[40] Maciu 3

¹Ena gauna o ya mai na loma ni vanua liwa e Jutia, sa dauvunau tiko kina o Joni na Dau veipapitaisotaki,

²Sa kacivaka, "Dou veivutuni ni sa voleka na matanitu vakalomalagi!"

³Ni o koya oqo sa tukuna mai o Aisea na parofita, ka vaka: "E dua na domo sa kacikaci mai na vanua liwa: me vakarautaki na gaunisala i Jiova; ka me vakadodonutaki na gaunisala ena muria."

⁴O Joni oqo sa vakaisulu ena i sulu ni vuti ni Kameli, ka vauci na tolona ena i vau kuli ni manumanu; sa kena kakana na vodre kei na deni oni mai veikau.

⁵O ira e Jerusalemi, Jutia taucoko kei na veiyasana volekata na Joritani, era lako kece vua mera la'ki rogoci koya.

⁶Sa paitaisotaki ira o koya ena Joritani, ni ra sa vakatusa tiko na nodra i valavala ca.

⁷Ia ni sa raica o koya, era sa lewe levu na Farisi kei nai tokani i Sedusisi era sa lako mai ki na nona papitaiso, sa tukuna vei ira, "Oi kemudou na luve ni gata! o cei sa vakasalataki kemudou mo dou drovaka na cudru sa lako tiko mai?"

⁸O koya oqo mo dou vuataka na vua sa va- Kalou me vaka na nomudou sa papitaiso,

⁹Me kakua ni cala tiko na nomudou vakasama, mo dou se tukuna tiko ni tamamudou o Eparaama, ni'u tukuna oqo vei kemudou, ni sa rawa ga vua na Kalou me vakatubura na veivatu oqo mera luvei Eparaama.

¹⁰Sa davo oti tu na matau ena waka ni kau. O koya oqo na vunikau vakaaduaga sa sega ni vuataka tiko na vua vinaka, ena musuki sobu me vakamai laivi.

¹¹"Au sa papitaisotaki kemudou ena wai ni dou sa veivutuni ia o koya ena muri au mai sa levu cake vei au, au sega mada ga ni yacova yani nai vakatagedegede me tu kina na dodonu vei au me'u tubera na nona i vava." O koya e na qai mai papitaisotaki kemudou ena Yalo Tabu kei na bukawaqa caucaudre.

¹²"Sa tiko e ligana nai sivi ni nona veivakasavasavataki, ena samaka o koya na vanua ni nona vakasavasavataki sila, me maroroi vinaka na witi ki na kena vale; ia ena vakama taucoko na qa ni sila ena bukawaqa sa sega ni boko rawa."

¹³Sa biuti Kaleli mai o Jisu me mai papitaisotaki vei Joni ena Joritani.

¹⁴Ka sa via tovolea o Joni me tarova sa tukuna vua, "O iko ga mo paitaisotaki au, o sa lako dina li mai vei Au?"

¹⁵Ia sa sauma yani vua o Jisu, ka vaka, Au kerei iko mo cakava sara ga oqo, ni sa kilikili vei Au me'u vakaraitaka na ka dodonu." Sa qai papitaisotaki Koya o Joni.

¹⁶Ni sa papitaisotaki oti sa lamata cake mai ena loma ni wai, ka raica, o Lomalagi sa dolavi vua, ka sa raica o koya na Yalo ni Kalou ni sa lako sobu mai vua me vaka na ruve ka mai toka Vua.

¹⁷Ka vakasauri sa rogo mai Lomalagi e dua na domo ka vaka, "O koya oqo na Noqu Gone ni Toko, sa dau vakamarautaki Au vakalevu."