[23] Aisea 24

¹Raica, sa vakalalai vuravura o Jiova ka kitaka me ka walega, ka vukica sobu na delana ka vakatalabusesetaki ira na lewena.

²Ena yaco me vaka kina; na bete, me vaka sa yaco vei ira na tamata; vua na Turaga, me vaka vua na nona tamata, vua na marama, me vaka vua na nona vada; vua sa volitaka, me vaka vua sa volia, me vaka na dausoli lavo, me vaka vua sa kerea; me vaka na dausoli dinau, me vaka vei koya e dinau.

³Ena vakalailai ka vakacacani vakadua na vanua sa cavuta na vosa oqo o Jiova.

⁴Ena tagi na vanua ka luca yani, o vuravura ena cegu oca ka malai yani; o ira na Turaga e vuravura e ra na takali yani.

⁵E ra sa vakadukadukalitaki vuravura na lewena ni ra sa talaidredre kina i vunau, moica na ka sa lesi tu, vakatawayagataka na veiyalayalati sega ni mudu.

⁶O koya oqo era na cudruvi kina na tiko e vuravura, e ra na tu ena vanua lala, e ra na vakamai na lewe i vuravura, ena qai lewe vica ga ena vo.

⁷Na waini vou sa sega ni yaga, sa malai na vuni vaini, o ira na daumarau vakalialia e ra na vutugu mai.

⁸Sa mudu na marau ena tibirieli, sa oti na kena daurorogo na marau, sa mudu na rekitaki ni api.

⁹E ra na sega ni gunu waini kei na lagasere; na yaqona kaukauwa ena gaga ni ra sa gunuva.

¹⁰Na koro levu veilecayaki ena basuki sobu; sa sogo taucoko na vei vale ka sega tale e dua me rawa ni curuma yani.

¹¹Era sa ra tagi ena veisaqata ni koro, ena vuku ni waini, sa yali na reki sa sega na marau ena vanua.

¹²Sa vo ga na rusa e loma ni koro, ka sa basubasuraki sara na matamata ni koro.

¹³Ena vaka oqo na rairai ni vanua e na kedra maliwa na vei matanitu ena vaka ni sa kurei na vuni olive, ka vaka ni sa tomitomiki na vua ni vaini ni sa oti na kena vula

¹⁴E ra na tabalaka cake na domodra, e ra na sere; ena vuku ni ukuuku i Jiova e ra na kailavaka mai ena loma ni wasawasa.

¹⁵O koya oqo mo dou vakavinavinaka vei Jiova ni kida mai na mataka, na yaca i Jiova na Kalou i Isireli ena veiyanuyanu ni wasawasa.

¹⁶Mai na i yalayala kei vuravura eda rogoca na domo ni sere: "Na vakavinavinaka vua na yalododonu!" Ia au sa tukuna, "Au sa ca, au sa ca!, Isa Oi au! Na daubutako e ra sa butako e ra sa taura vakaveitalia na ka kecega."

¹⁷Na rere na i keli titobu kei na i cori sa yacovi iko, na lewenivanua e vuravura.

¹⁸Ena yaco o koya sa dro mai ena domo ni qoqolou ni rere ena lutu sara kina i keli, o koya talega sa cabe cake mai ena i keli ena coriti ena i cori; ni sa tadola na i sogo kei lomalagi, ka sa yavala na yavu kei vuravura.

¹⁹Sa duisebaseba vakalalai na vanua ka sa tadola levu tu, sa yavavala vakalevu sara na vanua.

²⁰Sa yatayata me vaka na mateni, ka veisuayaki me vaka na loga lili; na nona i colacola bibi ena sega ni na colata rawa, ena qai bale sobu, ka sega ni tucake tale.

²¹Ena yaco na siga o ya ena cudruvi ira na lewe vuqa e ra vakaceceretaki ira tiko, kei ira na tui ni vuravura oqo o Jiova.

²²E ra na vakasoqoni vata, me vaka na nodra sota na bobula ena i keli me ra sogolati yani kina ka waraka na nodra i totogi ena siga sa lokuci.

²³Ena madua ka taqaya na vula kei na matanisiga; ni sa vakatulewa o Jiova ni lewe vuqa ena ulunivanua o Saioni kei Jerusalemi me vakarokorokotaki e matadra nona qase.