[7] Turaganilewa 5

¹O Tepora kei Peraki na luvei Abinoami e rau sa lagasere ena siga koya ka vaka:

²"O ira na veiliutaki ni ra sa liutaki Isireli, ni ra sa soli ira mai ena yalo e galala, me vakacaucautaki o Jiova!

³"Vakarorogo, o iko na tui! Solia mai na daligamu o iko na ravouvou! oi au, io, au na vakavinavinaka kivei Jiova na Kalou ni Isireli.

⁴"I Jiova, ni o Ni sa lako tani mai Sia, Ni o ni sa cavu tu mai na buca o Itomi, sa yavavala o vuravura ka tasova mai o lomalagi, era sa sova mai na wai na vei o;

⁵Na veiulunivanua sa tacoka mai kina na wai ena mata i Jiova. Na Sainiai oqo ena mata I Jiova na Kalou ni Isireli.

⁶"Ena veisiga nei Samikari na luvei Anaci, ena veisiga nei Jaeci, era sa lala na veisalatu, o ira sa veitosoyaki era sa vakayagataka na sala takoso.

⁷Sa sega na bula mai nakoro, sa sega e Isireli, me yacova ni'u sa basika mai, oi, au o Tepora, sa tucake e dua na tina e Isireli.

⁸Era sa digitaki na veikalou vovou e Isireli; sa qai basika nai valu ena matamata; sa sega nai sasabai se na moto me laukune vei ira na vasagavulu na udolu e Isireli.

⁹Na yaloqu sa tiko vata kei ira na veiliutaki e Isireli, vei ira sa soli ira ena galal!

¹⁰"Mo ni vosa, Oi kemuni sa vodoka tiko na asa vulavula vaka daulewa, ka sa lako voli ena sala.

¹¹Sa yawa sara ni na kedra rorogo na dauvavana,na vanua ni veivakasuasuataki, Mai kea era na vakananuma na cakacaka dodonu i Jiova, na cakacaka dodonu vei ira na nona veikoro e Isireli; era na qai lako sobu na tamata i Jiova kina matamata ni koro.

¹²"Mo yadra, mo yadra mai Tepora! Mo yadra, mo yadra, lagata na sere! Mo yadra, Peraki, ka kauti ira tani na bobula, o iko na luvei Apinoami!

¹³"Era sa qai lako sobu mai na dro bula, o ira na tamata, era dauveisaqa vei ira na vakaturaga; o Jiova sa lako mai ena vukuqu ka sega ena vukudra na kaukauwa.

¹⁴E Ifereimi sa tiko kina o ira eso era sa vu mai vei ira na Ameleki. O iko talega Penijamini kei ira na nomu tamata, mai Makiri, era sa lako mai kina na veliutaki, mai vei Sevuloni era sa tiko kina na dautaura nai titoko ni veivakacurumi mai.

¹⁵O ira na turaga lalai e Isikari era sa tiko vata kei Tepora, me vakataki Isakari sa vaka kina o Peraki ni sa talai kina buca ena nona veiliutaki; ena kedra maliwa nai wasewase kei Rupeni. Sa veiqaliqali na yalodra.

¹⁶Na cava o sa laki dabe tiko kina ena kedra maliwa na qele ni sipi, mo laki rogoca tiko kina na nodra tagi na sipi? Nai wasewase i Rupeni, sa solia e dua na vakatataro levu ki na yalo.

¹⁷O Kiliati sa tiko mai na tai ka dua ni Joritani, na cava na vuna sa tiko ga kina e waqa o Tani? O Esa sa tiko ga ena veibaravi, ka sa tiko ga ena kena i curucuru.

¹⁸O Sevuloni na tamata era sa dau solia vakarawarawa na nodra bula, ka so, sa voleka sara na mate, o Navitalai talega sa tiko ena vanua cecere ni valu.

¹⁹"Era sa lako mai na tui ka vala, sa vala tale tikoga o tui Kenani, mai Tenaka ena wai mai Mekito; era sa sega ni taura na siliva mei toki ni valu.

²⁰Era sa vala mai lomalagi, na kalokalo mai na sala sa vala vata kei Sisera.

²¹Na kui mai Kisoni sa kuitaki rau!

²²Sa rorogo mai na domo ni yava ni ose, Sa cici mai, sa cici mai na nona ose.

²³'Mo vakalolomataki Merosi,' sa tukuna na agilosi i Jiova, 'Me ra vakalolomataki vakaca sara baleta ni ra sa sega ni lako mai kina veivuke i Jiova, me ra valuti na kaukauwa.'

²⁴"Sa kalouvinaka duadua vei ira kece na yalewa o Joeli na wati Epa na tui Kenani, sa kalouvinaka o koya ena kedra maliwa na yalewa sa tiko e vale.

²⁵Sa kerea na wai, ia, sa solia na sucu; sa kauta mai na kirimu ena bilo vakaturaga.

²⁶Sa dodo yani na ligana ki nai vako ni valelaca, na ligana i matau kina i tuki nodra na daucakacaka; sa tuki Sisera, sa coba nai vako ki uluna, sa wasea ka samuta na buradelana.

²⁷Sa davo galugalu toka ena ruku ni yavana; ena ruku ni yavana sa lutu ka davo kina; na vanua ga sa lutu kina, sa davo matemate toka kina.

²⁸"O tinai Sisera sa rai tiko mai ena katuba leka, ka sa tagi lagalaga, 'E na cava sa rui berabera tiko mai kina na kareti? Na cava sa rui berabera tiko mai na rorogo ni kareti?'

²⁹Sa sauma vua o ira na marama vuku, io, sa sauma sara tiko ga o koya na nona taro,

³⁰'Era sa sega beka ni kunea ka wasea tiko nai toki ni valu: ki na tagane yadua sa dua se rua na nona goneyalewa, vei Sisera, nai sulu butakoci, e rua na tiki ni sulu sa biu ki na domo i koya sa butakoca?'

³¹"Me ra sa rusa kece na meca, I Jiova! Ia o ira kece sa lomani Koya me ra vaka na matanisiga ni sa lako mai ena nodra kaukauwa kece." Sa cegu na vanua me vasagavulu na yabaki.