[1] Vakatekivu 45

¹Sa sega ni rawa ni vosoti koya tiko o Joseva e matadra sa tu vata kei koya, ka sa kaci yani, "Mera lako kece i tuba na tamata mai vei au!" Sa sega e tu vata kei koya ni sa tukuni koya tiko vei ira na tacina.

²Sa tagi vakadomoi levu o koya, o ira na Ijipita kei ira na vuvale nei Fero, era sa rogoca.

³Sa tukuna o Joseva vei ira na tacina, "O au o Joseva, e se bula tiko o tamaqu?" Era sa sega ni sauma rawa na tacina, ni ra sa kidacala e matana.

⁴Sa tukuna o Joseva vei ira na tacina, "Dou toso voleka mai vei au." Sa qai tukuna tale, "O au o Joseva na tacimudou, o koya dou a volitaka mai ki Ijipita.

⁵"Dou kua ni rarawa se cudruvi kemudou kina ni dou volitaki au mai ki ke; na Kalou sa talai au mai e liu vei kemudou, me maroroi kina na bula.

⁶"Ena rua na yabaki oqo sa sega kina na kakana ena vanua, ka sa tiko tale oqo e lima na yabaki ena sega kina na cukicuki se na tatamusuki.

⁷"Na Kalou sa talai mai liu vei kemudou me maroroi na sautu ena vuravura, ka me vakabulai kemudou ena veisereki levu.

⁸"Ia, oqo sa sega ni oi kemudou sa talai au mai, na Kalou ga, o koya sa cakava me'u tama vei Fero, ka turaga ena nona vale taucoko ka lewa ena vanua taucoko o Ijipita.

⁹"Dou totolo ka lako cake vei tamaqu ka tukuna vua, 'Sa tukuna vaka oqo o Joseva na luvemu: "Na Kalou sa cakava me'u turaga levu duadua e Ijipita taucoko, lako sobu mai vakatotolo “ kua ni wawa tale.

¹⁰"Dou na mai tiko ena vanua o Koseni, dou na mai tiko volekati au, o kemudou kei ira na luvemudou kei ira na luvena na luvemudou, na nomudou manumanu kei na ka kecega sa nomudou.

¹¹"Mai kea au na vakarautaka vei kemudou, de o ni na qai dravudravua o kemuni kei na nomuni vuvale kece, ni se vo tiko oqo e lima na yabaki ni dausiga."'

¹²"Mo dou kila, na matamudou kei na matai Penijamini na taciqu, sa raica na gusuqu ni sa vosa tiko.

¹³"Dou tukuna vei tamaqu na noqu cecere e Ijipita kei na veika kecega dou sa raica; mo dou vakatotolo kina ka kauta sobu mai na tamaqu e ke."

¹⁴Rau sa veimokomokoti kei Penijamini na tacina ka veitagicaki.

¹⁵Sa reguci iratou kece na tacina ka veitagici, ni sa oti o ya, era sa veivosaki.

¹⁶Nai rogorogo ni veika oqo sa yaco sara ki na loma ni vale nei Fero ka vaka: "O ira na taci Joseva, era sa lako mai." Sa taleitaka o Fero kei ira na nona tamata na ka oqo.

¹⁷Sa tukuna o Fero vei Joseva, "Tukuna vei ira na tacimu, 'Dou vakatawana nai lakolako, ka lako ki Kenani.

¹⁸'Dou kauti tamamudou mai kei na nomudou vuvale ka lako mai vei au; au na soli vei kemuni na tikina vinaka duadua ena vanua o Ijipita, o ni na kania na uro ni vanua.

¹⁹'O ni sa vakaroti mo ni cakava oqo O Mo ni kauta na qiqi vakavale me ra kau mai kina na gone kei tinadra ka mo ni kauti tamamuni talega mai.

²⁰'Mo ni kua ni leqataka na veika e nomuni, baleta, ni na soli vei kemuni na vanua vinaka duadua e Ijipita me nomuni.'"

²¹O ira na luvei Isireli era sa cakava oqo, me vaka sa tukuni vei ira, sa soli vei ira na qiqi vakavale me vaka nai vakaro i Fero, sa soli talega vei ira na i vaqa ni lakolako.

²²Sa solia vei ira kece, vei ira vakayadua na veisau ni nodra i sulu; vei Penijamini ga sa solia kina e tolu na drau na tiki ni siliva kei na lima nai sulu ni veisau.

²³Sa vakauta vei tamana na veika oqo, e tina na asa sa vakavodoki kina na veika vivinaka e Ijipita, e tini na asa yalewa sa vakavodoki kina na sila, na madrai, kei na veikakana ni lakolako mai.

²⁴Sa vakatalai ira yani na tacina, ka era sa lako yani, ka sa tukuna vei ira, "Dou raica me kua na leqa ena sala."

²⁵Era sa lako cake tani yani mai Ijipita ka lako mai kina vanua o Kenani vei Jekope na tamadra.

²⁶Era sa tukuna vua, "O Joseva e se bula tiko, e sa lewa tiko ena vanua taucoko o Ijipita." Sa kidacala o Jekope baleta ni sa sega ni vakabauti ira.

²⁷Ia, ni ra sa tukuna vua na vosa kece i Joseva, ka sa raica talega na qiqi vakavale sa soli mai me mai vodo kina, sa vakabulabulataki tale na yaloi Jekope na tamadra.

²⁸Sa qai tukuna o Isireli, "Sa rauta, e se bula tiko o Joseva na luvequ. Au na lako ka raici koya ni bera ni'u mate."