[13] 1 Veigauna 26

¹Ena vuku ni nodra i wasewase nai vakatawa ni Matamata: mai vei ira na luve i Kora, o Miselemaia na luve i Kore tagane, vei ira na luve i Esava tagane.

²Ia o iratou na luve i Miselemaia tagane o Sakaraia e ulumatua, nai karua o Jediale, o Sevatai nai katolu, Jacinieli nai kava,

³O Elami ei kalima, Jioanani nai kaono, kei Elieoenai na kenai kavitu.

⁴O iratou oqo na luve i Opeti-Itomi tagane o Semaia e ulumatua, o Josevata na karua, Joa na katolu, Saka na kava, Necanieli na kalima.

⁵O Amieli nai kaono, Isakari nai kavitu, kei Piuletai na kenai kawalu; ni sa vakalouvinakataki koya na Kalou.

⁶Vei Semaia talega na luvena tagane sa sucu eso na luvena tagane era sa lewa ena vuvale i tamadra, baleta ni ra sa tamata gugumatua.

⁷O iratou na luve i Semaia tagane o Oceni, Ravaele, Opeti, kei Ilisavati, oi rau na tacidratou o Ilaiu kei Semakaia era sa tamata gugumatua.

⁸O iratou kecega oqo na luve i Opeti-Itomi tagane, oiratou kei ira na luvedratou kei na tacidratou, era tamata gugumatua ni tu vei ira na kaukauwa me ra cakava na cakacaka: era lewe onosagavulu karua na kawa i Opeti-Itomi.

⁹Ia o ira na luve i Miselemaia tagane kei ira na tacina, e tinikawalu na tamata gugumatua.

¹⁰O Osa talega, mai vei ira na luve i Merari, e vakaluveni tagane: O Simiri sa liu (E dina ga ni sega ni ulumatua o koya, ia sa lewa o tamana me liu o koya),

¹¹O Ilikaia na kenai karua, o Tivalaia na kena i katolu, o Sakaraia ei kava: O ira na luve i Osa kei ira na tacina era sa lewe tinikatolu taucoko.

¹²Sa wasei vei ira oqo nai tavi ni veiqaravi vakai-vakatawa ni Matamata, vei ira nai liuliu, sa lesi na nodra i tavi me vakataki ira na wekadra, me ra veiqaravi ena vale i Jiova.

¹³Ia era sa vakawiri madigi e na vuku ni Matamata yadua, na ka lalai kei na ka lelevu talega, me vaka na dui vuvale i tamadra.

¹⁴Na madigi ni Matamata ki na Tokalau sa dusi Selemaia. Era sa qai vakawiri madigi me baleti Sakaraia na luvena tagane, e dua na daunivakasala vuku, ka sa dusi koya na madigi ni Matamata ki na Vualiku;

¹⁵Kivei Opeti-Itomi na Matamata ki na Ceva, ia kivei ira na luvena tagane na vale ni yau.

¹⁶Kivei rau o Supimi kei Osa sa nodrau na madigi ni Matamata ki na Ra, vata kei na matamata o Salojoci ena sala e cake”era veibasai na yadra.

¹⁷Me lewe ono na Livai ena Tokalau, me lewe va ena Vualiku e na veisiga yadua, e lewe va ena Ceva e na veisiga yadua, kei na vale ni yau sa tauya rua.

¹⁸Ia ki na Pariba ena Ra, e lewe va ena sala cecere kei na lewe rua ena Pariba.

¹⁹Oqo na nodra i wasewase nai vakatawa ni Matamata mai vei ira na luve i Kora tagane kei ira na luve i Merari tagane.

²⁰Vei ira na Livai, o Aija e lewa na vale ni Yau e na vale ni Kalou kei na vale ni yau e vakatabui.

²¹O ira na luve i Liadani tagane, na kawa i Keresoni na luve i Liadani, era ulu ni vei vuvale i tamadra, vei Liadani na luve i Keresoni: O Jeieli.

²²Na luve i Leieli tagane, o Secame kei Joeli na tacina, e rau lewa na vale ni yau e na vale i Jiova.

²³Vei ira na kawa i Amirami, i Isari, i Epironi, kei Usieli:

²⁴O Sevueli na luve i Keresoni tagane, na luve i Mosese, sa lewa na vale ni yau kecega.

²⁵Kei iratou na tacina mai vei Iliesa o Revaia na luvena tagane, Jesaia na luvena tagane, Jorame na luvena tagane, Sikiri na luvena tagane, kei Selomeci na luvena tagane.

²⁶O Selomeci oqo kei ira na tacina era maroroya nai yau e vakatabui ka vakacabora o Tevita na Tui kei ira na ulu ni vei vuvale i tamadra, na kavetani ni lewe udolu kei na vei yadrau, kei na kavetani ni mataivalu raraba.

²⁷Eso nai toki ni valu e kau mai na buca ni valu era sa vakatabuya me maroroi ena na vale i Jiova.

²⁸Kei nai yau kecega sa vakatabuya o Samuela na parofita, o Saula na luve i Kisi tagane, Apineri na luve i Neri tagane, kei Joave na luve i Seruwaia tagane, na veika kecega e vakatabui sa tu ena ligai Selomeci kei ira na tacina.

²⁹Vei ira na luve i Isari, o Kenanaia kei ira na luvena tagane era qarava nai tavi vakaovisa kei na turaga-ni lewa e Isireli ena taudaku kei Jerusalemi.

³⁰Vei ira na luve i Epironi, o Asavaia kei ira na tacina, e dua na udolu vitu na drau na tamata nuitaki, era raica na vanua o Isireli vaka ki na Ra ni Joritani ena vuku ni cakacaka kecega i Jiova, kei na veiqaravi vua na tui.

³¹Vei ira na luve i Epironi, o Jerija e ulu ni vuvale i Epironi me vaka na nodra i tuvatuva ni kawa na tamadra. E nai ka vasagavulu ni yabaki ni lewa i Tevita era sa vakasaqarai, ka sa kunei vei ira eso na tamata nuitaki ka ra tiko mai Jaseri e Kiliati.

³²Kei na tacidra e rua na udolu vitu na drau na tamata nuitaki, era ulu ni vei vuvale i tamadra, o ira ka vakatikora o Tevita na Tui me ra veiqaravi vei ira na yavusa i Rupeni, na yavusa i Kata, kei na veimama ni yavusa i Manasa, ena vuku ni ka kecega me baleta na Kalou kei na ka e kecega e baleta na tui.