[46] 1 Koronica 10

¹Au vinakata mo dou kila na veiwekani, o ira noda qase era lako ena ruku ni o, ka ra lako curuma talega na loma ni wasawasa.

²Ena nodra lako ena ruku ni o kei na nodra lako curuma na loma ni wasawasa era papitaisotaki kina vei Mosese,

³A ra sa kania vata kecega na kakana vakayalo,

⁴kei na nodra gunuva talega na wai vakayalo. Ni ra sa gunu mai na vatu vakayalo sa muri ira tiko, sai Karisito na vatu o ya.

⁵Ia sa lewe vuqa vei ira sa sega ni vinakati ira na Kalou, ka ra sa mai bale koto kina ena vanua dravuisiga.

⁶Na veika oqo sai vakaraitaki vei keda, meda kakua ni vakayacora nai valavala butobuto me vaka na ka era dau gadreva.

⁷Dou kakua ni qarava na matakau me vakataka eso vei ira. Ni sa volai, "O ira na tamata era dabe sobu mera kana ka gunu, era qai tucake ka veiqitori."

⁸Meda kakua ni veibutakoci me vaka eso vei ira e dau cakava, ni ra mate kina e lewe ruasagavulu katolu na udolu na tamata ena dua ga na siga;

⁹Me kakua ni da via vakatovolei Karisito, ni so vei ira e vakatovolea, e qai kati ira mate na gata;

¹⁰Me kakua na vosa kudrukudru, me vaka ni so vei ira e dau vosa kudrukudru, era qai vakarusai mai vei koya na dauveivakarusai.

¹¹Na ka taucoko era vakayacora mei vakaraitaki vei keda, ka sa volai me da vuli mai kina, ni sa roro tiko mai nai vakataotioti.

¹²O koya oqo me qarauni koya o koya sa nanuma ni sa kaukauwa tu, de qai yaco me malumalumu ena veika oqo.

¹³E sega ni dua na veivakatovolei me yaco vei kemudou me se bera mada ni tarai kemudou; ia sa yalodina na Kalou, ena sega ni rawa ni dou rawata, ia na veivakatovolei kece ena dau vakarautaka o koya na kena sala, me lako curumi kina ena bula e vosota.

¹⁴O koya oqo, kemudou sa lomani, dou dro tani mai ena qaravi matakau.

¹⁵Au vosa vei ira sa vuku; dou vakalewa vakavinaka sara na ka au na cavuta yani.

¹⁶Na bilo ni veivakalouvinakataki eda sa kalouvinaka tiko kina, e sega beka ni da sa duavata ena dra i Karisito? Vaka talega kina na madrai sa dovi, e sega beka ni da sa duavata ena yagoi Karisito?

¹⁷Oi keda, eda lewe levu, sa dua nai buli madrai kei na dua na yago; eda sa vakaivotavota kecega mai dua nai buli madrai.

¹⁸Dou raici Isireli mada: era kania na manumanu cabori, era vakaivotavota talega mai na cabocabo ni soro?

¹⁹Cava au via tukuna tiko? Na matakau e ka walega, se na ka e cabori kina matakau e ka walega?

²⁰Na ka era cabora na sega ni lotu era sega ni cabora vua na Kalou era cabora vua na tevoro, au sega ni vinakati kemudou mo dou veitokani kei na tevoro.

²¹E sega ni rawa mo dou gunuva na bilo ni turaga kei na nodra bilo na tevoro; e sega ni rawa mo dou vakaivotavota mai na teveli ni turaga kei na nodra teveli na tevoro.

²²Eda sega beka ni vakararawataka na turaga me cudru? Se da sa kaukauwa cake beka mai vua?

²³Sa tara vei au na ka kecega, ia e sega ni ka kece e yaga; ka kece e tara tu vei au, ia na ka kece sa sega ni veivakatatataki cake.

²⁴Me kakua e dua me vakasaqara na ka me nona ga, ia dou veivuke ni colata nomudou leqa.

²⁵Na kakana sa volitaki tu ena makete dou volia ka kania, kakua ni dou via taroga e tara se sega;

²⁶Ni "Vuravura oqo e nona na turaga, kei na veika kece sa tu kina."

²⁷Kevaka e dua na sega ni lotu me sureti kemudou kina vakayakavi, ka dou vinakata mo dou lako, na kakana kece e biu e matamudou dou kania kece, me kakua ni dou via taroga me laukana se sega.

²⁸Ia kevaka e dua me tukuna vei kemudou, "Na kakana oqo sa cabori tu kina matakau," dou kua ni kania ena vukuna o koya e tukuna vei kemudou kei na vuku ni lewa e loma vei keda; na "vuravura oqo e nona na turaga, kei na veika kece e tu kina."

²⁹"Lewa e loma," sega ni o iko ga, mo nanumi koya tiko. Na cava na noqu galala o au, me vakatau tiko kina nona vakatulewa e dua tale?

³⁰Ia kevaka au sa duavata ena vakavinakataka na kakana, a cava me'u qai vosa vakacacataka kina na kakana au sa vakavinavinakataka?

³¹O koya oqo, ni dou kana se gunu, se so tale na ka dou cakava, mo dou cakava me vakalagilagi kina na Kalou.

³²Dou kakua ni vakaleqa e dua vei ira na Jiu se dua na kai Kiriki se vei ira nai soqosoqo lotu ni Kalou,

³³Me vaka na ka au dau cakava ena veika kecega, mera taleitaka na tamata, sega ni'u cakava na ka au taleitaka, ia na veika kece e yaga ka taleitaka na tamata kece, me rawa ni ra vakabulai kina.