[23] Aisea 51

¹"Dou rogoci Au, oi kemudou sa muria lako na yalododonu, dou vakasaqarai Jiova: dou raica na vatu dou a ta mai kina, kei na qara ni keli dou a keli cake mai kina.

²Dou raici Eparama na tamamudou, kei Sera ka vakasucumi kemudou. Au a kacivi koya duadua ga, Au a vakalouvinakataki koya ka vakatuburi koya."

³Ni na vakacegui Saioni o Jiova, ena vakavinavinakataka na nona vanua lala; na nona vanua dravuisiga ena vukica me tautauvata kei Iteni, kei na nona vanua talasiga ena tautauvata nai teitei i Jiova. Na reki kei na marau ena basika kina, na vakavinavinaka kei na domo ni sere.

⁴"Dou vakarorogo vei Au na Noqu tamata; ka rogoci Au mai na veimatanitu.Ni na lako yani mai vei au nai vunau, na noqu lewa Au na vakataudeitaka me nodra rarama na veimatanitu.

⁵Sa voleka Noqu lewa dodonu, sa lako yani na Noqu veivakabulai, na ligaqu ena lewai ira na tamata; na veiyanuyanu era na waraki Au, ena ligaqu era na vakararavi kina.

⁶Dou dolava mada na matamudou ki lomalagi, ka rai sobu ki vuravura. Ena seavu o lomalagi me vaka na kubou, o vuravura e na yaco me vaka nai sulu madra, o ira era tiko kina era na mate vakatautauvata ga; ia na Noqu veivakabulai ena sega ni mudu, kei na Noqu yalododonu ena sega ni takali.

⁷"Dou rogoci Au oi kemudou sa kila na yalododonu, na tamata sa tiko ena lomamudou na Noqu i vunau: Dou kakua ni rerevaka na nodra vosa ca na tamata, se yalolailai ena nodra veivakasesewani.

⁸Ena kani ira na sarasara me vaka sa kania nai sulu, kei na yavato ena kania me vaka na vuti ni sipi, ia na Noqu yalododonu ena sega ni mudu, kei na Noqu veivakabulai mai na dua nai taba tamata kina dua tale nai taba tamata."

⁹Yadra mada, yadra mada, vakaisulu ena kaukauwa, ena liga i Jiova! Dou yadra me vaka na veigauna e liu, ena veitabatamata sa oti yani. E sega beka ni o iko na liga ka musuki Reapi, ka vakamavoataka talega na gata levu?

¹⁰Sega beka ni o iko ka vakamamacataka na wasawasa, na wai ena wasa titobu; ka bulia na sala ena loma ni wasawasa me ra lakova o ira na vakabulai?

¹¹O ira sa vakabula o Jiova era na lesu mai, ki Saioni ena domo ni sere, ena reki e sega cavuti rawa ena nodra vakasama. Era na taukena na reki kei na marau na rarawa kei na tagi ena dro yawa yani.

¹²"Oi Au, io, Oi Au, Au a vakacegui kemudou, o cei o iko mo rerevaka e dua na tamata e rawa ni mate, kei na luve ni tamata ena vukici ga me vaka na co?

¹³O sa guilecavi Jiova na Dauveibuli, o Koya ka tevuka na lomalagi ka vakadavora talega na yavu kei vuravura; o sa rere tikoga e vei siga ena vuku ni nodra veivakarerei na dauvakarerevaki, e na nona sa vakarau me veivaluti. E vei na nona vakarerevaki na dauveivakarerei?

¹⁴Sa sasaga na tamata bobula, me sereki koya tani; me kua kina ni mate ena i qara, me kua talega ni yali na kena madrai.

¹⁵Ia Oi Au o Jiova na nomu Kalou, ka wasea na wasawasa kei na kena ua voravora”o Jiova ni lewe vuqa na yacana.

¹⁶Au sa vakacuruma ki gusumu na Noqu vosa; ka vakarurugi iko ena i yaloyalo ni ligaqu, de Me'u rawa ni teivaki lomalagi, ka vakadavora na yavu kei vuravura, ka tukuna vei Saioni, 'O iko na Noqu tamata.'"

¹⁷Dou yadra, dou yadra mai! Ka tucake mai Jerusalemi o iko o sa mateni ena liga i Jiova, ena bilo ni nona cudru katakata o gunuva sara ga na kena duka ena bilo ni veilecayaki, o sa vakamacara sara ga vakadua.

¹⁸Vei ira taucoko na luvena tagane e vakasucuma e sega ni bau du talega na luvena tagane e vakasucuma me taura na ligana me tubera.

¹⁹A ka ruarua oqo sa yacovi iko mai; o cei me na vosoti iko?”Na veivakalalai kei na veivakacacani, dausiga kei nai seleiwau”me'u na vakacegui rawa vakacava?

²⁰Na luvemu tagane era sa kolaiciba, era sa veidavoci ena vei mua ni sala, sa vaka na dia ni sa vesuki ena lawa; ni sa tarai ira vakaukauwa na cudru katakata i Jiova, kei na veivunauci ni nomu Kalou.

²¹O koya mo dou rogoca oqo, oi kemudou sa vakaleqai tu, ni dou mateni ka sega ena waini.

²²Sa tukuna vakaoqo o Jiova, o Jiova o Koya na nomu Kalou, sa taqomaki na veika baleti ira Nona tamata; 'Raica Au sa kauta tani mai ena ligamu na bilo ni veilecayaki, io, na kena soko ena bilo ni Noqu cudru katakata; o na sega ni na gunuva tale.

²³Ia, Au na biuta kina ligadra o ira era vakaleqai iko, era cavuta vei iko, 'mo davo sobu me vaka o iko na qele, ni ra lakova tiko na tamata' era nanuma tikoga ni gaunisala."