[6] Josua 5

¹Sa vakaoqo: O ira kece na tui ni Amoraiti ena ra ni wai na Joritani kei ira kece na tui ni Kenani sa tiko voleka ena wasawasa, era sa rogoca ni o Jiova sa vakamaca na wai ena Joritani ena matadra na luvei Isireli, me yacova ni ra sa takoso kece, sa waicala kina na yalodra; ka sa sega ni tu vata kina kei ira na yalodra ena vukudra na luvei Isireli.

²Ena gauna o ya sa tukuna kina vei Josua o Jiova, "Cakava eso nai sele vatu kaukauwa ka cilivi ira tale na luvei Isireli ena i karua ni gauna."

³Sa cakava o Josua nai sele ka cilivi ira na luvei Isireli ena sovuna ni kuli ni yagodra.

⁴Oqo na vuna sa cilivi ira kina o Josua: o ira kece sa lako mai Ijipita ka tagane, o ira kece na tamata i valu, era sa mate kece ena vanua liwa ena nodra lako tiko mai, ni ra sa lako tani tiko mai Ijipita.

⁵O ira kece sa lako tani mai Ijipita, era sa cilivi oti, o ira kecega sa sucu ena vanua liwa ena nodra lako tani mai Ijipita.

⁶Ni ra sa lako tiko mai na Isireli me vasagavulu na yabaki ena vanua liwa, me yacova ni ra sa vakayali kece na tamata i valu o ira sa lako mai Ijipita baleta ni ra sa sega ni via rogoca na domo i Jiova” o ira oqo sa yalayala kina na Kalou me solia vei ira na tamadra, "na vanua sa drodro ki na na sucu kei na oni."

⁷Sa cilivi ira na dui luvedra o Josua, o ira ga era sa vakatuburi mai vua, era a sega ni cilivi baleta nai lakolako ena sala.

⁸Ni ra sa cilivi oti na tamata kecega, era sa tiko ga ena nodra i tikotiko me yacova ni sa maca kece sara na we ni i sele.

⁹Sa qai vosa ko Jiova vei Josua ka vaka; ""Ena siga oqo, Au sa vakaqiqica tani kina na ca kece mai Ijipita mai vei iko. O koya oqo sa vakayacani kina na vanua koya o Kilikali me yacova na siga oqo.

¹⁰Era sa tiko ga na luvei Isireli e Kilikali ka maroroya na Lako Sivia e nai ka tinikarua ni siga ni vula ni sa dromu na matanisiga ena buca mai Jeriko.

¹¹Era sa kania na vua ni qele ena siga sa oti kina na lako sivia, na madrai sega ni vakaleveni, kei na sila ena siga vata ga o ya.

¹²Sa mai cegu na mana ena siga era sa kania kina na vua ni qele; o ira na luvei Isireli sa oti vei ira na nodra kania tiko na mana, ka ra sa kania ga na kakana e Kenani ena yabaki o ya.

¹³Sa yaco ni sa voleka mai ki Jeriko o Josua, ka sa rai cake, sa raica sa tucake tu e dua na Tamata e matana, ka sa taura tu nai sele e ligana. Sa lako Vua o Josua ka taroga, "O sa to vata kei keimami se kei ira na meca?"

¹⁴Sa tukuna mai o Koya, "Sa sega, Au sa Nona na Kalou," Au sa lako mai kina oqo. Sa cuva vakatobuicu kina qele o Josua ka tukuna, "Na cava o Ni sa via tukuna vua na Nomuni tamata?"

¹⁵Sa tukuna mai na Turaga ni mataivalu nei Jiova ka vaka: "Josua, Luvata na nomu i vava, ni sa qele tabu o sa tu kina oqo." Sa vakayacora vakakina o Josua.