[5] Vakarua 27

¹Oqo, o Mosese kei ira na qase ni Isireli sa vakaroti ira na tamata ka vaka: "Mo ni maroroya kece nai vakaro au sa vakarota vei kemuni e daidai.

²"Me vakayacori oqo, na siga kemuni sa na takosova kina na uciwai na Joritani ki na vanua sa na solia vei kemuni o Jiova na nomuni Kalou, mo ni binia kina veikemuni na vatu lelevu, ka me ra boro ena wai vulavula (lase).

³"Mo ni vola kina na vosa kece ni vunau, ni kemuni sa takoso, mo ni curu kina ki na vanua sa solia vei kemuni o Jiova nomuni Kalou, 'Na vanua sa drodro kina na sucu kei na oni,' me vaka ga sa yalataka vei kemuni o Jiova na Kalou ni nomuni qase.

⁴"O koya oqo, ni kemuni sa takosova na Joritani, ena ulunivanua o Ipati, mo ni tuvana na vatu kece oqo, au sa vakaroti kemuni kina oqo, ka boroya ena wai vulavula (lase).

⁵Mai kea talega mo ni tara kina e dua nai cabocabo ni soro vei Jiova na nomuni Kalou, na cabocabo ni soro e vatu, me kua ni tara nai cabocabo ni soro ena dua nai yaya kaukamea.

⁶"Me tara ena vatu taucoko nai cabocabo ni soro nei Jiova na nomuni Kalou ka me vakacabori kina nai soro kama ki vei Jiova na nomuni Kalou.

⁷"Mo ni vakacabora na i soro ni veivinakati, ka kana mai nai cabocabo ni soro ka reki tiko ena mata i Jiova na nomuni Kalou.

⁸"Mo ni vola vakavinaka ka vakamatailevu ena dela ni vatu na vosa kece ni vunau."

⁹O Mosese kei ira na bete kei ira na livai era sa vosa vei ira na Isireli ka vaka: "Mo ni qarauni kemuni ka vakarorogo na Isireli; Ena siga oqo, ka mo ni sa nona tamata na Kalou.

¹⁰"O koya oqo, mo ni vakarorogo ka talairawarawa ki na domo i Jiova na nomuni Kalou ka maroroya na nona i vakaro kei na nona i lesilesi au sa vakarota vei kemuni e daidai."

¹¹Sa vakaroti ira na tamata o Mosese ena siga o ya ka vaka,

¹²"Oqo sa tucake tu ena ulunivanua o Kerisimi ka vakalouvinakataki ira na tamata ni kemuni sa takosova oti na Joritani: o Simione, o Livai, o Juta, o Isakari, o Joseva kei Penijamini;

¹³"Ena ulunivanua o Ipali me rukaka (vakaloucataka) na tamata: o Rupeni, o Kata, Esa, Sevuloni, o Taniela kei Navitalai.

¹⁴"O ira na Livai, me ra vosa vakarogolevu, ka vosa vei ira na kece na tagane e Isireli:

¹⁵'Ena kalouca o koya sa cakava e dua na ka sa ceuti se dua na ka sa buli, ka vakasisila vei Jiova na cakacaka ni liga ni tamata, ka vakaduria ena vanua vuni.' "Me ra tukuna na tamata kecega 'Emeni!'

¹⁶'Sa kalouca o koya sa i valavala vakaviavialevu veirau na nona i tubutubu tamana kei tinana.' "Me ra na tukuna na tamata kecega, 'Emeni!'

¹⁷''Sa kalouca o koya sa vakavuna na nona lako sese na mataboko ena sala.' "Me ra tukuna na tamata kecega, 'Emeni!'

¹⁸Sa kalouca o koya sa vakavuna na nona lako sese na mataboko ena sala. Me ra na tukuna na tamata kecega, 'Emeni!'

¹⁹'Sa kalouca o koya sa vakatanitaka na lewa dodonu me nodra na vulagi, na luveniyali, na yada.' " Me ra na tukuna na tamata kecega, 'Emeni!'

²⁰'Sa kalouca o koya sa moce vata na wati tamana baleta ni sa cega nai davodavoi tamana.' "Me ra na tukuna na tamata kecega, 'Emeni!'

²¹'Sa kalouca o koya sa tiko vata kei na dua na manumanu.' "Me ra na tukuna na tamata kecega, 'Emeni!'

²²'Sa kalouca o koya sa tiko vata kei na ganena na luvei tamana se luvei tinana.' "Me ra na tukuna na tamata kecega, 'Emeni!'

²³'Sa kalouca o koya sa tiko vata kei na tinai waitina.' "Me ra na tukuna na tamata kecega, 'Emeni!'

²⁴'Sa kalouca o koya sa veivala vuni kei na wekana.' "Me ra na tukuna kecega, 'Emeni!'

²⁵'Sa kalouca na tamata sa taura vuni nai lavo me vakamatea kina e dua na sega cala.' "Me ra na tukuna kece na tamata kecega, 'Emeni!'

²⁶'Sa kalouca o koya sa sega ni muria na vosa kece ni vunau oqo. ' "Me ra na tukuna na tamata kecega, 'Emeni!'