[32] Jona 2

¹Ni sa tiko ena loma ni kete ni ika, sa qai masu vei Jiova, na nona Kalou, o Jona.

²Ka vaka: "Au a tagi vei Jiova ena vuku ni noqu rarawa, a sa rogoci au o Koya. "Mai na loma i Etesi au a tagi, o ni qai rogoca na domoqu.

³Ni kemuni a biuti au kina boto ni sauloa, ki na loma donu ni wasawasa, sa vakavolivoliti au na ua; na nomuni biau lelevu ni wasawasa era ubitaki au.

⁴Au vosavosa i yaloqu, ka vaka, 'au sa vakatalai tani mai Matamuni; au na tovolea tale me'u na raica na Nomuni valetabu.'

⁵Sa vakavolivoliti au na wai, ka sa yacova na lomaqu; au sa tu ena boto ni sauloa; era sa vaka viviraka na uluqu na lumilumi.

⁶Au lako sobu sara ki ra kina veiulunivanua me'u tu kina; ka sa tasogo kece mai vei au o vuravura; Io, o ni qai vueti au cake mai ena vanua ni mate au a tu kina, oi kemuni Jiova, na noqu Kalou.

⁷"Sa yacova mai na gauna, me sa sega vei au na noqu kaukauwa, au sa qai nanumi Jiova; ka'u vagolea cake yani na noqu masu vei kemuni, kina nomuni vale tabu.

⁸"O ira era vakaliuca nai vakatakarakara, era vakanadakua tiko na loloma ki vei ira.

⁹Ia, au na cabora vei kemuni na domo ni noqu vakavinavinaka; au sa na cakava na ka au sa bubului oti kina, na veivakabulai sa nei Jiova."

¹⁰Sa qai vosa kina ika o Jiova, ka sa luaraki Jona kina vanua mamaca.