[28] Osea 12

¹"Sa kana cagi, ka toso tiko kina Tokalau o Ifereimi; sa toso cake tikoga nodra dau lasu kei na nodra veivakacacani. Era sa ia na veiyalatalati kei Asiria ka ra kauta nai lumu ki Ijipita.

²"O Jiova sa kauta mai nai vakaro baleti Juta, ena vakararawataki Jekope ena vuku ni nona i valavala; ena saumi lesu vua me vaka na i vakarau e cakava.

³Mai na kete i tinana sa taura o koya na bukubuku ni yava i tuakana, ka nona i gu kece e saga me veivorati kei na Kalou.

⁴Io, sa veivorati kei na agilosi ka sa gumatua vua; e tagi ka kere veivosoti vua. E rau sota mai Peceli, mai kea sa vosa mai kina o koyaO

⁵O ya, o Jiova na Kalou ni lewe vuqa, o Jiova na yaca e dau kilai kina.

⁶O iko, ena loloma ni Kalou mo lesu mai, ka taura na loloma kei na lewa dodonu, ka dau waraki Jiova tikotikoga.

⁷"A kai Kenani qaseqase! Nai vakarau ni veivakaisini sa tu e ligana: E taleitaka me dau veivakasaurarataki.

⁸Sa tukuna o Ifereimi, 'Au sa vutuniyau mai, au sa qai vakaiyau ena noqu cakacaka, era na sega ni kunea vei au e dua na caka cala me i valavala ca.'

⁹"Ia oi au o Jiova na nomudou Kalou mai na gauna sara ni nomudou tiko mai Ijipita; au na biuti kemuni tale ena vei vale laca, me vaka na siga ni nomudou solevu tabu.

¹⁰O ira na parofita era dau cavuti au kei na vei raivotu lelevu; ena ligadra na parofita au dau vakaraitaka e levu na i vakaraitaki."

¹¹E tiko mai Kiliati na matakau “ sa ka walega “ era cabora na bulumakau mai Kilikali, na nodra vanua ni vakacaboisoro sa vaka nai binibini duka ni qele ena vei loga ni teitei.

¹²Sa dro o Jekope ki Siria, sa cakava oisireli me dua kina na watina, sa vakatawa sipi o koya me rawa kina na watina.

¹³Ena liga ni dua na parofita, o Jiova sa kauti ira tani kina na Isireli mai Ijipita. Era maroroi ena vuku ni parofita.

¹⁴Sa vakacudrui koya me cudru vakalevu o Ifereimi; o koya oqo o Jiova ena beitaki ira tikoga ena vuku ni nodra vakadave dra, ka na tukuna tikoga vei ira nodra caka cala.