[7] Turaganilewa 15

¹Ni sa qai yaco mai na gauna ni tatamusuki, sa veisiko yani o Samisoni, me sikovi watina, ena dua na me gone. Sa tukuna, "Me'u lako mada yani vei watiqu, ki na nona rumu sara." Sa sega ni vakatara o tamana me curu ki na rumu nei watina.

²Sa tukuna vua o tamai watina, "Au nanuma ga ni o sa besetaki koya; oqori na vuna au sa soli koya kina vua na nomu i tokani. E sega beka ni vinaka cake vei koya na tacina e gone vua?; au kerea mo tauri koya, ka gone oqo."

³Sa qai tukuna vei ira o Samisoni, "Oqo sara ga, au sa na sega ni cala kina ena vukudra na Filisitia, kevaka au sa na samuti ira!"

⁴Sa qai lako o Samisoni ka toboka e tolu na drau na fokise, vesuka yarua na buidra, ka vakama na buidra.

⁵Era sa qai veiciciyaki na fokise, ki na veivanua kecega ni sa kama tu na buidra. Era sa kama yani na veisila bula kei na sila sa musu oti; na vei vaini kei na olive talega.

⁶Era sa taroga na Filisitia na veika oqo, era sa tukuna kece, "O Samisoni ga na vugoi Timinite, baleta ni sa taura na watina ka solia vua na nona i tokani me watina." Era sa lako mai na Filisitia ka vakamai yalewa kei tamana o Timinite ena bukawaqa.

⁷Sa vosa vei ira o Samisoni, "Ni o ni sa cakava na veika oqo, au na sauma dina vei kemuni, ni sa oti, au na qai cegu."

⁸Sa qai vakamatei ira ena dua na veivakamatei levu; sa qai lako sobu ka la'ki vakaitikotiko ena veiqara vatu e Itama.

⁹Era sa lako cake na Filisitia ka ra laki toka vakawawa e Juta, ka ra sa tuvani ira me valuti Lei.

¹⁰Era sa vosa na Juta ka vaka: "Ena cava o ni sa lako mai kina me valuti keimami?" Era sa sauma mai; "Keimami sa lako tiko mai oqo, me mai vesu o Samisoni, me keimami cakava vua me vaka sa cakava vei keimami."

¹¹Era sa lako sobu mai e tolu na udolu na Juta ki Itama ena bari ni veivatu ka tukuna vei Samisoni, "O sa sega beka ni kila ni ra sa lewai keda o ira na Filisitia?" Na cava oqo o sa kitaka vei keda?" sa qai tukuna vei ira. "Me vaka ga na veika era sa kitaka vei au, au sa kitaka tiko oqo vei ira."

¹²Era sa tukuna vua, "Keimami sa lako tiko mai oqo me vesuki iko ka soli iko ki na ligadra na Filisitia." Sa qai tukuna vei ira o koya, "Mo ni yalataka oqo, ni o ni na sega ni vakamatei au."

¹³Era sa sauma lesu vua ka vaka: "E sega sara, keimami na vesuki iko ga ka soli iko yani kina ligadra, keimai na sega ni vakamatei iko." Era sa vesuki koya ena rua na dali vovou, ka kauti koya mai ki na bari ni vatu.

¹⁴Ni sa yaco mai ki Lei, e ra sa kaikaila mai vei koya na Filisitia. Sa qai lako mai vua na Yaloi Jiova, ka lako mai vakaukauwa sara. Ka sa malumu sobu mai nai vesu e ligana me vaka sa kama waicala yani na drega, ka sa tasere sara nai vesu e ligana.

¹⁵Sa kunea sa ra e dua na sui galegale ni asa, sa taura sara e dua e ligana ka vakamatea kina e dua na udolu na tamata.

¹⁶Sa tukuna o Samisoni: "Ena sui ni galegale ni asa, era sa veibinibini tu, ena sui ni galegale ni asa, au sa vakamatea kina e dua na udolu na tamata!"

¹⁷Ni sa oti na nona vosa, sa viritaka laivi na sui ni galegale ni asa mai ligana ka vakatoka na yaca ni vanua o ya o Ramaci-Lei.

¹⁸Sa qai karamaca vakalevu: ka kaci yani vei Jiova ka vaka: "O ni sa cakava na veisereki levu ena ligana na Nomuni tamata, ia oqo me'u na mate beka ena via gunu, kei na ligadra talega na sega cili oqo?"

¹⁹Sa vida rua na vatu mai Lei na Kalou ka sa lako mai kina na wai, ka sa gunu kina o Samisoni, ka sa bula tale mai na yalona. Sa vakayacani na vanua o ya me Eniakori mai Lei me yacova na siga oqo.

²⁰Sa vakatulewa e Isireli o Samisoni me ruasagavulu na yabaki, ena nodra gauna na Filisitia.