[21] Dauvunau 7

¹Na yaca vinaka sa vinaka cake mai na waiwai boi vinaka, na siga ni mate sa vinaka cake mai na siga ni sucu;

²E vinaka cake mo lako ki na vale ni vakaloloku mai na lako ki na vale ni kana magiti, ni o ya nai cavacava ni tamata kecega, ka sa ka bibi vua na tamata.

³Na rarawa sa vinaka cake mai na veidredrevaki, Ni sa rarawa na bula sa vakavukui kina na yalo.

⁴Na yalodra na yalomatua sa tiko ena vanua ni so mate, na yalo ni tamata lialia sa tiko ena vanua ni marau vakalialia.

⁵Sa vinaka mo rogoca na nodra veivakadodonutaki na yalomatua mai na nodra lagasere na lialia.

⁶Me vaka na cacalidilidi ni buka ena ruku ni kuro, sa vakakina na nodra dredre na lialia, oqo talega sa ka wale sara.

⁷Sa dina sara, na veivakasaurarataki sa vakayalia na nona i naki na yalomatua. Na veivakaqumi sa veivakayalolailaitaki.

⁸Nai cavacava ni dua na ka sa vinaka cake mai nai tekitekivu ni ka, na yalomalua sa vinaka mai na yalo dokadoka.

⁹Mo kua ni vakatotolotaka na yalomu, mo cudru kina, na cudru sa dau roqota tiko o koya na lialia.

¹⁰Mo kua ni tukuna "Ni sa vinaka na siga ena noa mai na siga ni kua?" Ni o sa sega ni vakaqaqa matua na ka oqo.

¹¹Na yalomatua sa vinaka ni sa tiko vata nai votavota, ka sa yaga vakalevu vei ira sa bula tiko.

¹²Sa veitaqomaki na yalomatua me vaka sa veitaqomaki talega nai lavo, Na uasivi ni kila ka, sai koya, ni sa yalomatua, sa solia na bula vei ira ga sa tiko vei ira.

¹³Dou vakaraica mada na cakacaka i Jiova: O cei ena rawa ni vakadodonutaka na ka sa vakavevea o koya?

¹⁴Ena gauna ni sautu, mo reki tiko, Ena gauna dredre, mo vakararai vinaka: Na Kalou sa lesia oqo, sa lesia talega o ya, me kila kina na tamata ni na sega ni rawa ni kila na ka ena yacovi koya ni sa oti o koya.

¹⁵Au sa raica kece na veika kece ena veisiga ni noqu tu wale. Sa dua na tamata ca, sa bula balavu ena nona ca.

¹⁶Mo kakua ni yalododonu sara se mo kua ni yalomatua sara: ena vuku ni cava o sa via vakarusai iko kina?

¹⁷Mo kakua ni ca sara se mo kakua ni lialia sara: e na vuku ni cava o sa via mate dole kina?

¹⁸Sa ka vinaka mo taura oqo, mo kakua talega ni kauta tani na ligamu mai vua tale e dua; ni o ira ga sa rerevaki Jiova. Sa dro bula mai na ka kece oqo.

¹⁹Na yalomatua sa vei vakayalomatuataki, Sa uasivi cake mai vei ira na lewe tini na veiliutaki ena koro.

²⁰Sa sega ni dua na tamata dina e vuravura me caka vinaka, sa sega ni valavala ca.

²¹Mo kakua talega ni biuta ki lomamu na ka kecega era tukuna na tamata, De o rogoca kece, qai kila ni sa vosacataki iko na nomu dauveiqaravi.

²²Sa vuqa talega na gauna, na yalomu sa kila, ni o dau vosacataki ira talega na tamata.

²³Ena ka kece oqo, au sa vakadinadinataka ena yalomatua, au sa tukuna, "Au sa vuku," Io, sa yawa dina mai vei au.

²⁴Ena vuku ni ka o ya, sa yawa sara mai vei au ka sa rui titobu sara, o cei ena rawa ni kunea?

²⁵Au sa saga me'u vakasaqara me'u kunea na yalomatua kei nai balebale ni ka, me'u kila na ca ni lialia, na yalowai, io na nodra lialia na lialia sara.

²⁶Au sa qai kunea ni sa levu na gaga ni mate. Na yalewa sa i cori ka dau kaukauwa, Na ligana sa veivesu, O koya sa vinaka vei Jiova, sa dro tani mai vei koya, kei ira nai valavala ca era na vesuki mai vei koya.

²⁷"Oqo na ka, kau sa raica", sa tukuna na Dauvunau, "Na vakuri ni dua na ka, ki na dua tale me kilai kina na vuna,

²⁸O koya oqo sa vakasaqara tiko na yaloqu sa sega ni kunea; e dua na tagane vei ira na udolu, au sa kunea, ia, me dua na yalewa mai vei ira oqo au sa sega ni kunea.

²⁹Sa dina, oqo ga au sa kunea, na Kalou sa bulia na tamata me yalododonu, ia era sa vakasaqara ga na veika vovou e vuqa."