[1] Vakatekivu 38

¹Sa yaco ena dua na gauna sa lako tani mai kina o Juta mai vei ira na tacina, sa sikova yani e dua mai Etulama na yacana o ira.

²Sa raica talega mai kea e dua na goneyalewa ni Kenani, na luvei Sua, sa vakawatitaki koya ka curumi koya sara.

³Sa kunekune ka vakasucuma vua e dua na luvena talega sa yacana o Eri.

⁴Sa kunekune tale, ka vakasucuma e dua na tagane, sa vakayacani koya o tinana me o Onani.

⁵Sa dua tale na luvena tagane, sa yacana o Sela. Sa tiko mai Jesiba ena gauna sa sucu kina o Sela.

⁶O Juta sa kauta mai e dua na wati Eri, na nona ulumatua, na yacana o Tamare.

⁷Ia, o Eri na ulumatua i Juta, sa caka ca ena mata i Jiova, o Jiova ga sa vakamatei koya.

⁸O Juta sa tukuna vei Onani, "Lako vei wati tacimu, mo drau veiwatini, ka vakatubura e dua na kawa vei tacimu."

⁹Sa kila o Onami ni o na luvena ena sega ni nona, sa vakadrodroya kina qele, ena gauna sa curumi wati tacina tiko kina “ de qai solia na kawa vei tacina.

¹⁰Na veika oqo sa sega ni marautaka o Jiova, oqo, sa vakamatei Onani talega kina.

¹¹Sa tukuna o Juta vei vugona o Tamare, "Mo tiko yada mada ena vale i tamamu," me yacova ni sa cauravou mai o Sela." De qai mate tale me vakataki tacina." Sa lako o Tamare ka tiko wawa ena vale nei tamana.

¹²Sa yaco na gauna sa mate kina na wati Juta, sa vakacegui ka lako cake vei ira na nona dauvakatawa sipi e Timana, o koya kei na nona i tokani o ira na kai Etulama.

¹³Sa tukuni vei Tamare, "Raica o nomu momo sa lako cake i Timana me raica na nona sipi."

¹⁴Sa luvata tani na nona i sulu vaka yada, sa ubi koya ka la'ki dabe tiko ena tikina lala ena sala vaka ki Timana; ni sa raici Sela sa cauravou levu mai “ ia sa sega ga ni lako yani me rau veiwatini.

¹⁵Ni sa raici koya o Juta, sa nanuma ni oqo e dua e volitaki koya tiko, baleta ni ubia tiko na matana taucoko.

¹⁶Sa vuki yani vua ena sala ka tukuna, "Au kerea me'u curumi iko mada," sa sega ni kila, o ya o na vugona. Sa taroga o vugona, "Na cava o na solia vei au, me rawa ni o curumi au kina?"

¹⁷Sa sauma mai, "Au na solia mai e dua na me gone." Sa tukuna tale yani, "Mo solia mai e dua na kena i vakadinadina?"

¹⁸"Na cava me'u solia vei iko?" Sa sauma mai na nomu i taube/mama kei na nomu i titoko." Sa mani solia yani vua, ka curumi koya sara ka sa kunekune talega mai vua.

¹⁹Sa tucake ka lako yani, sa veisautaka na nona i sulu ka dara tale na nona i sulu vakayada.

²⁰Sa vakauta yani o Juta na me gone, mai na ligana na nona i tokani na kai Etulama vua na yalewa. Ia, sa sega ga ni kune.

²¹Sa tarogi ira na tagane ena vanua o ya, "E vei o koya na dau volivolitaki sa tu ena sala?" Era sa sauma, "Sa sega eke na dauvolivolitaki sa tu ena sala."

²²Sa lesu tale yani vei Juta ka tukuna, "Au sa sega ni raici koya, o ira talega na tagane mai keau era sa tukuna ni sa sega na dauvolivolitaki vakaoqo ena vanua."

²³Sa tukuna o Juta, "Me sa taura ga yani o koya de daru na qai madua “ ni'u sa solia yani na me, ia sa yali o koya."

²⁴Ni sa oti tale e tolu na vula, sa tukuni sara vei Juta ka vaka: "O Tamare na vugomu ea volitaki koya ena sala ka sa bukete tiko." Sa tukuna yani o Juta, "Kauti koya mai me mai vakamai!"

²⁵Ni sa kau mai, sa tukuna vei nona momo, "O koya na tagane sa nona oqo, sa vakabuketetaki au," mo raica mada se nei cei oqo, nai taube, mama kei na i titoko."

²⁶Sa tukuna o Juta, ni sa kila ka sa tukuna, "Sa yalododonu cake o koya mai vei au, ni'u sa sega ni soli koya vei Sela baleta ni sa tamata levu mai." Sa sega ni curumi koya tale.

²⁷Ena gauna me sa vakasucu kina, sa tiko e ketena e rua na gone.

²⁸Ni sa vakasucu tiko, sa basika mai e dua na liga, o koya na dau ni veivakasucumi sa vesuka sara e dua na wa lokaloka e ligana ka tukuna, "Oqo e liu mai."

²⁹Na ka e yaco ni sa vakasuka lesu tale na ligana, sa basika mai o tacina vakasauri ni sega ni namaki, ka tukuna sara, "O lako mai vakacava? O takoso mai." Sa yacana kina me o Veresi.

³⁰Ni oti oqo sa qai basika mai o tacina ni sa tiko e ligana na wa lokaloka. Sa yacana o Sira.