[43] Joni 9

¹Ni sa lako tiko mai o Jisu, sa raica e dua na mataboko mai na nona sucu.

²Era sa tarogi Jisu na Nona tisaipeli ka vaka: "Rapai, o cei sai valavala ca o koya oqo, se oi rau na i tubutubu, me sucu mataboko kina o koya oqo?"

³Sa sauma o Jisu, "Sa sega ni o Koya oqo se oi rau na i tubutubu sai valavala ca, eke me vakaraitaki ga kina vei koya oqo na cakacaka ni Kalou.

⁴"E dodonu Me'u cakava na cakacaka i Koya sa talai Au mai ni se siga tiko; sa lako tiko mai na bogi sa sega kina ni dua e rawa ni cakacaka.

⁵"Ni'u se tiko oqo e vuravura, sai Au ga na rarama kei vuravura"

⁶Ni sa cavuta oti na veika oqo, sa qai kasivita na qele ka walia vata na qele kei na Nona kasivi; ka lumuta na matai koya sa mataboko ena soso.

⁷Sa tukuna vua, "Lako ka tavoi ena tobu mai Sailoama"(kena i balebale sa talai). Sa lako ka tavoi ka lesu mai ni sa rai na matana.

⁸O ira na veiwekani kei ira sa kila ka raica ni a mataboko tu, era sa tukuna, "Sa sega beka ni o koya ga oqo sa dau dabe ka kerekere voli?"

⁹Eso era sa tukuna, "Io sa dina, o koya sara ga oqo, " e so tale era sa tukuna, "Io sa vakataki koya sara ga." Sa qai vosa mai o koya a sa mataboko e liu, "Io, sai au ga oqo."

¹⁰Era sa qai tarogi koya, "O sa qai rai vakacava?"

¹¹Sa sauma mai ka vaka: "E dua na tamata na yacana o Jisu, sa cakava na soso ka lumuta kina na mataqu ka tukuna, "Lako ki na tobu e Sailoama ka tavoya na matamu, Au sa rai tu kina oqo.

¹²Era sa tarogi koya, "Sa e vei o Koya?" sa tukuna mai na mataboko, "Au sa sega ni kila." Sa Vakatatabui Na Veivosaki Kei Na Tamata Sa

¹³Sa kau mai o koya sa mataboko tu e liu vei ira na Farisi

¹⁴Sa siga ni vakacecegu oqo, sa vakabula kina na mataboko o Jisu.

¹⁵Era sa taroga talega na mataboko se cava sa caka me rai kina na matana. Sa tukuna mai o koya, "Sa biuta na soso e mataqu, au sa laki tavoi sara, oqo au sa rai tu"

¹⁶Era sa tukuna e so na Farisi, ni Tamata oqo sa sega ni mai vua na Kalou, baleta ni sa sega ni maroroya na siga ni Vakacecegu. Era sa tukuna tale eso, "Kila rawa vakacava me dua na i valavala ca e cakava rawa na vei ka oqo?" Era sa dui toto ena veika oqo.

¹⁷Era sa tukuna tale vei koya na mataboko, "Na cava o sa tukuna me baleta na tamata oqo sa vakabulai iko?" Sa tukuna, sa parofita o Koya oqo.

¹⁸Era sa sega ga ni vakabauti koya na Jiu ni a mataboko tu ka sa qai rai, me yacova ni sa kacivi mai oi rau na i tubutubu nei koya ea mataboko tu e liu.

¹⁹Era sa tarogi rau ka vaka: "Oqo beka na luvemudrau, drau sa tukuna ni a sucu mataboko?

²⁰E rau sa sauma mai na i tubutubu, "Keirau sa kila ni luvei keirau oqo, ka a sucu mataboko mai;

²¹Na nona rai rawa, keirau sa sega ni kila, sa yalomatua o koya, ni tarogi koya ga, me vosa ga ena vukuna."

²²E rau sa tukuna na veika oqo na nona i tubutubu ni rau sa rerevaki ira na Jiu, o ira na Jiu era sa vakadonuya oti ni kevaka e dua sa vakatusa ni sa Karisito o Koya oqo, me qai biu tani mai na nodra vale ni veitavaki.

²³E rau sa tukuna kina na nona i tubutubu, me tarogi ga o koya."

²⁴Era sa kaciva tale na tamata sa qai rai rawa ka tukuna vua, "Solia vua na Kalou na vakarokoroko! Keimami sa kila ni sa tamata i valavala ca o koya oqo."

²⁵Sa sauma mai na tamata sa vakabulai ka vaka: "Se sai valavala ca o Koya se sega, au sa sega ni kila. E dua ga na ka Au sa kila, au a mataboko tu, oqo au sa rai rawa."

²⁶Era sa tarogi koya tale, "na cava sara mada e cakava vei iko? E dolava vakacava o Koya na matamu?"

²⁷Sa sauma vei ira ka vaka, "Au sa tukuna oti vei kemuni, o ni sa sega ga ni via rogoca."

²⁸Era sa cudruvi koya ka tukuna, "O sa Nona tisaipeli, keimami sa tisaipeli nei Mosese.

²⁹"Keimami sa kila ni sa vosa vei Mosese na Kalou; ia, na Tamata oqo keimami sa sega ni kila se sa lako mai vei."

³⁰Sa qai sauma vei ira ka vaka: "Na cava, sa dua na ka vinaka oqo, ni kemuni sa sega ni kila se sa mai vei o Koya, ia, sa vakavuna ga na rai ni mataqu!

³¹"Oqo eda sa kila, na noda Kalou sa sega ni rogoci ira na i valavala ca; kevaka e dua sa qarava na Kalou ka muria na Lomana, na Kalou ena rogoci koya.

³²"Ni se qai tauyavu o vuravura ka yacova oqo, e se sega ni rogoci ni dua e vakavuna na rai ni mataboko ea sucu vata mai.

³³"Kevaka sa sega ni mai vua na Kalou na tamata oqo, ena sega ni cakava rawa e dua na ka."

³⁴Era sa sauma vua ka vaka: "O iko a sucu mai ena i valavala ca, ka o sa via vakavulici keimami?" Era sa tawasei Koya tani yani.

³⁵Sa rogoca o Jisu ni ra sa wasei koya tani na Jiu; ia, ni rau sa qai mai sota, sa tarogi koya o Jisu, "O sa vakabauta na Luve ni Kalou?"

³⁶Sa sauma mai o koya, "Turaga o cei o Koya, me'u vakabauti Koya.

³⁷Sa tukuna vua o Jisu, "O sa raici Koya sara tu ga oqo, o Koya ga sa vosa tiko oqo vei iko."

³⁸Sa qai tukuna, "Au sa vakabauta turaga!" A sa lotu Vua.

³⁹Sa tukuna vua o Jisu, "Au sa lako mai ki vuravura me'u mai lewa, o ira sa sega ni rai, mera rai kei ira sa rai me ra mataboko.

⁴⁰Eso na Farisi era sa rogoca na vosa ka taroga, "Keimami sa mataboko talega Oi keimami?"

⁴¹Sa tukuna vei ira o Jisu, "Kevaka o ni sa mataboko, sa sega veikemuni na i valavala ca, ia, oqo ni o ni sa tukuna ni "Kemuni sa rai" sa tu ga kina vei kemuni na i valavala.