[7] Turaganilewa 17

¹Sa dua na tamata mai na veiulunivanua nei Ifereimi na yacana o Maika.

²Sa tukuna vei tinana, "na tini kadua na drau na sikele siliva sa tauri mai vei iko, o a vosa ca kina, ka tukuna tale e daligaqu”sa tiko ga oqo na siliva vei au; Au sa taura." Sa tukuna mai o tinana, "mo vakalouvinakataki mai vei Jiova na luvequ!"

³Ni sa vakasuka na tinikadua na drau na sikele siliva ki vei tinana, sa qai tukuna mai o tinana, "Au sa solia taucoko na siliva kina liga ni Kalou me nei luvequ, me ceuta ka bulia nai vakatakarakara; ia oqo, au sa vakalesuya yani vei iko."

⁴Sa vakasuka na tiki ni siliva vei tinana. Sa taura e rua na drau na sikele siliva ka solia vua na dautulituli, sa qai cakava kina nai vakatakarakara; ka sa biu tiko ena vale nei Maika.

⁵O Maika sa dua tiko na nona i cabocabo ni soro, sa cakava e dua na efoti kei na dua nai vakatakarakara ni vuvale. Sa vakatabuya e dua na luvena me sa mate.

⁶Sa sega na tui e Isireli ena gauna o ya; e ra sa dui cakava ga na tamata na veika sa vinaka vei ira.

⁷Sa dua na cauavou mai Peceliema e Juta, ena vuvale nei Juta; e Livai o koya, ka sa veilakoyaki voli mai Juta.

⁸Sa lako tani o koya mai Peceliema e Juta, ka sa lako voli me kunea na vanua me tiko kina. Sa yaco sara kina veiulunivanua e Ifereimi kina vale nei Maika, ena nona lako mai.

⁹Sa tarogi koya o Maika, "O sa lako sara tiko mai vei?" Sa sauma lesu ka vaka, "Oi au e dua na Livai mai Peceliema e Juta. Au sa lako tiko mai me'u kunea e dua na vanua me'u tiko kina."

¹⁰Sa tukuna vua o Maika, "mo tiko e ke vata kei au mo tama ka bete talega vei au, au na solia vei iko e tini na sikele siliva me dua na yabaki, nai sulu e vakarautaki, kei na kakana vakarautaki." Sa vakadonuya na Livai ka sa laki tiko ki na.

¹¹Sa marau na Livai ni tiko vata kei na tamata; na cauravou oqo sa yaco me vaka sara ga e dua na lewe ni vale vei Maika.

¹²O Maika sa vakatabuya na Livai, ka sa yaco na cauravou oqo me nona bete, ka tiko ga ena vale nei Maika.

¹³Sa vosa ka Maika ka vaka, "oqo au sa kila ni na vinaka vei au o Jiova, ni sa tiko vei au e dua na Livai me bete!"