[2] Lako Yani 13

¹Sa vosa o Jiova vei Mosese ka vaka,

²"Vakasavasavataki ira kece na ulumatua, na ka kece sa dolava na kato ni tamata se manumanu vei ira na Isireli; me ra sa Noqu."

³Sa tukuna o Mosese vei ira na tamata: "Mo ni nanuma na siga oqo, o ni sa lako tani kina mai Ijipita, mai na vale ni veivakabobulataki; ni sa kaukauwa ga ni ligai Jiova sa kauti kemuni tani mai na vanua o ya. Me kua ni laukana na madrai sa vakaleveni.

⁴"Ena siga oqo, o ni sa lako tani kina, ena vula o Epipi.

⁵"Ni sa kauti kemuni mai o Jiova ki na nodra vanua na Kenani, na Itaiti, na Amoraiti, na Ivaiti kei na Jepusaiti, na vanua sa yalataka vei ira na qase me solia vei kemuni, na vanua ni maroroya na veiqaravi oqo ena vula vata ga oqo.

⁶"Me vitu na siga e na nomuni kania na madrai sega ni vakaleveni oqo, e na i kavitu ni siga, me dua na kanavata vei Jiova.

⁷"Na madrai sa sega ni vakaleveni me laukana tiko me vitu na siga. Me kua ni laukune ena kemuni maliwa na madrai sa vakaleveni, se, ena nomuni i tikotiko.

⁸"Mo ni tukuna talega vei ira na luvemuni ena siga o ya ka vaka: 'sa ca oqo, baleta na ka sa cakava vei au o Jiova ena noqu lako tani mai Ijipita.'

⁹"Me i vakatakilakila oqo e na ligamuni, me vakananumi ena maliwa ni matamuni, nai vunau i Jiova, me tiko ena gusumuni; ni, ena liga kaukauwa sa kauti kemuni tani kina mai Ijipita o Jiova.

¹⁰"Mo ni maroroya na lewa oqo ena kena gauna ena veiyabaki kecega.

¹¹"Ena gauna sa na kauti kemuni mai kina o Jiova ki na vanua o Kenani me vaka sa yalataka vei ira na qase, ka sa solia vei kemuni,

¹²"mo ni qai vakatabui ira kece sa dolava na 'kato ni gone' me nona na Kalou, oqori na i matai mai vei ira na manumanu sa nomuni, na ka tagane kece; me nei Jiova.

¹³"Nai matai mai vei ira na asa me veisau kei na lami; kevaka o sa sega ni veisautaka, me qai musuka na domona. o ira kece na ulumatua tagane mai vei kemuni, mo ni vakatabuya.

¹⁴"Ni ra sa tarogi kemuni na luvemuni ena veisiga mai muri, ka vaka: 'Na cava oqo?' Mo ni qai tukuna vei ira, "Ena kaukauwa ni ligai Jiova, sa kauti keimami tani mai Ijipita, mai na vale ni veivakabobulataki.

¹⁵'Ni sa yaco na gauna, sa yalo kaukauwa kina o Fero me kua kina ni sereki keimami, o Jiova sa vakamatei ira kecega na ulumatua ena vanua o Ijipita, ruarua, na ulumatua ni tamata kei na ulumatua ni manumanu talega. o koya oqo, au sa vakacabora kina vei Jiova na tagane kecega sa dolava na kato ni gone.'

¹⁶"Me i vakatakilakila e ligamuni, ka me sa toka ga ena maliwa ni matamuni, ni ena kaukauwa ni liga i Jiova sa kauti keda tani mai Ijipita."

¹⁷Sa qai yaco, ni sa sereki ira na tamata o Fero me ra lako, sa sega ni vakatara o Jiova me ra lako yani ena nodra vanua na Filisitia, e dina ni voleka na sala o ya; ni sa tukuna o Jiova, "de ra qai veisautaka na nodra rai, ka era na qai via lesu tale ki Ijipita."

¹⁸O Jiova sa liutaki ira vaka ki na vanua liwa na tamata ki na wasawasa damudamu. o ira na luvei Isireli era sa lako cake vakaituvatuva ena nodra lako tani mai Ijipita.

¹⁹O Mosese sa kauta vata talega kei koya na sui nei Joseva, ni sa yalataka o koya vei ira na luvei Isireli ka vaka, "Ena talevi kemuni vakaidina na Kalou, ka mo ni na kauta vata kei kemuni na noqu sui."

²⁰Era sa tekivuna na nodra i lakolako mai Sakoca ka mai tiko vakalailai e Ecama ena i yalayala ni vanua liwa.

²¹Sa liutaki ira o Jiova ena duru o ena siga me liutaki ira, kei na duru bukawaqa ena bogi me vakararamataki ira. Me ra lako tiko ena siga kei na bogi.

²²Sa sega ni kauta tani na duru o kei na duru bukawaqa ena bogi.