nodra i liuliu na luve i Juta;

¹¹O Nasoni na tamai Salima, ia o Salima na tamai Poasa;

¹²Sa tamai Opeti o Poasa, ka tamai Jese o Opeti;

¹³O Jese na tamai Iliavi na nona ulumatua, Apinatave na kena i karua, Simea na kenai katolu,

¹⁴Necaneli na kenai kava, Radai na kenai kalima,

¹⁵O Semi na kenai kaono, kei Tevita na kenai kavitu.

¹⁶Ia na ganedratou o Seruwaia kei Avikali. Kei na luvei Seruwaia tagane o Avisai, Joave, kei Asaeli ” e tolu.

¹⁷O Avikali e vakasucumi Amasa; kei na tamai Amasa o Jeca na kawa i Isimeli.

¹⁸O Kelevi na luve i Esironi e vakaluveni vei Asuba na watina, kei Jerioci. Ia oqo o iratou na luvena: Jeseri, Sobaba, kei Aridoni.

¹⁹Ni sa mate o Asuba, Sa kauti Efiraca o Kelevi me watina, o koya ka vakasucumi Ura.

²⁰Ia o Ura sa tamai Uri, o Uri sa tamai Besaleli.

²¹Ni sa oti oqori sa qai curu o Esironi kivua na yalewa, na luve i Makiri, na tamai Kiliati, o koya sa vakawatitaka o koya ni sa yabaki onosagavulu; ka sa vakasucumi Sekubu na luvedrau.

²²O Sekupi sa tamai Jairi, o koya sa ruasagavulu katolu na nona koro lelevu e na vanua i Kiliati.

²³(E rau sa kovea o Kesura kei Siria mai vei ira na veikoro vaka-Jairi, kei Kenaca kei na kena veikoro”e onosagavulu taucoko na koro.) Na veikoro kece oqori e nodra na luve i Makiri na tamai Kiliati.

²⁴Ni sa mate o Esironi mai Kelevi-Efiraca, o Apaija na wati Esironi sa vakasucumi Asuri na luvedrau, o koya na tamai Tekoa.

²⁵O iratou na luve i Jeramieli tagane, na ulumatua i Esironi, o Rami na ulumatua, kei Buna, Oreni, Osemi, kei Eaija.

²⁶E dua tale na wati Jeramieli, na yacana o Atara; o koya na tinai Onami.

²⁷O iratou na luve i Rami tagane, na ulumatua i Jeramieli, o Measi, Jamini kei Ekari.

²⁸Oi rau na luve i Onami tagane o Samai kei Jada. Oi rau na luve i Samai tagane o Netava kei Avisuri.

²⁹Ia na yaca i na wati Avisuri o Aviyali, ka vakasucuma na luvedrau o Abani kei Molita.

³⁰Oi rau na luve i Netava tagane o Seleti kei Apaimi; Sa mate o Seleti ka sega na luvena.

³¹Na luve i Apaimi tagane o Isi, na luve i Isi tagane o Sesani, kei na luve i Sesani tagane o Alai.

³²Oi rau na luve i Jada tagane, na taci Samai, o Jeca kei Jonacani; Sa mate o Jeca ka sega na luvena.

³³Na luve i Jonacani tagane o Peleci kei Sasa. Oqori o iratou na luve i Jeramieli.

³⁴Ia oqo o Sesani e sega na luvena tagane, na luvena yalewa ga. Ia sa dua na tamata cakacaka i Sesani e kai Ijipita na yacana o Jaria.

³⁵Sa solia e dua na luvena yalewa o Sesani vei Jaria na nona tamata me watina, ka sa vakasucumi Atai na luvedrau.

³⁶O Atai na tamai Necani, ia o Necani na tamai Savati;

³⁷O Savati na tamai Evilali, kei Evilali na tamai Opeti;

³⁸O Opeti na tamai Jeu, ia o Jeu na tamai Asaraia;

³⁹O Asaraia na tamai Elesi, ia o Elesi na tamai Iliesa;

⁴⁰O Iliesa na tamai Sisimai, ia o Sisimai na tamai Salumi;

⁴¹O Salumi na tamai Jekamaia, ia o Jekamaia na tamai Elisama.

⁴²O ira oqo na kawa i Kelevi na taci Jeramieli, o Mesa na nona ulumatua, o koya na tama i Sifa, kei ira na luvei Maresa na tama i Epironi.

⁴³O ira na luve i Epironi tagane o Kora, Tapua, Rekemi, kei Sema.

⁴⁴O Sema na tamai Reama na tamai Jorokoama, ia o Rekemi na tamai Samai.

⁴⁵Ia na luvei Samai tagane o Maoni, ia o Maoni na tamai Beci-suri.

⁴⁶O Iva, na watina lailai o Kelevi sa vakasucumi Erani, Mosa, kei Kasese; ia o Erani na tamai Kasese.

⁴⁷Ia o iratou na luve i Jadai o Rekemi, Jocame, Kesani, Peleti, Efa, kei Seafa.

⁴⁸O Meaka, na watina lailai o Kelevi, e vakasucumi Sipera kei Tirana.

⁴⁹E vakasucumi Seafa talega na tamai Madamana, Seva na tamai Makibena kei Kipea. Ia na luve i Kelevi yalewa o Akesa.

⁵⁰Oqo o ira na kawa i Kelevi: O ira na luve i Ura, na ulumatua i Efiraca, o Sobali na tamai Kirijaci Jearimi,

⁵¹Salima na tamai Peceliema, kei Arefi na tamai Beci-Kaderi.

⁵²Ia o Sobali na tamai Kirijaci-Jearimi era tu na nona kawa: Aroe, kei na veimama ni vuvale nei Manuoci.

⁵³Na vuvale i Kiriaci Jearimi sai ira na Iceraiti,na Putaiti, na Sumataiti, kei na Misiraiti. Sa tubu mai vei ira oqori o ira na Soraiti.

⁵⁴O iratou na luve i Salima tagane o Peceliema, Nitofataiti, Ataroci mai na vuvale nei Joave, e dua nai wase ni Manaetaiti, kei na Soraiti.

⁵⁵Kei na nodra vuvale na Dau-ni-Vola Tabu era tiko mai Jepesi o ira na Tirataiti, na Simeataiti, kei na Sukataiti. O ira oqo na Kenaiti ka ra tubu mai vei Emaci, na tamadra na vuvale i Rekapi.