[46] 1 Koronica 2

¹Ena gauna au lako yani kina vei kemudou na veiwekani, au sega ni vosataka na vosa vakavuku, se me rogorogo vinaka na kenai tautau vei kemudou me baleta na cakacaka ni Kalou.

²Au sa vakadeitaka tu e yaloqu me'u kakua ni kila ena kemudou maliwa e dua na ka tani, o Jisu Karisito duaduaga kei na nona lauvako kina kauveilatai.

³Au sa duavata tiko kei kemudou ena yalo lailai kei na rere kei na sautanini.

⁴Na noqu vosa ni'u vunau sa sega ni'u vosa ena kila ka vakatamata me'u veirawai kina, ia au vunau ena kaukauwa duadua ga ni Yalo Tabu,

⁵Mo dou qarauna mo dou kakua ni vakabauta e dua e vosa tiko ena vuku vakatamata, ia o koya ga e tu vua na kaukauwa ni Kalou.

⁶Keitou vinakata tiko na yalomatua me tiko vei ira sa matua tiko, ka sega ni yalomatua e solia o vuravura na nona i cavacava e sega ni kila.

⁷Ia keitou tukuna tiko e dua na ka vuni ni vuku ni Kalou, ena nona vunitaka tu mai ena dua na gauna balavu na veika eda mai lagilagi kina oqo.

⁸Ka sega sara ga ni bau dua na noda i liuliu me kila rawa, kevaka mera kila, ko ira era sega ni vakota na noda turaga kina kauveilatai.

⁹Me vaka sa tukuna oti nai Vola Tabu: "Sa sega na mata sa kunea, se na daliga sa rogoca, ka sa sega ni curu kina yalo ni tamata, na veika sa vakarautaka na Kalou me nodra o ira sa lomani koya."

¹⁰Ia na Kalou sa vakatakila mai vei keda ena Yalo Tabu. Na Yalo Tabu e kila ka vakadikeva vakavinaka na ka titobu ni Kalou, qai vakatakila mai vei keda.

¹¹E sega ni rawa me dua na tamata me rawa ni laki kila na bula ni dua tale na tamata, na tamata ga vakataki koya e kilai koya, e sega ni rawa talega me dua na tamata me kila na vakanananu ni Kalou, vakavo duadua ga na Yalo Tabu ni Kalou.

¹²Na noda bula o keda, e sega ni tiko vei keda na yalo ni vuravura, ia na Yalo Tabu ga ni Kalou, o koya sa tukuna tiko ki yaloda ni sa noda nai solisoli loloma ni Kalou.

¹³Na vosa keitou dau vosataka tiko, e sega ni ka ni vuku vakatamata, na vosa oqori mai na kaukauwa ni Yalo Tabu, ni keitou wasea tiko na veika vakayalo sa rawata ga na kaukauwa vakayalo.

¹⁴Ia na tamata vakayago e sega ni rawa me kila na cakacaka ni Yalo Tabu, ena rairai ka vakalialia vua ni lecaika tu kina, ena nona bula tu vakayago, ena dredre vua me siqema rawa na ka e cakava tiko na Yalo Tabu.

¹⁵Ia o koya sa vakayalo e matata vinaka tu vua na veika kece e yaco tiko, ka sega kina ni rawa me moici koya o vuravura.

¹⁶O cei "Sa kila rawa na vakanananu ni Kalou, me rawa ni rau veivosaki vata?" Ia oi keda ga, ni sa tiko vei keda na mona i Karisito.