[23] Aisea 43

¹Ia oqo, sa tukuna o Jiova, o koya ka buli iko, Jekope, kei Koya sa vakacokotaki iko Isireli "Kakua ni o rere, ni'u sa voli iko, au a kacivi iko ena yacamu; o sa noqu.

²Ni o sa lako e loma ni wai, Au na tiko kei iko, kei na loma ni uciwai, ena sega ni luvuci iko. Ni o lakova ena loma ni bukawaqa, o na sega ni kama, ena sega ni yameci iko na yameyame ni bukawaqa.

³Ni sai Au o Jiova na nomu Kalou, na yalosavasava ni Isireli, na nomui Vakabula; Au a soli Ijipita me kemui voli, o Iciopea kei Sepa ena vukumu.

⁴O iko o sa talei sara e Mataqu, o sa dokai kina, Au a lomani iko; o koya oqo Au na solia na tagane vei iko, kei na tamata mei sau ni nomu bula.

⁵Kakua ni o rere, Ni'u sa tiko vata kei iko; Au na kauti ira nomu kawa mai na tokalau, ka vakasoqoni kemudou mai na ra;

⁶Au na qai vosa ki na vualiku, 'Soli ira mai!' kei na ceva 'Kakua ni o tauri ira tiko!' Kauti ira mai na luvequ tagane mai na vanua yawa, kei ira na luvequ goneyalewa mai nai yalayala kei vuravura”

⁷O ira kece era vakayacani ena yacaqu, ka ra buli me laurai kina na Noqu lagilagi; Au a vakataucokotaki koya, io, Au a buli koya."

⁸Dou kauti ira mai na mataboko ka tiko na matana, kei ira na didivara ka tiko na daligadra.

⁹Mera vakasoqoni vata na veimatanitu kecega; kei ira taucoko na tamata mera soqoni vata mai. O cei vei ira me na tukuna rawa na veika oqo, ka vakaraitaka vei keda na veika sa oti? Mera kauti ira mai na nodra dauvakadinadina mera vakadonui kina se me ra rogoca ka tukuna "E sa ka dina."

¹⁰"Sai kemudou na Noqui vakadinadina," sa tukuna o Jiova, "Kei ira na Noqu tamata ka'u sa digitaka, mo dou sa kunea ka vakadinati Au, ka kila ni sai Au o Koya, sa sega na Kalou ka bula e liu ka muri oi Au, ka na sega e dua me na taravi Au.

¹¹Oi au, io oi au ga o Jiova, ka sa sega tale nai vakabula oi Au ga.

¹²Oi au ka'u a tukuna, ka ia na veivakabulai ka vakatakila ni sa sega veikemudou na kalou tani; ia sai kemudou ga dou na tukuni Au, Ni'u sa Kalou," sa tukuna o Jiova.

¹³Sa dina sara mai na siga oqo, sai au ga; ka sega e dua mena vakabula rawa mai na ligaqu; au cakacaka tiko, o cei me tarova?"

¹⁴Sa tukuna vakaoqo o Jiova, na nomudou i vakabula, na Yalosavasava ni Isireli. "Ena vukumudou Au na talai ki Papiloni, ka vakauti ira kece mai na dro”kei ira na kai Kalatia ka ra dau mamarau tiko na nodra waqa, na nodra marau me tagi.

¹⁵Oi au o Jiova, na nomudou Le Dua Yalosavasava, o Koya ka buli ira na Isireli oi Au na nomudou Tui."

¹⁶Sa tukuna vakaoqo o Jiova, o koya ka cakava e dua na sala e loma ni wasawasa kei na dua na gaunisala totoka e na maliwa ni wai voravora,

¹⁷O koya ka kauta mai na qiqi ni valu kei na ose, na mataivalu kei na nona kaukauwa kece (era na davo vata kece, e ra, ka ra na sega ni tucake tale; era na vakawabokotaki, ka bokoci laivi me vaka na cina):

¹⁸"Dou kakua ni nanuma na veika sa oti, se vakasamataka vakabibi na ka makawa.

¹⁹Raica, au na cakava na ka vou, ena tubu ga oqo, dou na sega ni kila? Au na cakava e dua na sala ena vanua dravuisiga kei na uciwai ena vanua talasiga.

²⁰Ena rokovi au na manumanu kila ni vanua, na koli ni veikau kei na ositereji, baleta Ni'u solia na wai ena vanua dravuisiga kei na uciwai ena vanua talasiga, me ra gunu kina o ira Noqu tamata, Ka'u sa digitaka.

²¹O ira na tamata oqo Ka'u a bulia ka vakataucokotaki i ra me Noqu, me ra na tukuna tiko na Noqu lagilagi.

²²"Ia o a sega ni bau kacivi Au Jekope, o sa oca ni qaravi Au, Isireli.

²³O sega ni kauta mai vei au na sipi mei soro kama, se mo dokai Au ena caka madrali. Au a sega ni kerei kemudou, mo dou veiqaravi e na witi, se me'u vakaocai kemudou e na i madrali boivinaka.

²⁴O sega ni bau volia vei Au e dua na ka kamikamica e nai lavo, kosega ni vakamamautaki Au ena uro ni nomui soro; ia o sa qai maivakacolati Au ena nomui valavala ca, ka o vakaocataki Au ena nomu caka cala.

²⁵"Oi au, io, oi au ga, au sa bokoca na nomu talaidredre me sa vukuqu duaduaga, au na sega ni nanuma tale tiko na nomui valavala ca.

²⁶Mo dau vakananumi Au; me daru mai dabe vata mada; mo vakaraitaka mai nomu cala, me rawa ni o vakadonui kina.

²⁷Nai matai ni tamamu e valavala ca, o ira talega na nomu dauvakavuvuli era talaidredre vei Au.

²⁸O koya oqo Au na yaviti ira kina na ravouvou ni vale tabu, ka soli ira na Jekope kina cudruvi, kei Isireli me vakarogocataki.