[30] Emosi 1

¹Na vosa i Emosi e dua vei ira nai vakatawa ni sipi mai Tikoa, na ka sa raica ka sa baleti ira na Isireli, ena gauna i Usaia na Tui Juta, kei na gauna i Jeropoami na luvei Joasi, na Tui Isireli, ni sa vo e rua na yabaki me yaco na uneune.

²A sa tukuna o koya: "Ena rorogo vadugu mai Saioni o Jiova, ena tabalaka cake na domona mai Jerusalemi, era na tagi nai vakatawa ni sipi mai na nodra i tikotiko, kei na delai Kameli ena malai ka mate." Sa Vakatauci Na Lewa Vei Ira Na Veimatanitu

³Sa tukuna vaka oqo o Jiova, "Ni sa vakatolu, ka vakava na talaidredre i Tamasiko, au na sega ni na vaka suka na nodra na cudruvi, baleta ni ra mokumokulaki Kiliati ena vei tikitiki ni kaukamea.

⁴Ia Au na vakatawa na bukawaqa kina vale i Eseeli, mena vakarusa na veitikina mai Peni-etati.

⁵Au na musuraka na bai ni matamata mai Tamasiko, ka vakaoti ira laivi na lewe ni koro ena buca o Aveni. Kei koya sa taura nai titoko vakaturaga mai Peci-Iteni. Era na kau vakabobula na kai Siria ki Kiri," sa tukuna o Jiova.

⁶Sa tukuna vakaoqo o Jiova: "Ni sa vakatolu, ka vaka va na talaidredre i Qasa, au na sega ni na vakasuka na nomu na cudruvi, baleta ni ra sa tauri kece na tamata me ra kau vakabobula ki Itomi.

⁷Ia au na vakatauca ena bai ni koro e Qasa na bukawaqa, me na vakarusa kece na vanua.

⁸Au na musuki ira tani na lewe i Asitoti, kei koya sa taura nai titoko vakaturaga mai Asikiloni; Au na qai dodoka na ligaqu ki Ekironi, ka ra na rusa na kena vo ni kai Filisitia," sa tukuna na Turaga o Jiova.

⁹Sa tukuna o Jiova: "Ni sa vakatolu, ka vakava na talaidredre i Taia, au na sega ni na vakasuka na nodra na cudruvi. Ena vuku ni ra solia taucoko na bobula ki Itomi, ka ra sega ni bau vakasamataka na veiyalayalati ni loloma vakaveitacini.

¹⁰Ia Au na vakatauca na bukawaqa ena bai ni koro mai Taia, me na vakarusa na kena vei tikina."

¹¹Sa tukuna vakaoqo o Jiova: "Ni sa vakatolu ka vakava na talaidredre i Itomi, Au na sega ni na vakasuka na nodra na cudruvi, ena vuku ni via vakamatei tuakana ena i seleiwau, ka sega ni via loloma; ka na dauveibasuraki tiko ena nona cudru ka dau tu ga vua na nona cudru me sega ni mudu.

¹²Ia Au na vakatauca ki Temani na bukawaqa, me na vakarusa na veivanua mai Posira."

¹³Sa tukuna o Jiova: "Ni sa vakatolu, ka vakava na talaidredre i Amoni, Au na sega ni na vakasuka na nona na cudruvi, ena vuku ni nodra tunaka bulabula na yalewa bukete mai Kiliati, ka ra tosoa tiko nai yalayala ni nodra vanua.

¹⁴Ia Au na vakacaudreva na buka ena bai mai Rapa, mena vakarusa na kena veitikina, era na kaikaila, ena siga ni valu, kei na cagi kaukauwa ena siga ni covulaca.

¹⁵Nodra Tui ena kau vakabobula, kei ira nodra vei Turaga", sa tukuna o Jiova.