[58] Iperiu 6

¹Me da biuta nai vakatekivu ni vakavuvuli ni bula va Karisito, me da toso ka tubu cake me matua ka taucoko sara, me da kakua ni tiko ga ena yavu ni veivutuni ena cakacaka sa yaco kina na mate kei na vakabauta na Kalou,

²Nai vakavuvuli ni papitaiso, na veitabaki ena liga, na tucake tale mai na mate kei na veilewai levu.

³Oqo, ena vakayacori ga kevaka sa vakatara na Kalou.

⁴Sa na sega sara ni rawa vei ira sa vakararamataki oti, o ira sa tovolea oti nai solisoli vakalomalagi, o ira sa vakaitavi vata kei na Yalo Tabu.

⁵O ira sa tovolea oti na vosa vinaka ni Kalou, kei na kaukauwa ni veiyabaki sa roro tiko mai,

⁶Ka ra sa qai lutu tani; mera vakavoui tale ena veivutuni, ni ra sa vakota tiko vakataki ira na Luve ni Kalou ka vakamaduataki Koya ena matana votu.

⁷Na qele sa gunuva tiko na uca sa lako wasoma tiko kina, sa qai dau vakatubura na kau kakana sa yaga vei ira sa vakarautaki vei ira, era sa vakalouvinakataki mai vua na Kalou;

⁸Kevaka sa vakatubura mai na votona kei na veika ca, ena cati ka rulaki ka sa tuga me kama.

⁹Kemuni sa lomani, keimami sa nuidei ena vuku ni veika vinaka me baleti kemuni, ia na veika e lakovata na vakabulai e dina ga ni keimami vosa tiko vakaoqo.

¹⁰Ni sa sega ni dau lasu na Kalou me guilecava na nomuni cakacaka, kei na nomuni dauoca ena loloma o ni sa dauvakaraitaka ki na Yacana, o ni sa dauveiqaravi yani vakakina ki vei ira na tamata ni Kalou, ka o ni sa daucakava tiko ga.

¹¹Keitou sa gadreva vei kemuni yadudua mo ni vakaraitaka tikoga na gugumatua ki na taucoko ni vakanuinui me yacova nai vakataotioti,

¹²Mo ni kua ni malumalumu kina, ia mo ni vakamurimuri ira ga o ira sa nodra na veika sa yalataki ena vakabauta kei na dauvosota.

¹³Ni sa cakava na Kalou na Nona yalayala vei Eparaama, baleta ni sa sega ni bubului vua e dua tale e levu cake mai vua, sa bubului ga vei Koya,

¹⁴Sa tukuna kina, "Au na vakalouvinakataki iko ena kalouvinaka ka vakalewevuqataki iko ena lewe vuqa."

¹⁵Ni sa vosota tiko vakalevu sara, sa qai rawata na vosa ni yalayala.

¹⁶Na tamata sa bubului vei Koya sa levu cake vua, na bubului sai vakadei ni sa mai cava na veika era duidui kina.

¹⁷Na Kalou sa nakita me vakaraitaka vakalevu sara ki vei ira na luve ni yalayala na dina ni Nona vosa ni sa vakadeitaka ena dua na bubului,

¹⁸Ni rua na veika ena sega ni cala rawa, na Kalou e sega ni daulasu rawa, me dua kina na vanua kaukauwa me ravi kina, o ira sa dro ki nai vakaruru, me ra taura matua nai nuinui sa tu e matadra.

¹⁹Nai nuinui oqo sa noda i kelekele, sa dina ka tudei, sa curu yani kina Nona i serau ena i lati e loma. Kelea kina na yalomu,

²⁰Sa curu oti kina o Jisu ena vukuda, sa liu oti vei keda, sa yaco kina me Bete Levu ka Sega ni mudu, me vaka nai tuvatuva nei Melikesateki.