[11] 1 Tui 10

¹Ni sa rogoca na ranadi mai Sipa nai rogorogo kei Solomoni me baleta na yaca i Jiova, sa lako mai me vakatovolei koya ena so na veitaro dredre.

²Sa lako mai ki Jerusalemi kei na dua nai lawalawa levu, na kameli era sa dreketa tu mai e levu na veika talei, sa levu sara na koula kei na veivatu talei, ni sa lako mai vei Solomoni, sa mai tukuna sara vua na veika kece sa tu e lomana.

³Sa sauma kece vua o Solomoni me vaka na nona taro; sa sega na ka e dredre vua na tui, me sega ni vakamacalataka rawa vua.

⁴Ni sa raica kece na ranadi mai Sipa na vuku sa tu vei Solomoni, na vale sa tara,

⁵na kakana sa tu ena nona teveli, nai tuvatuva ni nodra i dabedabe na dau veiqaravi, na nodra veiqaravi na dauveiqaravi, na nodra i sulu, o ira na dau tu taka na mena na tui, na nona i curucuru ki na vale i Jiova “ na veika oqo sa vakayalia vakadua na nona vakilakila.

⁶Sa qai tukuna vua na tui, "Sai tukutuku dina au a rogoca mai noqu vanua me baleta na nomu vosa kei na nomu vuku.

⁷"Ia, au sega ga ni vakabauta na vosa, me yacova ni'u sa mai raica e mataqu dina; io, e dina, e veimama e a sega ni tukuni vei au, na nomu vuku kei na nomu rawa ka sa sivia na i rogorogo au sa mai rogoca.

⁸"Me ra kalouvinaka na nomuni tamata kei ira na nomuni dauveiqaravi, o ira sa dau solia tu ga na nodra veitokoni vei kemuni ka rogoca na nomuni vuku!

⁹"Me vakalouvinakataki o Jiova na nomuni Kalou, o koya sa marautaki kemuni ka vakadaberi kemuni ena i tikotiko vakaturaga e Isireli! Baleta ni o Jiova sa lomani Isireli me sega ni mudu, oqori na vuna sa cakava kina mo tui, me caka kina na ka e dodonu ka vakadodonu."

¹⁰Sa qai solia vua na tui e dua na drau ruasagavulu na taledi koula, na veika vivinaka sa levu sara, kei na veivatu i yau talei. Sa sega tale ni dua na gauna e basika mai kina na veika vivinaka vaka oqo me vaka sa solia na ranadi mai Sipa vei Solomoni na Tui.

¹¹Sa vakatalega kina na veiwaqa nei Irami, sa dau kauta mai na koula mai Ofira, sa kauta talega mai na kau talei e levu sara kei na vei vatu talei mai Ofira.

¹²Sa cakava na tui nai kabakaba ni vale ni soro mai na vei kau talei oqo, kei nai kabakaba ni vale ni tui talega, sa caka talega kina na bitu ni vakatagi kei na i yaya ni vakatagi vakawa me nodra na dausere. Sa sega ni basika tale na kau vinaka oqo, se me kune tale e dua e rau mataqali vata.

¹³O Solomoni na Tui sa solia vei Ranadi mai Sipa na veika kecega sa vinakata ka gadreva, na veika kecega sa kerea, oqo nai kuri ga ni veika sa solia ena i solisoli vakaturaga. Sa lesu tale o koya ki na nona vanua, o koya kei ira na nona dauveiqaravi.

¹⁴Na i vakarau bibi ni koula sa dau kau mai vei Solomoni ena veiyabaki sa ono na drau onosagavulu ka ono na taledi koula,

¹⁵Oqo sa sega ni wili kina mai vei ira na dauvoli ciri, nai vakacavacava mai vei ira na dauveivoli; mai vei ira na tui kece e Arapea, kei na kena mai vei ira na kovana ni vanua.

¹⁶Na Tui o Solomoni sa cakava e rua na drau na i sasabai lelevu ena koula; e ono na udolu na dola na koula dua nai sasabai.

¹⁷Sa cakava talega e tolu na drau nai sasabai lalai ena koula; e dua na udolu walu na drau na dola na koula dua nai sasabai. Sa biuta na tui nai sasabai oqo ena vale ni veikau mai Lepanoni.

¹⁸Sa cakava na tui e dua nai tikotiko vakaturaga e vaka i leu levu, ka qai boroi ena koula dina.

¹⁹Na i tikotiko vakaturaga oqo sa ono na kena i kabakaba, na ulu ni i tikotiko oqo sa cawiri e na yasa e muri. Sa tiko nai taqataqa ni liga ena yasana ruarua ni dabedabe ka rau sa yadua tu na i taqataqa ni liga oqo na laione.

²⁰Era sa tucake tu e tinikarua na laione, yadua ena dui yasa ni kabakaba e ono: sa sega ni bau caka oqo ena dua tale na matanitu.

²¹Na vei bilo kece ni gunu nei Solomoni na Tui sa koula ga, kei na veiyaya kece ni vale ni veikau mai Lepanoni sa koula dina sara; sa sega na ka e caka ena siliva “ ni sa sega tu ni wilika o Solomoni me dua na ka na siliva ena nona gauna.

²²Sa tu talega na waqa ni veivoli nei Solomoni na Tui e wai kei na vei waqa nei Irami vakadua ena veiyatolu na yabaki sa daulako mai na waqa ni veivoli me kauta mai na koula, na siliva, nai leu ni manumanu lelevu,na maqe qase kei na maqe gone.

²³Sa sivi ira kece na tui e vuravura o Solomoni na Tui ena i yau kei na vuku talega.

²⁴O vuravura taucoko sa vakasaqara me sota kei Solomoni mera rogoca na nona vuku, me vaka sa biuta ki lomana na Kalou.

²⁵Na tamata yadua sa kauta mai na nona i loloma: nai yaya siliva, nai yaya koula, nai sulu, nai yaragi ni valu, na veika vivinaka, na ose, na meule ena veigauna lokuci ena veiyabaki.

²⁶O Solomoni sa vakasoqona na qiqi ni valu kei na tamata vodo ose: sa tiko vua e dua na udolu va na drau na qiqi ni valu tinikarua na udolu na dauvodo ose era sa tiko e Jerusalemi vata kei na tui.

²⁷Na tui sa cakava e Jerusalemi na siliva me vaka ga na vatu kei na sitari me levu sara me vaka ga na vuni lolo era sinai tu mai na buca.

²⁸Sa tu vei Solomoni na ose era vakau sara mai Ijipita kei Kera, o ira na dauveivoli ni tui era sa volia mai Keva ena i sau vinaka.

²⁹E dua na qiqi sa voli mai Ijipita e nai sau e va na drau na dola, kei na dua na ose e dua na drau limasagavulu na dola. Dua na udolu va na drau na qiqi e lima na drau onosagavulu na udolu na dola, tinikarua na udolu na ose e dua na milioni walu na drau na udolu na dola.