[23] Aisea 32

¹Raica, ena dua na tui ena ia na lewa dodonu, o ira talega na luve ni tui e ra na lewa vakadodonu.

²Ena dua na tamata ena vaka na i vunivuni mai na cagi, kei na i vakaruru mai na cava, ena vaka na uciwai ena vanua dravuisiga, ka vaka na iyaloyalo ni dua na vatu levu ena vanua dauveivakaocataki.

³A matadra e ra na rai rawa ka sega ni buwawa, kei na daligadra ena rogo rawa ka vakarorogo.

⁴A lomadra talega na yaloriri ena kila mai na vuku, ka na vosa rawa ka macala na yamedra na kaka.

⁵Na tamata lialia ena sega ni vakatokai tiko me yalo vakaturaga, se tukuni me lomasoli o koya sa kocokoco;

⁶O koya sa lialia ena vosataka na ka vakalialia, ka caka ca tiko na lomana; me ia na veivakaisini ka vosa cala vei Jiova me vakavuna tikoga na nodra via kana na waloloi, ka vakayali na mena wai na tamata sa via gunu.

⁷Na nona tuva ka o koya sa dau tuvatuva e butobuto; sa daubukia na vere ca me vakarusai ira kina na dravudravua ena vosa lasu, ni ra vosataka na ka dodonu na vakalololoma.

⁸Ia o koya sa daulomasoli sa vakananuma na cakacaka, na nona daulomasoli ena tudei kina o koya.

⁹Oi kemudou, na yalewa sa dautiko wale dou tucake ka rogoca na domoqu; oi kemudou na yalewa daunanumi kemudou, dou rogoca mada na domoqu.

¹⁰Ena yabaki dua ka bogi vica dou na vakaleqai vakalevu oi kemudou na yalewa daunanumi koya; ni na yali na vua ni vaini, na vula i matua ena sega ni yaco.

¹¹Dou kidacala mada na goneyalewa daunanumi koya; dou liaci kemudou na daunanumi koya; dou luvata tani na nomudou i sulu ka vauca na i sulu madra ki tolomudou.

¹²E ra na tagi na tamata ka tara lako na lomaseredra ni sa qai ca mai na were vinaka kei na veikau bulabula.

¹³Ena nodra qele na noqu tamata ena lako mai kina na soni kei na kau votovotoa, io ena dela ni vei vale daumarau kecega na koro e ra daureki;

¹⁴Ni sa biu laivi na vale vakaturaga ka sa lala mai, na koro ka sega, na koro ni valu kei na vei vale cecere a qai yaco me qara wale tu, ka sega ni mudu me ra rekitaka na asa kila ka kedra vanua veico na sipi”

¹⁵Me yacova ni qai sovaraki na yalo i Koya sa cecere sara mai cake, ka sa yaco na vanua dravuisiga me teitei bulabula, ka sa wili na teitei bulabula me veikau loa.

¹⁶Ena qai tiko na lewa dodonu mai na vanua liwa lala ka na tiko ena teitei bulabula na i valavala dodonu.

¹⁷Na cakacaka dodonu ena tubu kina na sautu, na cakacaka dodonu ena vakatubura na vakacegu, kei na tiko dei me sega ni mudu.

¹⁸O ira na Noqu tamata e ra na tikotiko ga ena vanua ni sautu, kei na vei vale sa dei kei na i vakavakacegu vinaka.

¹⁹E dina ena tau mai na uca cevata ki na veikau, na koro levu talega ena biu sobu me vakalolovirataki.

²⁰Sa kalouvinaka oi kemudou sa ia na kakaburaki ena bati ni wai kecega, oi kemudou sa vakauta yani kina na yavadra na bulumakau kei na asa.