[41] Marika 14

¹Ni se vo tiko e rua na siga me vakayacori na kana vata ni lako sivia kei na kana madrai sa sega ni vaka tubu. O ira na bete levu kei ira na daunivolatabu era se vakasaqara tikoga e dua na gaunisala, me coriti vakailawaki kina ka me na vakamatei sara kina o Koya.

²Ia era sa tukuna, "Me kakua ni caka ena gauna ni kana vata, de ra qai rogoca kece na tamata."

³A sa tiko mai Pecani o koya ena vale i Saimoni na vukavuka ka dabe tiko ena yasa ni teveli, sa lako mai vua e dua na yalewa ka taura tiko mai e dua na tavaya Alapasita, ai lumu sau levu ka ni Narita dina. A sa voroka na tavaya i lumu talei oqo ka livia kina ulu i Jisu.

⁴Ka e so vei iratou sa cudru, ka tukuna, a cava me vakamaumautaki kina nai lumu sau levu oqo?

⁵E vinaka cake me a volitaki me rawa mai kina e sivia na tolunadrau na silini, ka me soli vei ira na dravudravua. "Ka ratou sa vosa vakasewasewana na yalewa oqo.

⁶Ia sa tukuna o Jisu, "Dou laivi koya. A cava dou vosataki koya kina? Ka ni dua na cakacaka e uasivi sa cakava oqo vei Au.

⁷O ira na dravudravua dou sa tu vata ga e veisiga, na ka dou via solia vei ira e rawa ni dou cakava ena gauna cava ga; ia o Au edatou na sega ni bula vata tikoga vaka oqo.

⁸"Sa cakava o koya e dua na ka e a nakita ka sa rawata rawa. Ka sa lako mai kina me mai lumuta rawa na yagoqu ni bera ni'u bulu.

⁹"Au tukuna vakaidina vei kemudou, ena veiyasai vuravura taucoko ni vunautaki kina nai tukutuku vinaka oqo, ena tukuni talega kina na ka sa cakava na A sa lako o Jiutasa e dua vei ira na lewe tinikarua yalewa oqo me kena i divi."

¹⁰Kivei ira na bete levu me la'ki volitaki Jisu vei ira.

¹¹A ra sa marau ni ra sa rogoca, ka ra sa yalataka ni ra na solia vua nai lavo. Sa qai vakasaqara o koya e dua na gauna vinaka me na soli Koya kina.

¹²Ena i matai ni siga edau laukana kina na madrai sa sega ni vakatubu, ka dau vakamatei kina na lami ni lako sivia, sa tukuna vua oiratou na nona tisaipeli, "Na vanua cava beka Koni vinakata me keitou la'ki vakarautaka kina, na kana ni lako sivia vata kei Kemuni?"

¹³A sa tala e lewe rua vei ira na Nona tisaipeli, ka tukuna vei rau, "drau lako kina koro, drau na sota tukuna e dua na tamata sa colata e dua na saqa wai; drau muri koya."

¹⁴"Na vale ena la'ki curu kina drau tukuna vua nai taukei ni vale, ka vaka, sa taroga mai na qasenivuli, "E vei beka na bure me'u na kana vata kina ni lako sivia kei iratou na Noqu tisaipeli?"

¹⁵Ena qai vakaraitaka vei kemudrau e dua na rumu levu ka tiko ena taba vale e cake, ka sa vakaiyayataki vinaka tu; drau vakarautaka e kea na ka me baleti kedatou.

¹⁶E rau sa lako yani na Nona tisaipeli kina koro, ka rau sa sotava na veika taucoko sa tukuna oti mai o koya vei rau; a rau sa vakarautaka na kakana ni lako sivia.

¹⁷Ni sa yakavi sa lako mai o koya kei iratou na lewe tinikarua.

¹⁸Ni ra sa dabe ka kana sa tukuna o Jisu, "Au tukuna vakaidina vei kemudou, e dua ga vei kemudou na kana vata tiko oqo kei Au ena volitaki Au tale."

¹⁹E ratou sa loma rarawa, ka dui tukuna yadudua vua, "Oi au beka oqori?" E dua tale sa tukuna, "Oi au beka oqori?"

²⁰A sa tukuna vei iratou o koya, "E dua ga na lewe tinikarua, sa tokoca vata kei Au na kakana ena tere.

²¹"Na luve ni tamata ena lako yani me vaka sa volai oti tu me baleti koya, ia na tamata oqo ena ca sara ka ena nona volitaka na Luve ni Tamata! E vinaka cake vua na tamata oqo me se kua ga ni sucu mai."

²²Ni ratou sa kana tiko, sa taura o Jisu na madrai ka vosa vakalouvinakataka a sa qai dovia ka solia vei iratou, ka tukuna, "dou taura, kania; oqo na yagoqu."

²³Sa qai taura na bilo, ni sa vakavinavinakataka oti sa solia vei iratou, ka era sa gunu kece kina.

²⁴A sa tukuna vei ira, "Oqo na Noqu dra ni veiyalayalati vou sa vakadavei ena vukudra kecega na lewe vuqa.

²⁵"Au tukuna vakaidina vei kemudou, Au na sega ni na gunuva tale na waini vou ena matanitu ni Kalou."

²⁶Ni ra sa lagata oti e dua na sere, a ra sa qai curu yani ki tautuba ka lako kina ulunivanua ni veiolive.

²⁷Sa tukuna o Jisu vei iratou, oi kemudou taucoko ena bogi ni kua dou na tarabe kece ena Vukuqu, ni sa volai: 'Au na yaviti koya nai vakatawa, ka era na talabusese kina na sipi.'

²⁸"Ia Ni'u sa tucake tale mai, Au sa na liu veikemudou ki Kaleli."

²⁹A sa tukuna vua o Pita, "Kevaka me ratou na tarabe kece, oi Au ga ena sega ni rawa."

³⁰Sa tukuna vua o Jisu, "Au tukuna vakaidina vei iko, e daidai ga, ena bogi sara ga ni kua, ni se bera ni tagi vakarua na toa, o na cakitaki Au vakatolu."

³¹Ia sa vosa ka quruvibati o Pita, "kevaka au mani mate sara vata kei Kemuni, au na sega ni cakitaki Kemuni!" E ratou sa vosa talega vaka kina na kena vo.

³²E ratou sa lako kina dua na tikina sa vakatokai o Kecisemani, a sa tukuna o koya vei iratou na Nona tisaipeli, "dou dabe tiko eke, ka me'u la'ki masu."

³³A sa kauti Pita, Jemesa kei Joni o koya, ka tekivu lomabibi kei na rarawa.

³⁴A sa tukuna vei ratou, "Sa luvuci na Yaloqu ena rarawa, me vaka, ka'u na mate dou tikoga eke ka yadra tiko."

³⁵A sa toro tale yani o koya vakalailai ki liu, ka cuva sobu kina qele, ka masu ke rawa me sa lako siviti Koya na auwa bibi sa tu e matana.

³⁶A sa tukuna, "APA, Tamaqu, sa rawa na ka kecega vei Kemuni. Me kautani vei Au na bilo oqo; me kakua ni vaka na noqu lewa, ia me nomuni lewa ga."

³⁷Sa lako mai vei ratou ka raica ni ratou sa moce, a sa tukuna vei Pita, Saimone, o iko se moce ga? Sa sega ni rawa li vei iko mo yadra tiko ena dua na auwa?

³⁸Dou yadra ka masu tiko, de rawai kemudou na veitemaki. Ka e dina ga ni sa gu na yalo, ia sa malumalumu na yago.

³⁹A sa lako tale yani o koya me la'ki masu, ka cavuta tiko na vosa vata o ya.

⁴⁰Ni sa lesu vei ratou sa raica ni ratou sa moce tale, ka ni sa bibi na matadratou; ka e ratou sa sega kina ni kila na vosa me ratou tukuna lesu vua.

⁴¹Ena i katolu ni gauna ena nona lesu mai sa tukuna vei ratou, dou se moce ga ka vakacegu vinaka? Sa kua so! Sa yaco mai oqo na auwa; ka raica, sa na soli yani kina na Luve ni Tamata kina ligadra na tamata i valavala ca.

⁴²"Dou tu cake, medatou lako yani. Dou raica sa voleka sara ga mai oqo na tamata sa vakaisini Au."

⁴³Ni se vosa tikoga o koya, ka vakasauri o Jiutasa e dua vei ira na lewe tinikarua, sa lako vata tukuna mai e lewe vuqa era sa vakaiseleiwau ka vakaiwau, ka ra talai mai vei ira na bete levu kei ira na daunivolatabu kei ira na qase.

⁴⁴Na tamata ka volitaki Koya sa tukuna oti tiko mai vei ira e dua nai vakatakilakila, ka vaka, "Vei koya ga ka'u na reguca, oqori sara ga o koya dou taura ka kauta yani vakavinaka."

⁴⁵A sa lako yani ka vakasauri Nona sa gole Vua, ka tukuna, "Rapai, Rapai!" sa qai reguca.

⁴⁶A ra sa taura sara na ligana ka kauti Koya yani.

⁴⁷Ka e dua vei ira na tu e kea sa ucuna mai na nona i seleiwau, ka taya kina e dua na tamata nei koya na bete levu, ka taya laivi e dua na daligana.

⁴⁸A sa vosa o Jisu ka tukuna vei ira, "Na nomudou lako mai mo dou vesuki Au, sa vaka na nomudou lakova e dua na daubutako ena nomudou vakaiseleiwau ka vakaiwau?

⁴⁹"Edatou dau tiko vata ga e veisiga ena vale ni soro, ka'u vakatavuvuli tiko ka sega mada ga ni dou vesuki Au. Ia na vosa ni Vola Tabu me vakataucokotaki."

⁵⁰A ra sa biuti Koya kece ka veidrovaki yani.

⁵¹E dua ga na cauravou sa qai muri Koya tiko ka sega ni vakaisulu, a sa tutuvitaki koya tikoga ena dua nai sulu lineni, a sa dreti Jisu vakaukauwa na cauravou ni ra sa tauri koya na sotia,

⁵²A sa biuta tani kina o koya nai sulu lineni ka dro luvaiwale yani.

⁵³A ra sa kauti Jisu ki vua na bête levu sara; ka era sa soqoni vata tu mai kina o ira na bete levu, na qase kei ira na daunivolatabu.

⁵⁴Ia sa muri Koya sara tiko mai vakayawa o Pita me yaco sara mai kina loma ni bai nei koya na bete levu. Ka mai dabe ena yasadra na dauveiqaravi ka tatalai sara ena buka.

⁵⁵O ira na bete levu kei na matabose ni veilewai oqo, era sa vakasaqara mai e so nai tukutuku kei Jisu me rawa ni vakamatei kina, ia ka sa sega ni dua nai tukutuku sa kune rawa.

⁵⁶Ka lewe vuqa era beitaka vakailasu, ia na nodra i tukutuku sa veicalati dina.

⁵⁷A sa tucake mai eso ka beitaki Koya vakailasu, ka vaka,

⁵⁸"Keitou sa rogoci Koya ni tukuna, 'na vale ni soro oqo ka tara na tamata Au rawa ni talaraka sobu, ka ena loma ga ni tolu na siga Au rawa ni vakaduria tale kina e dua ka sega ni tara na tamata."

⁵⁹Ia nai tukutuku oqo e veicalati ka sega ni dodonu.

⁶⁰Sa qai tucake mai na bete levu ena kedra maliwa ka tarogi Jisu, ka vaka, sa sega li ni o via sauma mai? Me baleta na veika era tukuni iko tiko kina na tamata oqo?

⁶¹Ia a sa galu o koya ka sega ni vosa. Sa tarogi koya tale na bete levu ka vaka, "O iko beka na Karisito, na Luve i Koya Sa Cecere sara?"

⁶²Sa tukuna o Jisu, "Io, o Au, ka o na raica na Luve ni tamata ni dabe tiko ena liga i Koya sa kaukauwa, ena Nona na lako mai ena vei o ni lomalagi."

⁶³Sa qai dresulaka na Nona i sulu o koya na bete levu ka tukuna, "A cava tale na yaga ni vakadinadina eke?

⁶⁴"Dou sa rogoca na vosa vakacaca e cavuta tiko baleta na Kalou! A cava dou sa lewa?" Nai totogi era tukuna ni veiganiti tukuna me sa vakamatei."

⁶⁵E so vei ira e kasiviti Koya, eso e vesuka na matana ka vaculaka, ka ra tukuna vua, "Parofisai mada!" O ira na yadra era sa qai vakarobalaka.

⁶⁶Ni se tiko o Pita ena vanua ni vakarorogo veilewai, a sa lako mai e dua na yalewa dauveiqaravi vei koya na bete levu,

⁶⁷Ni sa raici Pita ni tatalai tiko a sa rai vua ka tukuna, "O iko talega o a dau tiko vata kei Jisu na kai Nasareci."

⁶⁸Ia sa cakitaka o koya, ni tukuna. "Au sega ni mai kila ka'u sega ni taura rawa na ka o tukuna tiko mai. "Sa qai lako yani o koya kina varada i tuba, a sa tagi sara na toa.

⁶⁹Baci raici koya tale na goneyalewa dauveiqaravi vata tikoga o ya, ka tekivu me tukuni koya yani vei ira na tu e kea, ka vaka, o koya sara ga oqo e dua vei ira."

⁷⁰A sa cakitaka tale o koya. Sega ni dede era sa tukuna vei Pita o ira na tu e kea, ka vaka, "O iko dina sara ga e dua vei iratou; ni nomu vosa sa tukuna ni o kai Kaleli." E tukuni iko na nomu vosa!"

⁷¹Sa tekivu me ruru ka vosaca ka vaka, "Au sa sega ni kila na Tamata oqo, o koya dou sa tukuna tiko."

⁷²A sa tagi mai ena i karua ni gauna na toa. Sa qai nanuma lesu o Pita na vosa e a cavuta vua o Jisu, "Se bera ni tagi vakarua na toa, o na cakitaki Au vakatolu." A sa qai vakasamataka na ka sa cakava, a sa tagi vakalevu sara.