[1] Vakatekivu 33

¹Sa rai yani o Jekope, ka raica ni sa lako tiko mai o Iso vata kei na va na drau na nona tamata. Sa wasewasei ira vakatotolo na gone vei ira na dui tinadra.

²Sa liu oirau na dauveiqaravi kei ira na luvena, tarava yani o Lia kei na luvena, ka muri sara o Raijeli kei Joseva.

³Sa takoso yani o Jekope ka cuva ki na qele vakavitu, me yacova ni sa voleka mai vei Iso na tacina.

⁴Ia, o Iso sa cici mai ka roqoti koya ka lele yani ki domona ka reguci Jekope ka tagi, ni rau sa veitagicaki ena marau.

⁵Sa rai yani o Iso, ka sa raici ira na yalewa kei na dui luvedra ka taroga, "O cei o ira oqo?" sa sauma yani, "O ira na gone oqo era sai solisoli ni loloma ni Kalou vua na nomuni tamata."

⁶E rau na lako talega mai na dauveiqaravi kei na luvedra ka cuva sobu.

⁷Sa lako talega mai o Lia kei ira na luvena ka cuva sobu. Ni oti oqo sa lako talega mai o Joseva, kei Raijeli ka cuva talega.

⁸Sa taroga mai o Iso, "Na cava nai balebale ni lawalawa kei oqo keimami sa sota oti?" Sa tukuna yani o Jekope, "Oqori me ra kune loloma kina ena mata ni noqu turaga."

⁹Sa tukuna tale o Iso, "Sa levu tu vei au na veika, taciqu; maroroya kece oqo me nomu ga."

¹⁰Sa sauma yani o Jekope, "E sega, kevaka au sa kune loloma e matamu, mo ciqoma nai solisoli mai na ligaqu “ ni'u sa raica na matamu ni sa vaka ga ni'u raica na mata ni Kalou, ni o sa vinaka vei au.

¹¹"Au kerea mo taura na veivakalouvinakataki sa kau mai vei kemuni, baleta na Kalou sa levu dina na Nona yalololoma vei au, ka sa rui levu tale vei au oqo." Sa uqeti koya tikoga o Jekope “ sa mani ciqoma o Iso.

¹²Sa mani tukuna o Iso, "Mai me daru lako sara, au na liu tiko vei iko."

¹³Sa sauma yani o Jekope, "Na noqu turaga sa kila ni ra sa malumalumu na gone, era sa malumalumu talega na manumanu, kevaka me ra na toso tale me dua na siga, era na mate kece.

¹⁴"Au kerea, me liu ga yani na noqu turaga, ka me'u na kauti ira ga yani vakamalua na manumanu kei ira na gone ena neimami toso ga, me yacova ni keimami sa yaco yani vua na noqu turaga e Sia."

¹⁵Sa tukuna mai o Iso, "Me'u biuta tiko mai eso na noqu tamata vata kei iko?" Sa sauma mai o Jekope, "Ena dua beka na kedra yaga? Me'u kune loloma mai na mata ni noqu turaga."

¹⁶Sa lesu yani o Iso ena siga o ya, ena sala ki Sia.

¹⁷Sa lako yani o Jekope ki Sakoca, sa tara e dua na nona vale, kei na vale me nodra na manumanu. Sa vakayacani kina na vanua o ya me Sakoca.

¹⁸Sa yaco vinaka mai Sikemi o Jekope, ena vanua o Kenani, ena nona lako mai Padani-Erami; sa vakaduria na nona valelaca ena mata ni koro.

¹⁹Sa volia na tiki ni vanua sa mai vakaduria kina na nona vale laca, mai vei ira na luvei Emori na tamai Sikemi ena rua na drau na dola.

²⁰Sa tara mai kea e dua nai cabocabo ni soro, ka vakatoka me Ilai-Eloe Isireli.