[11] 1 Tui 20

¹O Peniatati na tui Siria sa vakasoqoni ira na nona mataivalu. Era sa tu vata kei koya e tolusagavulu karua na tui vata kei na nodra ose kei na qiqinivalu. Sa lako cake ka valuti Samaria ka vakatubura vakalevu kina na ca.

²Sa vakauta nai tukutuku ki na koro vei Eapi na tui Isireli ka tukuna vua, "Sa tukuna vakaoqo o Peniatati:

³'Na nomu siliva kei na koula sa noqu, o ira na watimuni rairai vinaka kei ira na gone na luvemuni sa noqu.'"

⁴Sa sauma yani na tui Isireli ka vaka: "Noqu turaga na tui, me vaka ga o sa tukuna, oi au kei ira kece sa noqu, sa nomu."

⁵Sa lesu tale nai talai ka tukuna: "Sa tukuna vaka oqo o Peniatati, 'Au sa talatala vakaidina vei iko ka tukuna, "Mo solia mai vei au na nomu siliva, na nomu koula, na watimuni kece kei ira na luvemuni";

⁶'Au na vakatala yani vei iko ena gauna vata ga oqo ni mataka na noqu tamata, era na vakasaqaqara ena nomu vale kei na nodra vale na nomu tamata, me sa na vaka oqo: na veika vivinaka kece o raica e matamu, mo biuta e ligadra me ra taura.'"

⁷Na tui Isireli sa kacivi ira kece mai na qase ni vanua ka tukuna: "Mo ni vakaraica na nona i valavala na tamata oqo ni sa vaqara mai na veivala, ni sa vinakata mai na watiqu kece, na luvequ kece, na noqu siliva kei na koula, au sa sega ni bureitaka vua."

⁸O ira kece na qase kei ira kece na tamata era sa tukuna vua, "Mo kua ni rogoca se vakadonuya."

⁹Sa tukuna kina vakaoqo vua na i talaki nei Peniatati, "Tukuna vua na noqu turaga na tui, 'Na veika kece e a tukuna mai vei au e liu, ena i matai ni gauna, au sa vaka io kina,'" Ia na veika oqo na sega ni rawa ni caka. Sa lako yani nai talai ka kauta lesu nai tukutuku vua.

¹⁰Sa talatala lesu o Peniatati ka vaka: "Me ra cakava vei au na veikalou ka vakalevu kevaka e se vo na kuvu ni soso e Samaria, me kumuna mai na tamata yadua era sa muri au."

¹¹Sa sauma na tui Isireli ka vaka, "Tukuna vua, 'Me kua ni dua e dara na nona i yaragi me dokadokataka me vakataki koya sa luvata na nona i yaragi.'"

¹²Sa yaco ni sa rogoca o Peniatati nai tukutuku, me vaka ni ra sa gunuvata tiko kei ira na vo ni tui ena i tikotiko ni lewa, sa tukuna kina vei ira na nona tamata, "Mo ni tu vakarau," era sa vakarau sara me valuta na koro.

¹³Sa basika sara mai vakasauri e dua na parofita vei Eapi na tui Isireli ka tukuna, "Sa tukuna o Jiova: 'O sa raici ira na lewevuqa oqo? Raica, Au na soli ira oqo ki na ligamu nikua, o na kila kina ni sai Au o Jiova.'"

¹⁴Sa taroga o Eapi, "Mai vei cei?" sa tukuna yani, "Sa tukuna o Jiova, 'Mai vei ira na i liuliu gone ni veiyasana.'" Sa tukuna tale, "O cei ena tuvana nai valu?" Sa saumi mai, "O iko."

¹⁵Sa vakarautaki ira na veiliutaki gone ena veiyasana era lewe rua na drau tolusagavulu ka rua na kedra levu, sa oti oqori sa qai vakarautaki ira na tamata kecega, o ira kece na luvei IsireliO e vitu na udolu na tamata.

¹⁶Era sa lako yani ena siga levu tutu. O Peniatati kei ira na tolusagavulu ka rua na tui me ra mai vukei koya, era sa mateni tiko ena i tikotiko ni vakatu lewa.

¹⁷O ira nai liuliu gone era sa lako yani e liu. Sa tala talega yani e dua nai lawalawa yadra o Peniatati ka era sa mai tukuna vua, "Era sa lako tiko mai na tamata mai Samaria!"

¹⁸Sa tukuna sara yani, "Kevaka era sa lako tiko mai vakavinaka, me ra tauri bula; kevaka era sa lako tiko mai me vala, me ra tauri bula."

¹⁹O ira nai liuliu gone oqo ni veiyasana era sa lako tani mai na koro kei na mataivalu sa muri ira mai.

²⁰Era sa dui vakamatea na nodra tamata; era sa qai dro na kai Siria, ka era sa cicimuri ira, o ira na Isireli; sa dro o Peniatati na tui Siria ena dua na ose kei na kena i valu.

²¹Sa lako yani o tui Isireli ka valuta na i valu ose kei na kena qiqinivalu, ka vakamatei ira na Siria ena dua na veivakamatei levu.

²²Sa lako mai na parofita vei tui Isireli ka tukuna vua, "Lako, ka vakaukauwataki iko, toka malua ka raica na cava o rawa ni cakava. Ni sa tekivu tale na yabaki, na tui Siria ena lako mai me vala kei iko."

²³O ira na tamata nei tui Siria era sa tukuna vua, "Na nodra kalou sa kalouga ni veidelana. Oqo era sa kaukauwa kina vei keda; kevaka eda na vala kei ira ena buca, eda na kaukauwa vei ira.

²⁴"Na veika oqo mo ni cakava: Mera vakasukai na tui, mai na nodra i tutu, ka me vakaisosomitaki mai vei ira na kavetani;

²⁵"O na qai tuvana na mataivalu me vaka e dua na mataivalu o a druka kina, na ose ki na ose, na qiqi ni valu me vaka na qiqi ni valu. Eda na kaukauwa vei ira." A sa vakarogoca na nodra i vakasala ka cakava.

²⁶Sa yaco ni sa tekivu na yabaki, o Peniatati sa tuvai ira na Siria ka sa lako cake ki Apeki me vala kei ira na Isireli.

²⁷Era sa tuvai talega na luvei Isireli ka sa soli vei ira nai wasewase, ka era sa lako yani vei ira. Era sa tuva tu na luvei Isireli me vaka e dua na qele ni me lailai “ ia, o ira na Siria era sa tawana kece na vanua.

²⁸Sa lako mai na tamata ni Kalou ka vosa vua na tui Isireli ka tukuna, "Sa vosa vaka oqo o Jiova, 'Baleta ni ra tukuna sa kai Siria. "O Jiova sa Kalou ni veidelana ka sega ni Kalou ni veibuca." Oqo Au na solia kina na i wiliwili ni tamata levu oqo ki na ligamu, o na kila talega kina ni sai Au o Jiova.'"

²⁹Era sa mai tiko vakaveibasai tiko me vitu na siga. E na i kavitu ni siga, sa sema nai valu, o ira na luvei Isireli era sa vakamatea rawa e dua na drau na udolu na sotia cici e yavadra mai vei ira na kai Siria, ena dua ga na siga.

³⁰O ira na kena vo, e ra sa droi Epeki ki na loma ni koro, na lalaga ni bai ni koro sa lutuki ira e ruasagavulu ka vitu na udolu vei ira sa vo. Sa dro o Peniatati ki na loma ni koro, ena tikina e loma sara ni vale.

³¹Era sa tukuna vua na nona tamata, "Mo kila oqo, ni o ira na tui ni vale nei Isireli era sa tui yalololoma. Me da sa vakaisulu taga mada ka vesuka na dali e uluda ka lako yani vei tui Isireli; de na qai vakabulai iko."

³²Era sa sulumaka na tolodra ena taga ka vesuka na uludra ena dali, ka lako mai vei tui Isireli ka tukuna, "Sa tukuna na nomuni tamata o Peniatati, 'Isa me'u bula.'" Sa sauma mai na tui, "E se bula tiko o koya? Keirau veitacini."

³³Era sa waraka tiko na tamata mera raica se era na raica dina na yalololoma mai vua: era sa kila dina mai na nona vosa ka tukuna, "Na tacimu o Peniatati," sa tukuna sara yani, "Lako ka kauti koya mai." Sa lako mai o Peniatati vei tui Isireli, ka sa lako cake ki na qiqi ni tui.

³⁴Sa qai tukuna vua o Peniatati, "Na veikoro kece sa taura o tamaqu mai vei tamamu au na vakasuka me rawa ni o tara cake na vanua ni veivoli me nomu e Tamasiko, me vaka sa cakava o tamaqu e Samaria." Sa qai tukuna mai o Eapi, "Au na vakatalai iko yani kei na veidinadinati. " Sa cakava na veidinadinati vata kei koya ka vakatala yani.

³⁵E dua na tamata mai vei ira na luve ni parofita, sa tukuna vua e dua na wekana ena vosa i Jiova, "Mo samuti au na wekaqu." Sa bese na wekana ni samuti koya.

³⁶Sa qai tukuna vua, "Baleta ni o sa sega ni via rogoca, mo muria na domo i Jiova, sa dina sara, ena gauna ga o na lako yani kina mai vei au “ ena vakamatei iko e dua na laione." Ni sa biuti koya, sa lako mai e dua na laione ka vakamatei koya.

³⁷Sa kunea tale e dua na tamata ka tukuna vua, "Mo samuti au, na wekaqu." Sa samuti koya sara na tamata o ya, ka sa mavoa sara kina.

³⁸Sa lako yani na parofita ka waraka na tui e na sala, ka sa vakalecalecataki koya ena dua nai vadreti levu ena matana.

³⁹Ni sa lako mai na tui, sa kaci yani na parofita vua ka vaka: "Sa lako yani na nomuni tamata e nai valu, sa lako mai e dua, ni kauta tale tiko ga mai e dua tale na tamata vei au ka tukuna, 'Mo vakatawana na tamata oqo, kevaka ena yali “ na nomu bula ena vaka na nona bula, se, o na sauma e dua na taledi siliva.'

⁴⁰"Ni ra se osooso tiko na nomu tamata e ke, e kea talega, sa yali sa na tamata." Sa tukuna vua na tui Isireli, "Sa i koya sara ga oqori na kemu o totogi, o iko ga sa na lewa mai."

⁴¹Sa kauta tani sara vakatotolo na vadreti mai matana; sa qai kila na tui Isireli ni sa dua vei ira na parofita.

⁴²Sa qai tukuna vua, "Sa tukuna vaka oqo o Jiova, 'Baleta ni o sa vakatara me lako yani na tamata mai na ligamu, au a sa digitaka me vosataka na veivakarusai, o koya oqo na nomu bula sa nona bula kei na nomu tamata, me ra nona tamata.'"

⁴³Sa lako yani na tui Isireli ki nona vale e Samaria ni sa yalo ca ka loma ca.