[40] Maciu 25

¹Ia na matanitu vakalomalagi e rawa talega ni vakatautauvatataki kei na tini na goneyalewa, e ratou kauta na nodratou dui cina me ratou na la'ki veisotari kei na tagane sa qai vakawati.

²"E lewe lima vei iratou sa vuku ka lewe lima sa lialia.

³Oi iratou na lialia e ratou kauta na nodratou cina e ratou sega ni kauta vata tu kei na waiwai,

⁴"Ia o iratou na vuku e ratou kauta na nodratou cina ka e ratou kauta vata tiko kei na nodratou bola ni waiwai.

⁵Ia ni sa dede tiko mai na tagane sa vakawati, e ratou sa sosovu kecega ka moce.

⁶"Ni sa bogi levu tutu sa rogo e dua na domo ni kacikaci: 'Ka raica, na tagane sa vakawati sa lako mai oqo; dou lako ka laki sotavi koya!"

⁷"E ratou sa duri cake mai na goneyalewa ka dui vakarautaka na nodratou cina.

⁸"E ratou sa tukuna na lialia vei iratou na vuku, dou solia mada mai vei keitou eso na nomudou waiwai, ni sa boko tale na neitou cina!

⁹"Ia e ratou sauma mai na vuku, ka vaka, 'Sa sega ni veirauti vei kedatou na ka oqo; ia ena daumaka mo dau lako vei ira na dauvolitaka ka volia mai kina eso me nomudou.'

¹⁰Ena gauna me ratou lako kina ka la'ki volivoli, sa lako mai na tagane sa vakawati, ia o iratou sa vakarau tu e ratou sa curu vata kei koya ki na vanua ni soqo ni vakamau; ka sa sogo na katuba.

¹¹Ni oti o ya e ratou sa lako talega mai na vo ni goneyalewa oqo, ka kacikaci, noqu turaga, noqu turaga ni dolava vei keitou na katuba!

¹²"Ia sa vosa o Koya ka sauma vei iratou, Au tukuna dina vei kemudou, Au sega sara ga ni kilai kemudou.'

¹³O koya mo dou yadra tiko ka vakarautaki kemudou, ni dou sega ni kila na siga kei na auwa ena lako mai kina na Luve ni Tamata.'

¹⁴Ni matanitu vakalomalagi sa vaka e dua na tamata sa lako ki na dua na vanua vakayawa, sa qai kacivi ira mai na nona tamata cakacaka ka solia vei ira na nona i lavo mera rawata tale mai kina eso.

¹⁵Sa soli e lima na taledi vua e dua, lima na udolu na dola, vua tale e dua e rua na udolou na dola, vua tale e dua, e dua ga na udolu na dola, sa solia ni kila na nona kaukauwa ena ka e rawa mai kina; ni sa oti sa qai lako yani.

¹⁶Na tamata sa soli vua e lima na taledi sa lako ka la'ki veivolitaka ka sa rawata mai kina e lima tale na taledi.

¹⁷Sa vaka talega kina o koya sa soli vua e rua na taledi ni sa rawata tale mai erua.

¹⁸'Ia vei koya sa soli vua e dua na taledi sa lako ka la'ki kelia na qele, me buluta kina nai lavo ni nona turaga.

¹⁹Sa dede na nona lako tu na nodratou turaga sa qai lesu tale mai ka mai taroga na ka e ratou sa rawata.

²⁰Vei koya sa taura e lima na taledi sa lako mai ni sa kauta vata tiko mai kei na lima tale na taledi, sa tukuna, turaga, o ni a solia vei au e lima na taledi; raica qo au sa rawata mai e lima tale na taledi.

²¹'Sa tukuna vua na nona turaga, totoka vakaoti, o sa tamata vinaka ka dina; ni o sa dina ena ka e vica walega, au na vakayacori iko mo lewa na ka e vuqa curu ki na marau ni nomu turaga.

²²O koya talega sa soli vua e rua na taledi sa lako mai, ka tukuna, 'Turaga, o ni a solia vei au e rua na taledi; raica qo, Au sa rawata tale mai e rua tale na taledi.

²³'Sa tukuna vua na nona turaga, totoka vakaoti, o sa tamata vinaka ka dina; ni o sa dina ena ka e vica walega, au na vakayacori iko mo lewa na ka e vuqa. Curu ki na marau ni nomu Turaga.

²⁴Sa lako talega mai o koya sa soli vua e dua na taledi, ka mai tukuna, Turaga au sa kila rawa ni o ni sa bau dua na tamata lawaki kaukauwa, mo ni tamusuka e dua na ka o ni sega ni kaburaka, ka betia e dua na ka o ni sega ni oca kina.

²⁵Sa tuburi au mai kina e dua na rere, au sa lako kina ka la'ki buluta na nomu taledi me'u vunitaka ena qele. Raica qo, sa soli tale vei iko na ka ga e nomu.

²⁶'Ia sa vosa vua na nona Turaga, ka vaka, o iko na tamata loma ca ka vucesa, o kila ni'u na tamusuka na ka au sega ni kaburaka ka betia na ka au sega ni oca kina.

²⁷E dodonu mo vakacuruma na noqu i lavo ki na baqe, ni gauna me'u lesu mai kina sa rawa ni'u taura na kena tubu.

²⁸O koya oqo dou taura mai vua na taledi, ka solia vei koya e tini na nona taledi e tini na udolu na dola.

²⁹Vei koya sa tu vua na ka ena soli vakalevu vua me vuabale; ia vei koya e sega ni dua na ka e tu vua, ena kautani tale mai vua na ka sa bau toka rawa vua.

³⁰'Dou taura na tamata sega ni yaga oqo ka comolaka ki na butobuto e tautuba. Me na dautagi kina ka vakasequruquru bati!'

³¹Ni na lako mai na Luve Ni Tamata kei ira vata tukuna na agilosi yalosavasava, ena qai mai dabeca na Nonai dabedabe lagilagi vakaturaga.

³²'Na veimatanitu kece era na duri e matana, ena tawasei ira yadudua o Koya me vaka na nona tawasea na sipi na kenai vakatawa.

³³Ena vakatikori ira na sipi mera tiko ena ligana i matau, ia na me ena ligana i mawi.

³⁴Ena qai tukuna na tui vei ira sa tiko ena yasana i matau, dou lako mai oi kemuni sa vakalouvinakataki mai vei Tamaqu, mo ni taukena na matanitu sa vakarautaki tiko mai me Nomuni mai na gauna e tauyavutaki kina o vuravura.

³⁵'Ni' u a viakana tu ka dou a vakani au; ni'u a viagunu kemudou a vagunuvi au; ni'u a vulagi yani dou a kauwaitaki Au ka vakacurumi Au i vale.

³⁶Ni'u a luvaiwale dou a vakaisulumi Au; ni'u a tauvimate dou a mai sikovi Au; Ni'u tu ena vale ni veivesu dou a qai mai raici Au.'

³⁷'Era sa qai tarogi koya na yalododonu, ka vaka, 'Turaga, ena gauna cava o Ni a viakana kina keimami qai vakani Kemuni, se viagunu kina keimami qai vagunuvi Kemuni?

³⁸Ena gauna cava mada Kemuni a vulagi mai kina, keimami qai kauwaitaki Kemuni ka vakacurumi Kemuni i vale, se na gauna o Ni luvaiwale kina keimami qai vakaisulumi Kemuni?

³⁹Se na gauna cava keimami sikovi Kemuni kina, ena gauna ni Nomuni tauvimate kei na nomuni tiko ena vale ni veivesu?

⁴⁰Sa qai sauma vei ira na Tui, ka vaka, na ka dina oqo Au tukuna vei kemudou, na veika kece sara dou cakava vua e dua na noqu i tokani oqo, dou sa cakava tiko vei Au.

⁴¹'Sa qai tukuna talega o Koya vei ira sa tiko ena Ligana i mawi, ni lako tani mai Mataqu, dou sa cudruvi ki na bukawaqa sega ni boko rawa sa vakarautaki ki vua na tevoro vata kei ira na Nona agilosi:

⁴²Ni'u a viakana tu dou sega ni bau vakani Au; Ni'u a viagunu dou sega sara ga ni bau vagunuvi Au;

⁴³Ni'u a vulagi yani dou sega sara ga ni bau kauwaitaki Au mo dou vakacurumi Au i vale, Ni'u a luvaiwale dou sega ni bau vakaisulumi Au, Ni'u a tauvimate ka tiko talega i vale ni veivesu dou sega ni bau mai sikovi Au.'

⁴⁴'Era na tarogi koya talega, ka vaka, Turaga ena gauna cava mada o Ni a viakana kina se viagunu se vulagi mai, se luvaiwale se tauvimate se tiko e vale ni veivesu, me keimami sega ni qaravi Kemuni?'

⁴⁵'Sa qai tukuna talega vei ira o Koya, ka vaka, na ka dina Au tukuna oqo vei kemuni, na veika kece sara o Ni sega ni via cakava vua e dua vei ira oqo, o Ni sa sega ni via cakava vei Au.

⁴⁶'O ira sa vaka oqo era na lakova yani nai totogi ni veivakararawataki sega mudu, ia o ira na yalododonu ki na bula sega ni mudu.'