[26] Isikeli 15

¹Na vosa i Jiova sa lako mai vei au, ka vaka,

²"Luve ni tamata, E vakacava na kena yaga cake na vu ni vaini ki na kau eso, na taba ni vaini e na kedra maliwa na vei vunikau mai veikau?

³"E kau beka e dua na tikina me ta kina eso nai yaya? Sse na kau beka e dua na tikina mei vako me rube kina e dua nai yaya?

⁴"E sega, e viritaki ga ki na buka waqa me kenai vakawaqa; sa kania na muana ruarua na bukawaqa, ka sa kama yavu na tolona. E na yaga li e na dua na cakacaka?

⁵"E dina, ni se taucoko tu, e a sega ni dua nai yaya e buli rawa maikina. Ena vakacava na lailai ni kena sega ni yaga ki na dua na cakacaka ni sa kania na bukawaqa, ka sa kama yavu?

⁶"O koya oqo sa tukuna kina na Kalou o Jiova: 'Me vaka na vu ni vaini e na kedra maliwa na vu ni kau ni veikau, Au a solia ki na bukawaqa me kena buka, Au na soli ira vakakina na kai Jerusalemi;

⁷'Ia Au na vakaukauwataka na Mataqu vei ira. Era na lako tani mai na dua na bukawaqa, ia ena kani ira e dua tani tale na bukawaqa tani. Dou na qai kila ni sai Au o Jiova, Ni'u sa vakaukauwataka na Mataqu vei ira. 8 'Au na vakalolomataka sara vakaoqo na vanua, baleta ni ra gumatua vakalevu ena talaidredre,' sa tukuna na Kalou o Jiova."