[2] Lako Yani 10

¹Oqo o Jiova sa vosa vei Mosese ka vaka: "Mo lako vei Fero: Ni'u sa vakaukauwataka na yalona kei na yalodra talega na nona dauveiqaravi, Me'u na vakaraitaka kina na Noqu vakatakilakila e matana,

²"Mo rawa ni tukuna vei ira na luvemu, na luvedra na luvemu na veika lelevu. Au sa cakava vei ira mai Ijipita kei nai vakatakilakila kece Au a cakava vei ira, mo kila Ni'u sa Kalou."

³E rau sa lako mai o Mosese kei Eroni vei Fero ka tukuna vua, "Sa tukuna vaka oqo o Jiova na nodra Kalou na Iperiu: 'Na cava soti na dede ni nomu sega ni via vakamalumalumutaki iko kina vei Au? Laivi ira na Noqu tamata me ra lako ka qaravi Au.

⁴'Kevaka, o na sega ni sereki ira me ra lako; mo kila ena siga ni mataka Au na kauta mai kina na vodre ki na nomu vanua.

⁵'Era sa ubi vuravura ka ena sega ni dua e raica rawa na vanua; era na kania na ka kecega sa vo mai na veika sa vakavoca na uca cevata, era na kania kecega na vei vunikau kecega sa tubu cake mai na vanua.

⁶'Era na vakasinaita na nomu veivale, na nodra veivale na nomu dauveiqaravi, na nodra veivale na kai IjipitaOoqo era se sega ni raica na tamamuni se tamadra na tamamuni se mai na siga era basika kina e vuravura me yacova mai oqo.'" Sa vuki ka gole tani mai vei Fero.

⁷Sa vosa vei Fero o ira na nona dauveiqaravi. "Na cava soti na dede ni nodra mai voto ni moli tiko kina vei keda o ira oqo? Laivi ira me ra lako, me ra la'ki qaravi Jiova na nodra Kalou, o sa sega tiko ni kila ni sa vakarusai oti o Ijipita?"

⁸E rau sa kau tale mai o Mosese kei Eroni vei Fero ka tukuna vei rau, "Ni lako ka qaravi Jiova na nomuni Kalou, ia o cei vei ira oqo ena lako?"

⁹Sa sauma o Mosese ka vaka, "Keimami na lako vata kei ira na gone kei na qase; na luvei keimami tagane kei na yalewa, na neimami manumanu, keimami na lako ka ia na Solevu vei Jiova."

¹⁰Sa tukuna vei ira o Fero, "Me tiko vata kei kemuni o Jiova, ni'u sa laivi kemuni me lako kei ira na lalai oqo mo ni lako! Mo ni qarauna na ca sa liu tiko vei kemuni.

¹¹"Mo ni lako oqo, oi kemuni sa tamata bula, ka qaravi Jiova, ni sai koya ga oqo na ka o ni sa gadreva." Era sa cemuri mai na mata i Fero.

¹²Sa vosa vei Mosese o Jiova ka vaka: "Dodoka yani na ligamu vaka ki na vanua o Ijipita, me ra lako mai na vodre ki na vanua o Ijipita, ka kania na veika bula kecega ena vanuaOveika kece sa vakavoca na uca cevata."

¹³Sa dodoka na i titoko o Mosese vaka ki na vanua o Ijipita, sa dolava mai o Jiova e dua na cagi tokalau ena vanua, ena siga ka bogi tale. Ni sa mataka mai sa kauta mai na vodre na cagi tokalau oqo.

¹⁴Era sa lako yani na vodre e Ijipita taucoko ka ro ena ka kecega sa kune ena vanua o Ijipita. Era sa vakacaca sara vakalevu; sa sega ni bau vaka tu o ya e liu, ka na sega talega ni vaka o ya ena siga mai muri.

¹⁵Era sa robota na vuravura taucoko ka sa buto kina na vuravura. Era sa kania na veika kecega sa tu ena vanua, na vuata ni veivunikau sa vakavoca mai na uca cevata. Sa sega tale ni vo e dua na ka me drokadroka ena vanua o Ijipita.

¹⁶Sa kacivi rau vakatotolo o Mosese kei Eroni o Fero ka tukuna vei rau, "Au sai valavala ca vei Jiova na nomudrau Kalou, vei kemudrau talega.

¹⁷"Drau vosoti au vakadua mada ga oqo, ka mo drau masuti Jiova na nomudrau Kalou me kauta tani mai vei au na mate oqo."

¹⁸Sa lako tani mai vei Fero, ka sa masuti Jiova.

¹⁹Sa qai vukica o Jiova e dua na cagi kaukauwa mai na ra, ka kauta tani na vodre ki na Wasawasa Damudamu. Sa sega tale ni kune e dua na vodre e na vanua taucoko o Ijipita.

²⁰O Jiova, sa vakayalokaukauwataki tale, ka sa sega ni via sereki ira na luvei Isireli me ra lako.

²¹Sa tukuna o Jiova vei Mosese, "Dodoka yani na ligamu vaka ki lomalagi, me dua kina na butobuto levu e na vanua taucoko e Ijipita. Na butobuto oqo me vakilai."

²²Sa dodoka yani na ligana o Mosese vaka ki lomalagi, ka sa dua na butobuto levu e Ijipita me tolu na siga.

²³Sa sega ni dua me raica rawa tale e dua, se dua me tucake rawa mai nodratou me tolu na siga. o ira kece na luvei Isireli era sa rarama tiko e na vanua era sa tiko kina.

²⁴O Fero sa kacivi Mosese ka tukuna vua, "Mo lako ka qaravi Jiova, mo biuta tiko ga mai na nomu manumanu, me ra lako talega na gone vata kei iko."

²⁵Sa sauma vua o Mosese, "Mo solia talega vei keimami nai soro kei na i soro kama, me keimami vakacabora vei Jiova.

²⁶"Na neimami manumanu susu talega me lako vata kei keimami, me kua ni dua e vo tiko mai. Me keimami kauta baleta me qaravi kina na Kalou, ni keimami sa sega ni kila se cava keimami na qaravi Koya kina, ni keimami sa yaco yani ki kea."

²⁷Ia, o Jiova sa vakaukauwataka na yalona, ka sa sega ni via sereki ira me ra lako.

²⁸Sa tukuna mai o Fero, "Mo lako tani mai vei au! Mo lewai iko, mo kua tale ni raica mai na mataqu. Na siga o raica mai kina na mataqu o na mate!"

²⁹Sa tukuna o Mosese, "O sa vosa vinaka mai, au na sega ni raica tale na matamu."