[41] Marika 9

¹A sa tukuna vei ira, "Au tukuna vaka i dina vei kemudou, eso eke ka tucake tu oqo ni se bera ni ra na mate era na raica na matanitu ni Kalou ni na lako mai ena kaukauwa levu."

²Ni oti e ono na siga sa qai kauti Pita, Jemesa kei Joni o Jisu kina dua na dela ni ulunivanua cecere ka sega tale e dua; a sa vakamataliataki o koya e matadratou.

³Ka sa serau ka makaresese vulavula na nona i sulu me vaka na uca cevata, ka sa sega sara ga ni dua na dausavasava e vuravura me savata nai sulu me vaka na vulavula oqo.

⁴A sa rairai mai vei iratou oilaijia kei Mosese ka rau sa veivosaki vata kei Jisu.

⁵Sa tukuna o Pita vei Jisu ka vaka, "Rapai, sa bau dua dina na ka totoka na nodatou tiko eke, ka me keitou sa tara e tolu na vale vakacevaceva: me dua e Nomuni, dua me nei Mosese, kei na dua me nei Ilaijia."

⁶ena nodratou levu ni rere, a sa sega ni kila kina o koya na cava me tukuna.

⁷A sa dua na o sa vakarurugi iratou; ka rogo mai e dua na vosa mai na loma ni o, ka vaka, "sai Koya oqo na luvequ lomani. Dou rogoci Koya!"

⁸A ratou sa kurabui ka veiraiyaki, ka sa sega tale ni qai dua me ratou raica, ia o Jisu ga kei ratou.

⁹Ni ratou sa siro mai ena ulunivanua a sa vakadreti ratou o koya me ratou kakua ni tukuna na ka e ratou a raica, ka me yacova mada ni sa tucake mai na mate na luve ni Tamata.

¹⁰A ratou sa maroroya na vosa o ya vei ratou, ka veinanuyaka vaka i iratou nai balebale ni tucake tale mai na mate.

¹¹E ratou tarogi Koya ka vaka, "na cava na vuna era tukuna kina na daunivolatabu ni dodonu me liu mai oilaijia?"

¹²A sa tukuna vei ratou o koya, ka vaka, io, sa lako oti dina mai oilaijia ena nona mai vakasuka lesu na veika kece. Vakacava mada na kena volai tu mai, ni na levu na veika rarawa ena sotava na luve ni Tamata ka ra na sega ni dokai Koya?

¹³"Ia ka'u tukuna vei kemudou ni o Ilaijia sa lako oti mai, ka era qai cakava vua na ka ga era vinakata mera cakava, ka me vaka na ka sa volai oti tu me baleti Koya."

¹⁴Ni sa yaco mai o koya vei iratou na tisaipeli, a sa raici ira na lewe vuqa ni ra sa osodrigi vei iratou, kei na nodra veileti tiko vei iratou na daunivolatabu.

¹⁵Ka era kidacala ni ra sa raici Koya ka kurabui taucoko na tamata, era sa cicivi Koya, ka kidavaka.

¹⁶A sa tarogi ira na daunivolatabu o koya, "a cava dou vosataka tiko vei iratou?"

¹⁷A sa vosa mai e dua vei ira na lewe vuqa ka vaka, "Qasenivuli, au kauta mai vei kemuni na luvequ tagane ka tiko vua e dua na yalo ni galu.

¹⁸"Ena gauna me dau curumi koya kina, edau viritaki koya sobu ira ka vuso na gusuna ka vakasequruquru bati, ka qai wakakau na yagona. Au a tukuna vei iratou na nomu tisaipeli meratou cemuria tani, ia ka sega ni ratou rawata."

¹⁹A sa vosa vei ira o koya ka vaka, "ai tabatamata lailai ena vakabauta, ka e ka wale tu ga vei kemudou na nodatou bula vata? me kau mai vei Au o koya."

²⁰Era sa qai kauta mai vei Koya na gonetagane. Ni sa raici koya ka, vakasauri sa bitabitalaki koya na yalo ca oqo ka davo qiliraki koya ena qele, ka vuso na gusuna.

²¹sa tarogi tamana o koya, a ca-va na dede ni gauna sa tauvi koya tiko mai kina? Sauma o tamana, mai na gauna sara ga se gone kina.

²²"E levu na gauna edau biuti koya na yalo oqo, kina buka waqa se ki na loma ni wai me vakamatei koya. Ia ke dua na ka moni cakava, ni lomani keirau ka vukei keirau mai."

²³A sa tukuna vua o Jisu, "kevaka walega o rawa ni vakabauta, ni sa rawa na ka kecega vua sa vakabauta."

²⁴Vakasauri sa qolou i cake na tama ni gone ka vosa tagitagi ka vaka, "Turaga, au sa vakabauta; ni vukei au ena noqu sega ni vakabauta."

²⁵Ni sa raica o Jisu ni ra sa cici vata mai na lewe vuqa, sa vunauca na yalo velavela ka vaka, "O iko na yalo ni galu kei na didivara, Au sa vakaroti iko mo lako tani mai vua ka mo kakua ni curumi koya tale vakadua!"

²⁶A sa qoqolou na yalo oqo ka bitabitalaki koya me yacova ni sa lako tani mai vua. Ka sa vaka kina o koya e dua sa mate, e lewe levu sa tukuna, "ni sa mate."

²⁷Ia sa taura na ligana o Jisu ka dreti koya cake, sa tucake mai.

²⁸Ni sa la'ki tiko o koya i vale e ratou sa tarogi koya lo na nona tisaipeli, ka vaka, "na cava keitou sega kina ni cemuria rawa?"

²⁹A sa tukuna vei iratou o koya, "na mataqali vaka o ya sa sega ni cemuri wale, ia sa rawa ga ena masu kei na lolo."

³⁰A ratou sa biuta tale mai na vanua o ya ka lako siviti Kaleli, ena nona vinakata me kua ni dua e kila.

³¹A sa nona vakatavuvuli tiko vei iratou na nona tisaipeli, ka tukuna, "ena soli yani na luve ni tamata ki na ligadra na tamata, ka era na vakamatei koya. Ni sa vakamatei, ka ena qai tucake tale ena i katolu ni siga."

³²Ia e ratou sa sega ni kila nai balebale ni vosa oqo, ka ratou sa rere talega ni taroga.

³³A sa lako mai o koya ki Kapenaumi. Ni sa tikoi vale sa qai tarogi iratou, "na cava mada dou veiletitaka tiko mai e gaunisala?"

³⁴Ia e ratou sa vagagalu taucoko, ni ratou sa veiletitaka tiko mai vaka iratou ena gaunisala, se o cei e cecere duadua.

³⁵Sa qai dabe sobu i ra o koya ka kacivi ira mai na lewe tinikarua, ka tukuna vei ira, "kevaka e dua sa vinakata me vakaliuci, o koya me tiko sara mai ra vei kemudou kece, ka me nomudou dauniveiqaravi talega."

³⁶A sa taura e dua na gone lailai ka vakaturi koya e matadratou. Sa qai keveta ka tukuna vei iratou,

³⁷"O koya yadua sa ciqoma e dua na gone lailai vaka oqo ena vuku ni Yacaqu sa ciqomi Au; o koya sa ciqomi Au e sega ni ciqomi Au walega ia sa ciqomi koya sa talai Au mai." Sa Sega Ni Vakatara O Jisu Na Dui Toto

³⁸A sa tukuna vua o Joni, ka vaka, "Qasenivuli keitou raica e dua ni cemuria na tevoro ena Yacamuni, ka keitou sa tarovi koya baleta ni sega ni muri kedatou tiko."

³⁹Ia sa tukuna o Jisu, dou kakua ni tarovi koya, ni sa sega ni rawa me dua e cakava na ka e veivakurabuitaki ena Yacaqu, me qai vosavakacacataki Au e muri.

⁴⁰"E sega ni kedatou meca o ira na tokona na cakacaka.

⁴¹O koya e solia vei kemudou e dua na bilo wai ena vuku ni Yacaqu, baleta ni dou sa nei Karisito, Au tukuna vakaidina vei kemudou, ena sega ni rawa me kautani mai vua na kena i sau.

⁴²Ia o koya yadua ena vakavuna me bale e dua vei ira na gone lailai sa vakabauti Au, ena vinaka cake vua me vesu e domona e dua na vatu ni qaqaqi levu, qai vakalutudromutaki ki loma ni wasawasa.

⁴³Kevaka e vakavuna na ligamu nomu valavala ca, mo taya laivi. Ka ni vinaka cake vei iko mo curu kina bula ka liga dua, ka ca ga ni tu na ligamu ruarua, mo qai lakoi Eli kina bukawaqa sa sega ni boko rawa-

⁴⁴"Na vanua ena sega kina ni mate nona i valavala ca kei na bukawaqa e sega ni boko rawa.'

⁴⁵Kevaka e vakavuna na yavamu nomu valavala ca, mo taya laivi. Ni vinaka cake vei iko mo curu kina bula ka gera yani, ka ca ga ni o lako yani ena yavamu ruarua ka o qai viritaki ki Eli, kina bukawaqa e sega ni boko rawa.

⁴⁶"Na vanua ena sega kina ni mate na nona i valavala ca kei na bukawaqa e sega ni boko rawa."

⁴⁷Kevaka e vakavuna na matamu na nomu valavala ca, mo leuta tani. Ka ni vinaka cake vei iko mo curu kina matanitu ni Kalou ka mata dua, ka ca ga ni vinaka na matamu ruarua, ka o qai viritaki ki na drano bukawaqa.

⁴⁸"Na vanua ena sega kina ni mate nona i valavala ca kei na bukawaqa e sega ni boko rawa."

⁴⁹Ka ni na vakamasimataki na tamata yadua ena bukawaqa, kei na vakacabo i soro taucoko ena vakamasimataki.

⁵⁰"Na masima e vinaka, ia kevaka sa yali na tuituina mai na masima, o na vakatuituinataka tale ena cava? Mo dou tuituina tiko, ka veivakacegui vakaikemudou."