[39] Malakai 1

¹Na veivakananumi bibi nei Jiova vei ira na Isireli mai vei Malakai.

²"Au sa lomani iko" sa tukuna o Jiova, "Ia, o sa tukuna, ' O ni sa lomani keimami vakacava?' Sa sega beka ni taci Iso o Jekope? "Io, Au sa lomani Jekope ga;

³O Iso Au sa cata, au sa vaka lala na nona veiulunivanua kei na nona i votavota, me nodra na koli kila ni vanua liwa."

⁴E dina ga sa tukuna o Itomi, "Keimami sa vakadravudravuataki, keimami na lesu ga," sa tukuna o Jiova ni lewevuqa: "Era na tara cake ia, Au na basuka sobu; Era na cavuti me yasana sa dau caka kina na caka ca, kei ira na kena tamata sa cudruvi ira o Jiova me sega ni mudu.

⁵Na matamuni ena raica, o ni na tukuna kina, 'Sa laurai talega na Kalou ena taudaku kei Isireli.'

⁶"Na gone sa vakarokorokotaka na tamana kei na dauveiqaravi vua na nona turaga, kevaka au sa Tamamudou, E vei na noqu vakarokoroko? Kevaka au sa nomudou Turaga, E vei na noqu dokai? Sa tukuna na Turaga o Jiova. Oi kemudou na bete, dou sa beca na yacaqu. Dou sa tukuna, 'Keimami beca vaka e vei na yacamuni?'

⁷"Ni dou sa vakacabora na kakana duka ena noqu i cabocabo ni soro, Dou sa tukuna, 'Keimami sa vosa vakacacataki kemuni vakaevei?' Ni dou sa tukuna, 'Na teveli i Jiova sa ka mate sara.'

⁸Ni dou sa vakacabora nai soro, era sa mataboko, sa sega beka ni ca o ya? Ni dou sa vakacabora na ka wamalai kei na ka tauvimate, sa sega beka ni ca o ya? Dou vakacabora mada oqori vua na nomudou Kovana, ena marautaki kemudou beka o koya? Ena ciqomi kemudou beka vakayalovinaka?" sa tukuna na Turaga o Jiova.

⁹"O koya oqo, au sa dau masuta na yalovinaka i Jiova me rawa ni vinaka tikoga mai vei keda. Ni sa cakava na ka oqo na ligamudou, dou na ciqomi tiko beka mai vua na Kalou?" Sa tukuna o Jiova ni lewevuqa.

¹⁰"O cei sa tiko vei kemudou oqori, e rawa ni sogota na katuba, me kua kina ni waqa na buka ena i cabocabo ni soro. Au sa sega ni taleitaki kemudou," sa tukuna o Jiova ni lewevuqa, "Se me'u ciqoma e dua na ka mai na ligamudou.

¹¹Mai na cabe ni matanisiga ki na kena i dromudromu. Na yacaqu sa cecere vei ira na matanitu tani; Ena veivanua kecega, ena vakacabori ki na yacaqu na ka boi vinaka, kei na yacaqu ena cecere ki na veiyasana kecega," sa tukuna na Kalou ni lewevuqa.

¹²"Dou sa vakacacana, dou sa tukuna kina, 'Sa vakadukadukali na teveli i Jiova, na vuana kei na kena kakana sa sega na betena.'

¹³Dou sa tukuna talega, 'Sa ka ni vei vakaocai oqo!' dou sa beca kina," sa tukuna o Jiova ni lewe vuqa. "Dou sa kauta mai na ka sa vakamavoataki vakaca, na ka lokiloki, na ka tauvimate, dou sa kauta mai mei madrali; me'u vakadonuya li na ka vaka oqo?" Sa tukuna o Jiova.

¹⁴"Ia me cudruvi o koya sa dau veivakaisini, ni sa yalataka me vakacabora na ka vinaka qai vakacabora na ka ca O ka ni'u sa Kalou levu," sa tukuna na Kalou ni lewe vuqa, "Ka me na rerevaki na yacaqu ki na veimatanitu.