[6] Josua 12

¹O ira oqo na tui ni vanua era sa valuti ka vakadrukai mai vei ira na luvei Isireli, na nodra vanua era sa taukena ena tai ni Joritani donuya nai cadracadra ni matanisiga, mai na Uciwai o Anoniki na vei Ulunivanua mai Erimoni kei na buca kece ena tokalau ni Joritani:

²O Sioni na tui ni Amoraiti, o koya sa tiko mai Esiboni ka sa lewa tiko na veimama kei Kiliati, mai Aroea ena bati ni Uciwai na Anoni, mai na loma donu ni uciwai, me yaco sara ki na uciwai o Jaboki, na kedra i yalayala na Amoraiti,

³Ena tokalau ni Joritani ena buca mai na Wai o Kineroci, me yaco sara ki na Wai o Arapa (na waitui masima) na sala ki Beci-Jesimoci, ki na ceva ena ruku ni veiulunivanua mai Piseki.

⁴O Oki na tui Pasani kei na nona yalayala o koya sa dua mai vei ira na kawa ni tuwawa, era sa tiko e Esitaroci mai Etirei,

⁵Sa lewa mai na veiulunivanua mai Erimoni, mai Salika, mai Pasani, ki na nodra yalayala sara na Kesuraite kei na Maeki-kaite, kei na kedra veimama na Kiliaite, me yacova sara nai yalayala nei Sioni na tui Esiboni.

⁶Oqo sa taura o Mosese nai talai nei Jiova kei ira na luvei Isireli, o Mosese nai talai i Jiova sa solia na vanua oqo me ra taukena na Rupeni, Kata kei na veimama ni yavusai Manasa.

⁷O ira oqo na tui ni vanua sa ravuti ira o Josua ena tai oqo ni Joritani, mai na ra, mai Peali Kadi ena buca mai Lepanoni ki na Ulunivanua mai Alaki kei na veiqakilo mai Sia, sa solia o Josua ki na veiyavusa ni Isireli me ra taukena me vaka na nodra i wasewase,

⁸ena veiulunivanua kei na veibuca, na veibuca mai na Joritani kei na veiqakilo, na veivanua liwa mai na ceva “ na Itaiti, na Amoraiti, na Kenanaiti, na Perisaiti, na Ivaiti kei ira na Jepusaiti:

⁹Na tui Jeriko, e dua, na tui Ai sa volekati Peceli e dua;

¹⁰Na tui Jerusalemi, e dua, na tui Epironi, e dua;

¹¹Na tui Jamuci, e dua, na tui Lakisi e dua;

¹²Na tui Ekiloni, e dua, na tui Qasa, e dua;

¹³Na tui Tipiri, e dua, na tui Keteri, e dua;

¹⁴Na tui Oma, e dua, na tui Arati, e dua;

¹⁵Na tui Libina, e dua, na tui Adulama, e dua;

¹⁶Na tui Makida, e dua, na tui Peceli, e dua;

¹⁷Na tui Tapua, e dua, na tui Eteri, e dua;

¹⁸Na tui Eteki, e dua, na tui Leseroni, e dua;

¹⁹Na tui Madoni, e dua, na tui Asori, e dua;

²⁰Na tui Simironi, Meroni, e dua, na tui Akisafi, e dua;

²¹Na tui Tenaki, e dua, na tui Mekito, e dua;

²²Na tui Ketesi, e dua, na tui Jokiniami, e dua mai Kameli;

²³Na tui mai Dori ena veidelana mai Dori e dua, kei na tui mai Kilikali, e dua;

²⁴Na tui Tirisa, e dua, na kedra i wiliwili kece e tolusagavulu ka dua.