[7] Turaganilewa 8

¹O ira na Ifereimi era sa tukuna vei Kitione ka vaka; "Na cava o sa cakava kina na ka oqo ka sega ni kacivi keimami ni kemuni sa lako cake me valuti ira na Mitiani?" Era sa vunauci koya sara vaka kaukauwa.

²Sa qai vosa vei ira o koya, "Na cava au sa cakava me'u vakatautauvatataki kemuni? Sa sega beka ni vinaka cake na nomuni tomitomi vaini wale na Ifereimi, mai na nodra tatamusuki na Epieseri?

³"Na Kalou sa solia ki na ligamuni, oi rau na turaga lalai ni Mitiani, o Orepi, kei Siepi. Na cava au sa cakava me vakatautauvatataki mai na kena o ya?" Sa qai oti na nodra cudru ni ra sa rogoca na vosa o ya.

⁴Ni sa lako mai ki na Joritani o Kitione, o koya kei ira na tolu na drau sa tiko vata kei koya era sa takoso sara, era sa oca vakalevu, ia, era se toso ga.

⁵Sa qai tukuna vei ira na tamata mai Sakoca, "Au kerekere mo ni solia na madrai vei ira sa muri au tiko oqo, ni ra sa oca ka wawale vakalevu ena neimami cici muria tiko oqo na tui e rua ni Mitiani, o Seba kei Salamuna."

⁶Era sa vosa na veiliutaki mai Sakoca, "Sa tiko beka e ligamuni na ligai Seba kei Salamuna me keimami solia kina na madrai vei ira na nomu sotia?"

⁷Sa vosa o Kitione ka vaka: "Ni sa soli Seba kei Salamuna o Jiova ki na ligaqu, au na qai mai basuraka na lewemuni ena kau vakavotona kecega ni vanua liwa!"

⁸Sa lako cake mai kea o koya ki Penueli, ka tukuna vei ira na veika vata ga o ya. O ira mai Penueli era sauma lesu vua me vaka ga era sa tukuna mai Sakoca.

⁹Sa tukuna lesu vei iratou mai Penueli, "Ni'u sa lesu mai ena vakacegu, au na mai basuka sobu na vale cecere oqo!"

¹⁰O Seba kei Salamuna e rau sa tiko mai Kakori kei ira vata na nona mataivalu, era lewe tinikalima na udolu taucoko na kedra i wiliwili o ira sa vo mai vei ira kece na mataivalu mai na Tokalau; era lewe dua na drau ruasagavulu na udolu taucoko era sa vakamatei oti.

¹¹Sa lako cake o Kitione ki vei ira sa tiko ena valelaca ena tokalau kei Nopa kei Jokeba ka valuta na mataivalu, ena vakasama, ni ra sa bula vinaka tiko.

¹²E rau sa dro o Seba kei Salamuna, ka sa cici muri rau o Kitione; sa tauci rau na tui ka vakadruka vaka ca sara na nodra mataivalu.

¹³Sa lesu mai o Kitione na luvei Joasi ena i valu mai na Delana o Eresi.

¹⁴Sa toboka e dua na cauravou mai vei ira na Sakoca ka sa mani vakatarogi; sa qai vola o koya na veiliutaki mai Sakoca kei ira na qase, e vitusagavulu ka vitu na turaga.

¹⁵Sa qai lako mai o Kitione ki vei ira e Sakoca ka tukuna; "Oqo o Seba kei Salamuna, 'Oi rau oqo o ni a vosa beci au kina ka tukuna, rau sa tiko beka e ligamuni o Seba kei Salamuna me keimami soli madrai kina nomu tamata e ra sa wawale ka oca tu oqo?'"

¹⁶Sa qai tauri ira na qase ni koro kei na kau kecega sa vakavotona. Era sa moku ena kau vakavotona me ra vakavulici kina na kai Sakoca.

¹⁷Sa basuka sobu na koro cecere kei Penueli ka vakamatei ira na tamata mai nakoro.

¹⁸Sa qai vosa vei Seba kei Salamuna ka vaka, "Era sa tamata vakacava o ira o ni a vakamatei ira mai Tepori?" E rau sa sauma mai, "Me vakataki kemuni ga, sa vakakina o ira. O ira vakayadua era sa vaka ga na luve ni tui."

¹⁹Sa vosa kina o Koya, "Era sa taciqu, era sa luvei tinaqu, me vaka sa bula na Kalou, kevaka o ni a vakabulai ira, au na sega ni via vakamatei kemuni."

²⁰Sa qai tukuna vua na nona ulumatua o Jeca, "Vakamatei rau!" sa sega ni via dreta na nona I seleiwau na cauravou; ni sa rere ni se gone ga o koya.

²¹Rau sa vosa mai o Seba kei Salamuna, "Tucake ga mai o iko ka vakamatei keirau; me vaka ni o sa tagane sa vakakina na nomu kaukauwa." Sa tucake o Kitione ka vakamatei Seba kei Salamuna ka taura nai ukuuku sa vesu toka ena domo ni nodrau kameli.

²²Era sa lako mai na Isireli ka tukuna vei Kitione. "Mo liutaki keimami o iko, kei na luvemu, kei na luvena na luvemu; ni o sa sereki keimami mai na ligadra na kai Mitiani."

²³Sa tukuna vei ira o Kitione, "Au na sega ni lewai kemuni se na luvequ me lewai kemuni; o Jiova ga me na lewai kemuni."

²⁴Sa vosa o Kitione vei ira ka vaka, "Mo ni rogoci au mada, na ka au kerea vei kemuni oqo. Kevaka e rawa ni o ni solia yadua vei au na i taube mai na nomuni toki ni valu." Ni sa tiko vei ira nai taube koula baleta ni ra a kawa i Isimeli.

²⁵Era sa tukuna kecega, "Sa ka ni marau vei keimami me keimami solia," era sa tevuka nai sulu ka biuta kina na nodra ka ni ukuuku era sa dui kauta vakaukauwa mai.

²⁶Na bibi ni koula era sa solia e dua na udolu vitu na drau na sikele na koula, nai kuri ni veikavakaiukuuku, nai taube, nai sulu lokaloka e rau sa vakasulu kina na tui Mitiani kei nai ukuuku e a vesuki tu ena domo ni kameli.

²⁷A sa cakava kina e dua na Efoti o Kitione ka vakatikora ena nona koro mai Ofara. Era sa vakaqitora mai kea o ira na Isireli. Sa vaka nai cori vei Kitione kei ira na nona mataqali.

²⁸Sa vakamalumalumutaki o Mitiani e matadra na luvei Isireli ka sa oti kina vakadua na nodra dokadoka kei na viavialevu. Sa vakacegui na vanua me vasagavulu na yabaki ena gauna i Kitione.

²⁹O Jerupeali na luvei Joasi, sa lako ka tiko mai nona vale.

³⁰Sa vitusagavulu vakadodonu na luvei Kitione, ni sa rui levu na watina.

³¹O na watina lalai sa tiko mai Sikemi sa vakasucuma vua e dua na gonetagane, na yacana o Apimeleki.

³²O Kitione na luvei Joasi sa mate ni sa qase sara ka sa buluti ena i bulubulu nei Joasi na tamana mai Ofera e Epieseri.

³³Sa qai yaco, ni sa mate o Kitione, era veiqitori tale na luvei Isireli ka bula vata kei Peali, ka vakaturi Peali-Biresi me nodra kalou.

³⁴Era sa sega ni nanumi Jiova na nodra Kalou o ira na luvei Isireli, na Kalou a vakabulai ira mai na ligadra na meca ena veiyasana kecega;

³⁵era sa sega ni vakaraitaka na vinaka ki na vale nei Kitione (Jerupeali) me vaka na vinaka sa cakava o koya vei ira na Isireli.