[23] Aisea 10

¹"Ena ca o ira sa vakatura na lawa sa sega ni dodonu, ka vola na ka veilecayaki era sa lesia

²Me butakoca na dodonu nodra na dravudravua ka kauta tani na nodra dodonu na vakaloloma mai vei ira na Noqu tamata, ena tauri na nodra i yau na yada, e ra na qai butakoca talega na luveniyali.

³Na cava dou na cakava ena siga ni veicudruvi, kei na veivakarusai sa lako tiko mai vakayawa? Dou na dro vei cei mo dou bula? Dou na solia vei cei na ka dou lagilagi tiko kina?

⁴Ni'u na yali vei ira era na cuva vei ira na tauri vakabobula, e ra na bale vata kei ira na vakamatei" na veika oqo ena sega ga ni oti na cudru i Jiova, na Ligana e se dodo tikoga vei ira."

⁵"O iko Asiria na i titoko ni noqu cudru na i wau ena ligadra sa noqu cudru waqawaqa.

⁶Au na talai koya kina dua na matanitu ca, kivei ira na tamata sa tiko kina na noqu cudru, Me'u na vakaroti koya me kovea ka tokitaka ka buturaki ira sobu me vaka na qele dada ni butuka na tamata ena gaunisala.

⁷Ia o koya ena sega ni nanuma me vaka kina, ka sa sega ni kena i naki ni lomana; sa lomana ga me ia na veivakarusai, ka vakaotia eso na matanitu.

⁸Ni sa tukuna, 'E sega beka ni ra tu e keri o ira na ravouvou?

⁹Sa sega ni vakataki Kisimisi o Kalino? Sa sega ni vakataki Apati o Emaci? Sa sega ni vakataki Tamasiko o Samaria?

¹⁰Me vaka sa kunea na ligaqu na nodra matakau na veimatanitu, na nodra matakau ceuti sa roboti Jerusalemi kei Samaria,

¹¹Me vaka au sa vakarusa na nodra matakau mai Samaria, au na sega beka ni vakarusa talega na nodra matakau mai Jerusalemi?"'

¹²Ni sa qai yaco sara na kena gauna, ena Nona vakayacora na Nona cakacaka kece o Jiova ena ulunivanua o Saioni, sa qai tukuna, "Au na cudruva talega na yalo vatu ni tui Asiria, kei na viavialevu ni matana."

¹³Ni sa tukuna o koya; "Ena kaukauwa ga ni ligaqu au sa rawata na ka oqo, ni'u sa yalomatua ni'u sa tosoya laivi na yalayala ni tamata, ka butakoca na nodra i yau talei; me vaka e dua na qaqa, ni vakamalumalumutaki ira na lewe ni vanua.

¹⁴Ia na ligaqu sa taura na nodra i yau talei na tamata me vaka e dua sa kumuna vata na yaloka sa biu tu, Au vakasokumuni vuravura taucoko; ka sega ni bau dua mada ga me bau yavalata na tabana, se dua me dalaga me vosa, ka sega mada ni dua me bau irova mai."

¹⁵Sa bau dokai koya mada na matau vei koya e vakayagataka? Se na ivaro me dokai koya vei koya e varovaro? Se na i titoko vua sa laveta cake, se vaka na i wau me dokai koya ni vakaduri cake ni o koya e kau ga!

¹⁶O koya oqo o Jiova ni lewe vuqa, ena vakatalai ira na suivotu ena kedra maliwa na levulevu sivia; ena rukuna na Nona ka lagilagi ena vakawaqaca na buka me bukawaqa caucaudre.

¹⁷Ena yaco na nodra Rarama na Isireli me bukawaqa kei Koya na le dua Yalosavasava me yameyame ni bukawaqa; ena waqa ga ka na vakama yavu na kau votovotoa kei na soni ena dua ga na siga.

¹⁸Ena vakama yavu o Koya na kena vinaka ni veikau kei na nona veiwere bulabula na yalona kei na yagona; ena vaka ni sa suivotu mai e dua sa tauvimate.

¹⁹Na i vovo ni kau ena nona veikau ena lailai sara na kena levu e dua mada ga na gone e rawa ni vola na kena i wiliwili. Na Kena Vo Vei Ira Na Isireli Era Lesu Bula

²⁰Ena yaco ena siga o ya o ira na lewe vica ni Isireli, kei ira na mataqali i Jekope, e ra dro bula e ra na sega ni vakararavi tale tiko vei koya e vakararawataki ira, e ra na vakararavi vakaidina ga vei Jiova, na Le Dua Yalosavasava e Isireli.

²¹Na lewe vica i Jekope ka ra lesu mai Vua na Kalou Kaukauwa.

²²Kevaka ena vaka na nuku ni wasawasa o ira na noqu tamata na Isireli, ena lesu ga mai na vica e vo, ia na kawa boko sa lesi me yaco ena rairai levu kina na kena caka vakadodonu.

²³O Jiova ni lewe vuqa ena kitaka ga na ka e nanuma e vuravura taucoko.

²⁴O koya sa tukuna kina o Jiova ni lewe vuqa; "Oi kemudou na noqu tamata, ka tiko e Saioni, dou kakua ni rerevaki Asiria. Ena samuti iko ena i titoko ka laveta vei iko na nona i wau, me vakataki ira na kai Ijipita.

²⁵"Ena vakalailai sara sa na oti na Noqu cudru katakata ena nodra rusa."

²⁶O Jiova ni lewe vuqa ena uqeta na veivakanakuitataki me vaka na nodra moku na kai Mitiani ena vatu levu mai Orepi, na Nona i titoko ena vakatauca ena dela ni wasawasa, ena dodoka tale o Koya me vaka mai Ijipita.

²⁷Ena siga dina o ya na na nona i colacola ena luvati tani mai ena vatuvatu ni tabamu, kei na nona i vua mai na domomu, kei na i vua ena vakarusai ena vuku ni veilumuti.

²⁸Sa lako mai o koya ki Aiaci, sa lako yani ki Mikironi, sa laiva tu yani ki Mikimasi na nona i colacola.

²⁹Era sa sivia na tadrua ni veivatu, era sa moce ki Kepa, ni sa rere o Rama, e ra sa dro ki Kipea na koroi Saula.

³⁰Mo qoqolou, na goneyalewa ni Kalimi! Mo vakarogoca Leisi”Isa o Anacoci!

³¹Sa dro o Matimena, o ira na kai Kepemi era sa vaqara bula.

³²Sa bogi dua ga mai Nopi o koya; ena qai kureitaka na ligana ena ulunivanua nodra na goneyalewa ni Saioni mai na delana o Jerusalemi.

³³Raica na Turaga o Jiova ni lewe vuqa, ena tamusuka vakaukauwa vakaidina na tabana, ena taya sobu na ka kecega na viavialevu ena vakamalumalumutaki sobu.

³⁴Ena taya sobu o Koya na kau ni veikau ena matau, o Lepanoni e na vakabalei mai Vei Koya na Kaukauwa.